ကျပ် ၁ သိန်းကျော်နဲ့ ၃ သိန်းနီးပါးထိ ခုန်တက်တဲ့ မတ်ပဲ၊ ပဲစင်းငုံဈေးများ

ဒီတစ်ပတ် ရန်ကုန်၊ ဘုရင့်နောင်ဈေးကွက်အဖွင့်မှာတော့ မတ်ပဲဈေးဟာ အမျိုးအစားအလိုက် တစ်တန်ကို ၁ သိန်း၊ ၁ သိန်းခွဲနီးပါး ဈေးတက်လာပြီး ပဲစင်းငုံနီက တော့ အတက်ပိုကြမ်းခဲ့ကာ တစ်တန်ကို ကျပ် ၂၈၀၀၀၀ နီးပါးထိ ဈေးခုန်တက် သွားပါတယ်။

စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာတဲ့ ဈေးကွက်ဈေးနှုန်းတွေအရ သိရတာပါ။

ပြီးခဲ့တဲ့အပတ်သောကြာနေ့ ဩဂုတ် ၅ ရက်က တစ်တန်ကို ကျပ် ၁၆၆၇၅၀၀ ပဲ ဈေးရှိခဲ့တဲ့ မတ်ပဲ(FAQ/RC-2022) ဈေးဟာ အခုအပတ်ဈေးအဖွင့် ဒီနေ့မှာတော့ ကျပ် ၉၂၅၀၀ ဈေးတက်သွားပြီး တစ်တန်ကို ၁၇၆၀၀၀၀ (တစ်တင်း ၅၆၆၀၀ ကျပ်) ဖြစ်သွားတာပါ။

အလားတူ ဩဂုတ် ၅ ရက်က တစ်တန်ကို ကျပ် ၁၉၃၂၅၀၀ သာ ဈေးရှိခဲ့တဲ့ မတ်ပဲ(SQ/RC-2021) ဈေးဟာလည်း ဒီနေ့မှာတော့ ကျပ် ၁၄၂၅၀၀ ကျပ် ဈေးတက်သွားပြီး တစ်တန်ကို ၂၀၇၅၀၀၀ (တစ်တင်း ၆၆၇၀၀ ကျပ်) ဖြစ်သွားပါတယ်။

ပဲစင်းငုံနီဈေးကတော့ အတော်လေးကို အတက်ကြမ်းပါတယ်။ ပြီးခဲ့တဲ့အပတ်သောကြာနေ့ ဩဂုတ် ၅ ရက်က တစ်တန်ကို ၁၆၁၂၅၀၀ ကျပ်သာ ရှိရာကနေ ဒီနေ့မှာတော့ ၂၇၇၅၀၀ ကျပ် ဈေးတက်သွားပြီး တစ်တန်ကို ၁၈၉၀၀၀၀ ကျပ် (တစ်တင်း ၆၀၇၇၀ ကျပ်) ထိ ဖြစ်သွားတာပါ။

ဒီလိုဈေးတွေတက်ရတာဟာ ဗဟိုဘဏ်က ဒေါ်လာဈေးတိုးမြှင့်သတ်မှတ်လိုက်မှုကြောင့်လို့ AMIA က သုံးသပ်ထားပါတယ်။ ဗဟိုဘဏ်အနေနဲ့ ဩဂုတ် ၅ ရက် ညနေပိုင်းကစပြီး ဗဟိုဘဏ်ရည်ညွှန်း ဒေါ်လာငွေလဲနှုန်းကို ကျပ် ၁၈၅၀ ကနေ ကျပ် ၂၁၀၀ ကို ပြောင်းလဲသတ်မှတ်ခဲ့တာပါ။ 

ဒါပေမဲ့ အခုလို ဈေးတွေမြင့်တက်နေပေမယ့် မတ်ပဲက အရောင်းအဝယ် မရှိသလောက်ဖြစ်နေသလို ပဲစင်းငုံနီတွေကလည်း လက်ကျန်မရှိတော့ဘူးလို့ သိရပါတယ်လို့ AMIA ရဲ့သတင်းထုတ်ပြန်ချက်မှာ ဖော်ပြထားပါတယ်။

ပဲစင်းငုံနီအရောင်းအဝယ်နဲ့ပတ်သက်လို့ ကုန်သည်ကြီးတွေကတော့ နားထားပြီး ကုန်သည်အလတ်တွေကတော့  အမြင့်ဈေးနဲ့ ရောင်းနေတယ်လို့သိရကြောင်းလည်း AMIA က ဆိုထားပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ကိုးကားဖော်ပြခြင်းဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more