ရော်ဘာဆိုင်ရာစိုက်ပျိုးရေးအလေ့အကျင့်ကောင်းများ

- ဒေသအလိုက်ထောက်ခံထားသောရော်ဘာမျိုးများကိုသာစိုက်ပျိုးပါ။ မြေပြန့်မှ (၅) ဒီဂရီ အစောင်းရှိသောမြေနေရာတွင် ပင်ကြားတန်းကြား (၂၀x ၁၀) ပေစိုက်နည်းစနစ်အသုံးပြုပါ။

- (၅-၃၀) ဒီဂရီ အစောင်းရှိသောမြေနေရာတွင် ပင်ကြားတန်းကြား (၃၀ x ၇)ပေ ကွန်တိုစိုက်နည်းစနစ်အသုံးပြုပါ။

- ကမ္ဘာ့ရော်ဘာအထွက်၏ (၇၀-၈၀) ရာခိုင်နှုန်းအား အသုံးပြုလျှက်ရှိသည့် တာယာကုမ္ပဏီများအနေဖြင့် သစ်တောဧရိယာအတွင်း စိုက်ပျိုးထားသော ရော်ဘာစိုက်ခင်းများမှ ထွက်ရှိသောရော်ဘာအား ဝယ်ယူသုံးစွဲခြင်းမပြုရန် ဆုံးဖြတ်ထားရှိရာ သစ်တောဧရိယာအတွင်း ရော်ဘာတိုးချဲ့စိုက်ပျိုးခြင်း (လုံးဝ) မပြုလုပ်ပါနှင့်။

- စိုက်ကျင်းအား ဧပြီလလယ်မှမေလအတွင်း (၂) ပေပတ်လည် အနက် (၂) ပေ ဇလားပုံတူးပါ။ အပေါ်ယံမြေသားကို ကျင်းတစ်ဖက်တွင်စုပုံ၍ ကျင်း အောက်ခြေမှမြေသားကို အခြားတစ်ဖက်တွင်စုပုံပါ။ ကျင်းတစ်ကျင်းတွင် ရော့ဖော့စဖိတ် မြေသြဇာနို့ဆီဗူးတစ်ဝက်နှင့် အပေါ်ယံမြေကိုရောပြီး ကျင်းထဲသို့ ထည့်ပြီးမှ အောက်မှမြေသားကို မြေမျက်နှာပြင်ထက် (၄)လက်မ ပိုမြင့် အောင်ဖို့ထားရသည်။ ပန္နက်တိုင်ကိုပြောင်းပြန်စိုက်ထားရသည်။

- အပေါ်ရွက်ဖုံရင့်နေသည့်ရွက်ဖုံ(၂၃)ဖုံရှိ အဖူးဆက်ရော်ဘာပျိုးပင်ကိုရွေးချယ် စိုက်ပျိုးပါ။ ပလပ်စတစ်အိတ်ပျိုးပင်ကို အောက်ခြေတွင် အိတ်အားဓါးဖြင့် ဖြတ်ဖွင့်ကာအိတ်၏ ဘေးအားအောက်ခြေမှအပေါ်သို့ အိတ်၏သုံးပုံတစ်ပုံ အထိခွဲပြီးနောက် စိုက်ပျိုးရန်ပြန်ဖော်ထားသော စိုက်ကျင်းထဲတွင်ချရသည်။

- ပျိုးအိတ်ပတ်လည်အားမြေများ တစ်ဖြေးဖြေးဖို့သိပ်ရင်း ပလပ်စတစ်အိတ် ဘေးအား အပေါ်အထိအဆင့်ဆင့် ဆက်ခွဲပြီးနောက် ပလပ်စတစ်အိတ်အား ဆွဲမချွတ်လိုက်ရသည်။ ပျိုးပင်မြေလုံးပတ်လည်ရှိ ဖို့မြေအား တစ်ဖြေးဖြေး ဖို့ရင်း လိပ်ကျောကုန်းပုံစံပေါ်သည်အထိ နင်းသိပ်ပေးရသည်။ ပျိုးပင်လုံး အား မနင်းသိပ်ရပါ။

- ရော်ဘာစိုက်ပျိုးသည့် ပထမ(၃) နှစ်အတွင်း အပိုဝင်ငွေရရှိစေရန်နှင့် ပေါင်း နှိမ်နင်းနိုင်စေရန် ကြားသီးနှံများအား ရော်ဘာပင်တန်းအခြေမှ (၅)ပေခွာ၍ စိုက်ပျိုးပါ။ သွင်းအားစုများများကို မိုးဦးမိုးနှောင်း အချိန်ကိုက်အချိုးညီ ထည့်သွင်းသုံးစွဲပါ။အဖူးကူးပင်ကို အမြင့်(၅၀)လက္ခတွင်လုံးပတ်(၂၀)လက္မ၊ အစေ့စိုက်ပင်ကို မြေပြင်မှအမြင့် ၂၀ လက္ခတွင် လုံးပတ်(၂၀)လက္မပြည့်ပါက အစေးခြစ်နိုင်မည်ဖြစ်ပါသည်။

စိုက်ပျိုးရေးဆိုင်ရာနည်းပညာများနှင့်ပတ်သက်၍ သိရှိလိုပါက စိုက်ပျိုးရေးဦးစီးဌာန (ရုံးချုပ်) Call Center ဖုန်းနံပါတ် ၀၆၇- ၄၁၀၁၃၉၊ ၀၁-၂၃၉၉၅၅၅ နှင့် သက်ဆိုင်ရာမြို့နယ်စိုက်ပျိုးရေးရုံးများတွင် ဆက်သွယ် မေးမြန်းနိုင်ပါသည်။

အစိမ်းရောင်လမ်း စိုက်မွေးဖုန်းဆော့ဝဲ၏ အသုံးဝင်သော လိပ်စာများကဏ္ဍမှလည်း ခေါ်ဆိုနိုင်ပါတယ်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...