ဆန်ဈေးတွေတက်နေတယ်...ဆီဈေးတွေတက်နေတယ်..

ဒီတစ်ပတ်ထဲမှာတော့ ဆန်ဈေးတွေ၊ ဆီဈေးတွေ၊ ကြက်သွန်နီဈေးတွေဟာ အတက်ပိုင်းမှာပဲ ဆက်ရှိနေပြီး ဆီဈေးတချို့ကတော့ ဒီနေ့မှာ ထပ်တောင် တက်လာပါတယ်။

ရန်ကုန် ဘုရင့်နောင်ဈေးကွက်မှာ ဒီတနင်္လာဈေးအဖွင့်တုန်းက ဆန်ချောဖြစ်တဲ့ တောင်ပျံမော်ကျွန်း(သစ်) ဟာ ၁ တင်းခွဲတစ်အိတ်ကို ၆၀၀၀၀ - ၆၁၀၀၀ ဈေးရှိရာကနေ ၆၅၀၀၀-၆၈၀၀၀ ဖြစ်သွားတာ ၃ ရက်ရှိသွားပါပြီ။ အလားတူ ဆန်ကြမ်းဖြစ်တဲ့ ရက် ၉၀ (သစ်-ရှယ်) ဟာ ဒီတနင်္လာဈေးအဖွင့်တုန်းက ၁ တင်းခွဲတစ်အိတ်ကို ၃၈၅၀၀ - ၄၀၀၀၀ ဈေးရှိရာကနေ ၃၉၀၀၀-၄၁၀၀၀ ဖြစ်သွားတာ ၃ ရက်ရှိသွားပါပြီ ဖြစ်ပါတယ်။

ပြည်တွင်းထုတ်ဆီတွေဖြစ်တဲ့ ပဲဆီ၊ နှမ်းဆီဈေးတွေကလည်း တက်ပြီးရင်း တက်နေဆဲပါပဲ။ မန္တလေးဈေးကွက်မှာ ဒီတနင်္လာဈေးအဖွင့်တုန်းက တစ်ပိဿာကို ၁၁၀၀၀ - ၁၂၅၀၀ ဈေးရှိခဲ့တဲ့ ပဲဆီဟာ ဒီနေ့မှာတော့ ၁၂၅၀၀-၁၃၀၀၀ ဖြစ်သွားပါပြီ။ ကြားထဲမှာ ဈေးတက်ခဲ့ပြီး ဒီနေ့တော့ ထပ်တက်တာပါ။ နှမ်းဆီကတော့  ဒီတနင်္လာဈေးအဖွင့်တုန်းက ၈၅၀၀-၉၅၀၀ ရှိရာကနေ ၉၀၀၀-၉၅၀၀ ဖြစ်သွားတာ ၃ ရက်ရှိသွားပြီဖြစ်ပါတယ်။

ပုသိမ်ဈေးကွက် လက်ကားဈေးတွေမှာတော့ တစ်ပိဿာဈေးနှုန်းတွေအနေနဲ့ ပဲဆီက ၁၂၀၀၀ ကနေ ၁၂၄၀၀၊ နှမ်းဆီက ၁၁၇၀၀ ကနေ ၁၂၀၀၀၊ စားအုန်းဆီက ၇၈၀၀ ကနေ ၇၉၀၀ အသီးသီးဖြစ်လာပါတယ်။

ရန်ကုန် ဘုရင့်နောင်ဈေးကွက်မှာ ပြီးခဲ့တဲ့တစ်ပတ်တုန်းက အမျိုးအစားအလိုက် တစ်ပိဿာကို ၁၃၅၀ ကနေ ၁၉၅၀ ကြား ဈေးရှိခဲ့တဲ့ ကြက်သွန်နီဈေးနှုန်းတွေဟာ အနိမ့်ဆုံးအမျိုးအစား ၁၅၅၀ ကျပ်ကနေ အမြင့်ဆုံးအမျိုးအစား ၂၁၅၀ ကျပ်ထိ ဈေးတွေဖြစ်သွားတာ ၂ ရက် ရှိသွားပြီပဲဖြစ်ပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ကိုးကားဖော်ပြခြင်းဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more