ကျွဲနွားများကို အာမခံပစ္စည်းအဖြစ် လက်ခံအသုံးပြုသော Sentinel Chain နည်းပညာ အသုံးပြုမည့် စမ်းသပ်စီမံကိန်း လုပ်ဆောင်မည်

ကျွဲနွားများကို အာမခံပစ္စည်းအဖြစ် လက်ခံအသုံးပြုသော ကမ္ဘာ့ပထမဆုံး platform ဖြစ်သည့် Sentinel Chain နည်းပညာကို အသုံးပြုကာ Tamper-Proof Livestock Identification tagging ပြုလုပ်ရန် စမ်းသပ်စီမံကိန်းတစ်ခုကို InfoCorp Technologies နှင့် RGK+Z&A Group တို့က အစိုးရဌာနနှစ်ခုနှင့် သဘောတူညီခဲ့သည်။

စင်ကာပူနိုင်ငံအခြေစိုက် Fin-Tech ကုမ္ပဏီတစ်ခုဖြစ်သော InfoCorp Technologies နှင့် RGK+Z&A Group တို့က စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဋ္ဌာန၊ မွေးမြူရေးနှင့် ကုသရေး ဦးစီးဋ္ဌာနနှင့် စီမံကိန်းနှင့် ဘဏ္ဍာရေးဝန်ကြီးဋ္ဌာန လက်အောက်ရှိ မြန်မာ့အာမခံလုပ်ငန်းတို့နှင့်ပူးပေါင်း၍ ရန်ကုန်၊ မန္တလေးတိုင်းဒေသကြီးနှင့် နေပြည်တော်အပါအဝင် ရွေးချယ်ထားသော ဒေသများတွင် InfoCorp ၏ Sentinel Chain နည်းပညာကို အသုံးပြု၍ ပူးတွဲလုပ်ဆောင်ကြမည်ဟု သတင်းထုတ်ပြန်ချက်တွင် ဖော်ပြထားသည်။

စမ်းသပ်စီမံကိန်း အကောင်အထည်ဖော်ရန် သဘောတူညီချက်ကို InfoCorp Technologies တည်ထောင်သူနှင့် အမှုဆောင်အရာရှိချုပ် Mr. Roy Lai၊ RGK+Z&A Group ၏ ဥက္ကဋ္ဌနှင့် အုပ်စုအမှုဆောင်အရာရှိချုပ် Mr. Zeya Mon တို့နှင့် မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးတို့က ရန်ကုန်မြို့၊ မြန်မာ့အာမခံရုံး၌ ယနေ့ လက်မှတ်ရေးထိုးခဲ့ကြသည်။

“ဒီပူးပေါင်းလုပ်ဆောင်မှုဟာ ကျွဲနွား အာမခံတွေရဲ့ ဆုံးရှုံးမှုနှင့် စွန့်စားရမှုတွေကို ဖြေရှင်းပေးပြီး ကျွဲနွားတွေကို အာမခံပစ္စည်းအဖြစ် အသုံးပြုနိုင်ခြင်းဖြင့် ဈေးကွက်ကို ဖွံ့ဖြိုးရေး အင်အားစုအဖြစ် အသွင်ပြောင်းပေးမယ့် ငွေကြေးဆိုင်ရာ ဂေဟစနစ်အဖြစ် ဖန်တီးပေးနိုင်မယ်လို့ InfoCorp က ယုံကြည်ပါတယ်” ဟု Mr. Roy Lai က ပြောသည်။

မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးကလည်း “ဒီနည်းပညာဟာ ကျေးလက်လူထုတွေ ငွေကြေးဝန်ဆောင်မှုလုပ်ငန်း အသုံးပြုလာနိုင်အောင် လုပ်ဆောင်ပေးမှာဖြစ်လို့ ကျေးလက်လူနေမှုဘဝ တိုးတက်လာတော့မှာဖြစ်ပါတယ်” ဟု ပြောကြားသည်။

InfoCorp Technologies သည် ကျွဲနွားများကို အာမခံပစ္စည်းအဖြစ် လက်ခံအသုံးပြုသော Sentinel Chain မှတဆင့် နယ်နိမိတ်များ ဖြတ်ကျော်ကာ ငွေကြေးဝန်ဆောင်မှုလုပ်ငန်းကို လုပ်ဆောင်ပေးနေသည်။ ထိုပလက်ဖောင်းကို အသုံးပြု၍ ရိုးရိုးငွေကြေး ဝန်ဆောင်မှုလုပ်ငန်းများဖြစ်သော ဘဏ်ငွေချေးခြင်း၊ အာမခံလုပ်ငန်းစသည်တို့ကို ဘဏ်လုပ်ငန်းမရှိသော ကျေးလက်လူထုနှင့် ၎င်းတို့၏ အရောင်းအဝယ်လုပ်ငန်း လုပ်ဆောင်ရာတွင် အသုံးပြုနိုင်သည်ဟု ဆိုသည်။

ကျေးလက်လူထု လိုအပ်သော ချေးငွေများကို ဖြည့်ဆည်းပေးနိုင်ရေးအတွက် ဤနည်းပညာသည် ဘဏ်များအတွက် များစွာအသုံးဝင်လာမည်ဟုလည်း ထုတ်ပြန်ချက်တွင် ဖော်ပြထားသည်။

“နိုင်ငံတော်အစိုးရက စိုက်ပျိုးရေးနဲ့ ကျေးလက်ကဏ္ဍ ပြုပြင်ပြောင်းလဲရေးကို ဦးစားပေးလုပ်ဆောင် နေပါတယ်။ ဤလေ့လာမှုက ကျွဲနွားတိရိစ္ဆာန်တွေနဲ့ ၎င်းတို့ပိုင်ရှင်တွေအတွက် အရေးပါတဲ့ အချက် အလက်တွေ ပြုစုရာမှာ အထောက်အကူများစွာ ရရှိလာမှာဖြစ်ပါတယ်။ တခြားနိုင်ငံတွေမှာ ငွေကြေးဆိုင်ရာ ပါဝင်မှု ပြဿနာဖြေရှင်းရေးအတွက် အမျိုးမျိုး ကြိုးပမ်းခဲ့ကြတာကို တွေ့မြင်ခဲ့ရပြီး InfoCorp ရဲ့ မှန်ကန်ပြီး ထူးခြားတဲ့ နည်းပညာဟာ အောင်မြင်မှုရမယ်လို့ ကျွန်တော်တို့ ယုံကြည်ပါတယ်။ ဒါကြောင့်လဲ ဒီနည်းပညာကို အသုံးချဖို့ InfoCorp နဲ့ ပူးပေါင်းပြီး အစိုးရဋ္ဌာနတွေရဲ့ ပူးပေါင်းလုပ်ဆောင်မှုကို ရယူခဲ့တာပါ” ဟု Mr. Zeya Mon ကပြောသည်။

ယခုပူးတွဲလေ့လာမှု၏ လာမည့်သုံးလအတွင်း ရှေ့ပြေးစီမံကိန်းတွင် နေပြည်တော်၊ လယ်ဝေးမြို့နယ်ရှိ နွားများ၏ မွေးမြူရေးအထောက်အထားများ စုစည်းခြင်းပါဝင်သော မိုဘိုင်းအက်ပလီကေးရှင်းကို ပြည်တွင်းမှ အသုံးပြုသူများ လွယ်ကူစွာအသုံးပြုနိုင်ရေး အဓိကထားသွားမည်ဟု သိရသည်။

Source – Frontier Myanmar

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...