သင်သိပါသလား...လက်ပုံမှန်ဆေးရုံနဲ့ ရောဂါပိုးအမျိုးမျိုး ကြိုတင်ကာကွယ်နိုင်တယ်ဆိုတာ...

သင်သိပါသလား... 

• ဆပ်ပြာနဲ့လက်ကို သန့်ရှင်းအောင် ဆေးလိုက်ရုံနဲ့ ဝမ်းပျက်ဝမ်းလျှောရောဂါများကို ၃၀ ရာခိုင်နှုန်း လျှော့ချပေးနိုင်တယ်ဆိုတာ.. 

သင်သိပါသလား... 

• ဆပ်ပြာနဲ့လက်ကို သန့်ရှင်းအောင် ဆေးလိုက်ရုံနဲ့ အသက်ရှူလမ်းကြောင်းဆိုင်ရာ ကူးစက်ရောဂါများကို ၂၀ ရာခိုင်နှုန်းအထိ လျှော့ချပေးနိုင်တယ်ဆိုတာ..

သင်သိပါသလား... 

• ဆပ်ပြာနဲ့လက်ကို သန့်ရှင်းအောင် ဆေးတာဟာ... ကာလဝမ်းရောဂါ၊ အီဘိုလာ (Ebola), ရှီဂါလိုစစ်(Shigellosis), ဆားစ် (SARS), အသည်းရောင်အသားဝါ-အီးနှင့် ကိုဗစ်-၁၉ ကဲ့သို့ ကူးစက်ရောဂါများ ပြန့်ပွားမှုကို လျှော့ချပေးရာတွင် အရေးကြီးတဲ့ကဏ္ဍကနေ ပါဝင်ကူညီပေးနေတယ်ဆိုတာ...

သင်သိပါသလား... 

• ဆပ်ပြာနဲ့လက်ကို သန့်ရှင်းအောင် ဆေးလိုက်တာဟာ...ဆေးရုံဆေးခန်းတွေမှာ ဖြစ်ပွားစေတတ်တဲ့ ရောဂါကူးစက်မှုများကို ကာကွယ်ပေးနိုင်ပြီး ပိုးသတ်ဆေးယဉ်ပါးမှုကြောင့် ဖြစ်စေနိုင်တဲ့ ရောဂါပိုးမွှားများ ပျံ့နှံ့ခြင်းကိုလည်း လျှော့ချပေးတယ်ဆိုတာ..

သင်သိပါသလား... 

• ဆပ်ပြာနဲ့လက်ကို သန့်ရှင်းအောင် ဆေးလိုက်တာဟာ.. လျစ်လျူရှုခံထားရတဲ့ အပူပိုင်းဒေသတွင် အဖြစ်များသောရောဂါများအား လျှော့ချဖို့အတွက်လည်း အထောက်အကူဖြစ်စေနိုင်တယ်ဆိုတာ...

ဆိုတော့ကား..

• လက်ကလေးကို ပုံမှန်ဆေးကြောသန့်ရှင်းပေးနေဖို့ဆိုတာ ဘာမှ အပန်းမကြီးပေမဲ့...ရလာနိုင်တဲ့ အကျိုးကျေးဇူးတွေကတော့ တပုံတပင်ကြီးပါနော်..

#ဆေးရုံဆေးခန်းသွားရတယ်ဆိုရင်... ဘာမဟုတ်တဲ့ ရောဂါလေးတွေနဲ့တင်.. တနင့်တပိုး ကုန်ကျစရိတ် များနေတဲ့ခေတ်ကြီးထဲမှာ.. ရောဂါအများအပြားကို အပန်းမကြီးတဲ့နည်းလမ်းတစ်ခုတည်းနဲ့...ကာကွယ် ပေးနိုင်တာဖြစ်လို့...ပုံမှန်လက်ဆေးကြဖို့ တိုက်တွန်းနှိုးဆော်ချင်ပါတယ်...

လက်ရှိမှာတော့ လက်ဆေးခြင်းကို ကမ္ဘာလုံးဆိုင်ရာအဆင့်ထိ ကျယ်ကျယ်ပြန့်ပြန့်အားပေးလုပ် ဆောင်လာပြီး နှစ်စဉ် အောက်တိုဘာလ ၁၅ ရက်နေ့ကို ‘ကမ္ဘာ့လက်ဆေးပွဲတော်နေ့’ အဖြစ် သတ်မှတ်ပြီး လူထုအသိပညာပေးမှုတွေ ပြုလုပ်နေပါတယ်။

အခုနှစ် အောက်တိုဘာ ၁၅ ရက်မှာကျရောက်တဲ့ ‘ကမ္ဘာ့လက်ဆေးပွဲတော်နေ့’ မှာတော့ ...

‘ အားလုံးလက်ဆေးသန့်ရှင်းရေး စည်းလုံးညီညာဆောင်ရွက်ပေး’ ဆိုတဲ့ ဆောင်ပုဒ်နဲ့ လူထု လှုံ့ဆော်မှုတွေ ပြုလုပ်ခဲ့ပြီး မြန်မာနိုင်ငံအတွင်းမှာလည်း ကမ္ဘာ့ငါးအဖွဲ့(World Fish) နဲ့ မိတ်ဖက်အဖွဲ့တွေ ပူးပေါင်းကာ ဒေသအများအပြားမှာ ‘ကမ္ဘာ့လက်ဆေးနေ့’ လူထုအသိပညာပေး လှုပ်ရှားမှုတွေ ပြုလုပ်ခဲ့ပါတယ်။ 

လှုပ်ရှားမှုပုံတွေကို အောက်မှာ ဖော်ပြပေးလိုက်ပါတယ်..။

Let Pan Chuang Village, Kale Township, Ar Yone Oo Social Development Association 

Thar Yar Kone Village, Kale Township, Ar Yone Oo Social Development Association 

Min Hla Village, Kale Township, Ar Yone Oo Social Development Association

Hpoke Kone Village, Shwebo Township, BRAC Myanmar

Kengtung Township, Mawk Kon Local Development Organization & WorldFish Myanmar

*ပုံမှန်လက်သန့်ရှင်းရေး လုပ်ပေးရမယ့်အချိန်တွေကတော့...

• အစာမစားမီနှင့် အစားအစာတွေ မကိုင်တွယ်မီတိုင်း
• အိမ်သာတက်ပြီးတိုင်း
• ကလေးအညစ်အကြေး သန့်စင်ပြီးတိုင်း
• အများသုံးပစ္စည်းတွေ ကိုင်တွယ်ပြီးတိုင်း (ဥပမာ - ပိုက်ဆံ၊ တံခါးလက်ကိုင်၊ ဘတ်စ်ကားလက်တန်း၊ စက်လှေကားလက်ရန်း)
• ကစားပြီးတိုင်း

တွေပဲဖြစ်ပါတယ်။

ဒီတော့...လက်ကို ဆပ်ပြာနဲ့ စင်ကြယ်အောင်ဆေးကြောခြင်းဖြင့်...

ဝမ်းပျက်ဝမ်းလျှောရောဂါ၊ ရာသီတုပ်ကွေးရောဂါ စတဲ့ ကူးစက်ရောဂါအမျိုးမျိုးကို ကာကွယ်လိုက်ကြပါစို့...။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်