ဆန်ဈေးနှုန်းများ တစ်ပတ်အတွင်း နှစ်ကြိမ်ဆက်တက်

ရန်ကုန်၊ ဝါးတန်းဆန်ဈေးကွက်မှာ အမြင့်ဈေးနဲ့အချိန်အတော်ကြာငြိမ်နေခဲ့တဲ့ ဆန်ဈေးတွေဟာ ပြီးခဲ့တဲ့အပတ် ဇန်နဝါရီ ၁၆ ရက်တုန်းက တစ်ကြိမ်တက်လာခဲ့သလို တစ်ပတ်အကြာ မနေ့က ဇန်နဝါရီ ၂၃ ရက်မှာလည်း နောက်ထပ်တစ်ကြိမ် ဈေးတွေထပ်တက်လာခဲ့ပါတယ်။

ပြီးခဲ့တဲ့အပတ်သောကြာ ဇန်နဝါရီ ၂၀ ရက်အထိ ဆန်အမျိုးအစားအနည်းငယ်ကလွဲလို့ နောက်ထပ်ထူးထူးခြားခြား ဈေးအပြောင်းအလဲမျိုး မရှိတော့တာဖြစ်ပေမဲ့ ဒီတစ်ပတ်ဈေးကွက်အဖွင့်ဖြစ်တဲ့ မနေ့ကစပြီး ဆန်အမျိုးအစားအားလုံးဈေးထပ်တက်လာတာဖြစ်ပါတယ်။ ဒီနေ့ ဇန်နဝါရီ ၂၄ ရက်မှာတော့ ထပ်မတက်တော့ဘဲ မနေ့က ဈေးတွေအတိုင်းပဲ ဆက်ရှိနေပါတယ်။

ဇန်နဝါရီ ၁၆ ရက်ဈေးတက်တုန်းက ဧည့်မထဆန်(သစ်)နဲ့ ငစိန်ဆန်(သစ်) တွေက ဈေးမတက်တာ၊ တောင်ပျံ(ဖျာပုံ - သစ်) နဲ့ ပေါ်ကျွဲ (ဖျာပုံ - သစ်) တွေ ဈေးအနည်းငယ်စီကျတာ စသဖြင့် ခြွင်းချက်ရှိတာမျိုးတွေ ရှိခဲ့ပေမဲ့ မနေ့က ဈေးတက်မှုမှာတော့ ဆန်အမျိုးအစားအားလုံး ပါဝင်လာတာပါ။

ပြီးခဲ့တဲ့အပတ်အပိတ်ဈေး(ဇန်နဝါရီ ၂၀ ရက်ဈေး)နဲ့ယှဉ်ရင် ဘယ်လောက်အထိ ဈေးတွေတက်သွားတယ်ဆိုတာကိုတော့ အောက်ပါဇယားမှာ ကြည့်ရှုနိုင်ပါတယ်။ (တစ်တင်းခွဲတစ်အိတ် ဈေးနှုန်းတွေဖြစ်ပါတယ်)

နယ်စပ်စခန်းတွေပြန်ဖွင့်လာတာကြောင့် ဆန်တင်ပို့မှုမှာ ပိုမြင့်တက်လာနိုင်ပြီး ဈေးထပ်တက်နိုင်ဦးမယ်လို့ ဆန်ကုန်သည်တွေခန့်မှန်းထားမှုကတော့ ပြီးခဲ့တဲ့နှစ်ပတ်ခန့်ကကတည်းက ရှိနေတာဖြစ်တယ်လို့ သိရပါတယ်။ 

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။