အခြေခံရည်ညွှန်းစပါးဈေး ပြင်ပဈေးကွက်ကို သက်ရောက်မှုမရှိဘဲ ဆန်အချို့ ဈေးတက်

အခြေခံရည်ညွှန်းစပါးဈေးအဖြစ် တင်း ၁၀၀ ကို ၆၃၀၀၀၀ ကျပ် သတ်မှတ်လိုက်ပေမဲ့ ပြင်ပဈေးကွက်ကို တော့ သက်ရောက်မှုမရှိဘဲ စပါးဈေးတွေဟာ အမြင့်ဈေးနဲ့သာဆက်ရှိနေသလို ဆက်တက်ဖို့ အလားအလာလည်းရှိတယ်လို့ ကုန်သည်တွေက သုံးသပ်ကြကြောင်း စိုက်ပျိုးရေးဈေးကွက်သတင်းအေဂျင်စီ (AMIA) ရဲ့ တစ်ပတ်အတွင်း ဈေးကွက်သုံးသပ်ချက်မှာ ဖော်ပြလာပါတယ်။

အဖျင်း၊ အမှော်၊ ဖုန်၊ သဲ၊ ခဲ ကင်းစင်ပြီး အရည်အသွေးဆိုင်ရာ သတ်မှတ်စံချိန်စံညွှန်းများနဲ့ ကိုက်ညီတဲ့ ၄၆ ပေါင်ကိုက် စပါးတင်း ၁၀၀ ရဲ့ အခြေခံရည်ညွှန်းစပါးဈေးအဖြစ် ၆၃၀၀၀၀ ကျပ် သတ်မှတ်တယ်ဆို ပြီး နိုဝင်ဘာ ၁၁ ရက် ရက်စွဲနဲ့ တောင်သူလယ်သမားအခွင့်အရေးကာကွယ်ရေးနှင့်အကျိုးစီးပွား မြှင့်တင် ရေးဦးဆောင်အဖွဲ့က ထုတ်ပြန်လိုက်တာဖြစ်ပါတယ်။

လက်ရှိ သွင်းအားစုကုန်ကျစရိတ်တွေအရ ဒီရည်ညွှန်းစပါးဈေးဟာ တောင်သူတွေအတွက် မဖြစ်နိုင်ဘူး လို့ တုန့်ပြန်မှုအချို့လည်း ရှိခဲ့ပါတယ်။ အဲ့ဒီလို တောင်သူ ကုန်သည်များအကြား လှုပ်ခတ်မှုတွေ ရှိပေမဲ့ လက်ရှိငွေကြေးဈေး၊ ကုန်ကျစရိတ်တွေကြောင့် အခုသတ်မှတ်လိုက်တဲ့ ရည်ညွှန်းဈေးကို စိုးရိမ်မှုတော့ မရှိကြဖို့ ကုန်သည်ကြီးများက ဆိုတယ်လို့ AMIA က ပေးပို့လာတဲ့ သတင်းမှာ ထည့်သွင်း ပြော ကြားထားပါတယ်။

ပြီးခဲ့တဲ့နှစ်ကလည်း အခြေခံရည်ညွှန်းဈေးကို ၅ သိန်း ခွဲ ထုတ်ပြန်ခဲ့ပေမယ့် ပြင်ပ ပေါက်ဈေးကတော့ ၁၀ သိန်းအထက်ရှိခဲ့တယ်လို့ သိရပါတယ်။

လက်ရှိမှာ ပြည်ပဝယ်ယူမှုရှိနေသလို ပြည်တွင်းစပါးထွက်ရှိနှုန်းလည်း နည်းတဲ့အတွက် စပါးဈေးတွေ ကတော့ အမြင့်ဈေးနဲ့သာ ရှိနေတာဖြစ်ပြီး ဈေးဆက်ပြီး တက်နိုင်တဲ့အခြေအနေ ရှိနေတယ်လို့ ကုန်သည်တွေက ဆိုကြောင်းလည်း AMIA က ပေးပို့လာတဲ့သတင်းမှာ ထည့်သွင်းဖော်ပြထားပါတယ်။

အခုတစ်ပတ်အတွင်း ရန်ကုန်ဈေးကွက်မှာ ရွှေဘိုပေါ်ဆန်းဆန်က တစ်အိတ်ကို ၈၇၀၀၀ကနေ ၉၅၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ်၊ ဧည့်မထဆန်က တစ်အိတ်ကို ၄၃၅၀၀ ကနေ ၄၅၀၀၀ ပေါက်ဈေးရှိပြီး တစ်အိတ်ကို ၁၅၀၀ ကျပ်၊ ဧည့်မထ ၂၅ မှတ်တန်ကတော့ တစ်အိတ်ကို ၄၁၅၀၀ ကနေ ၄၃၀၀၀ ပေါက်ဈေးရှိပြီး တစ်အိတ်ကို ၁၀၀၀ ကျပ်၊ မြီးဒုံဆန်က တစ်အိတ်ကို ၄၉၀၀၀ ကနေ ၅၁၀၀၀ ပေါက်ဈေးရှိပြီး တစ်အိတ်ကို ၃၀၀၀ ကျပ် အသီးသီးဈေးမြင့်တက်လာတယ်လို့ သိရပါတယ်။

ပဲခူးတိုင်း ပေါင်းတည်ဈေးကွက်မှာလည်း အင်းလယ်စပါးများထွက်ရှိလာပြီးတင်း ၁၀၀ ကို ၁၂ သိန်းနဲ့ ဝယ်ယူမှုတွေရှိတယ်လို့ သိရပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...