အစိမ်းရောင်လမ်း
Greenovator
ပြည်တွင်း၌ ကစွန်းဥ စိုက်ပျိုးမှု လျော့နည်းကျဆင်းလာသည့်အတွက် အထွက်နှုန်းကောင်းသည့် ကစွန်းဥမျိုး များကို ပြောင်းလဲစိုက်ပျိုးနိုင်ရန် ရန်ကုန်တိုင်း ဒေသကြီးအတွင်းမှ တောင်သူများအား ကွင်းဆင်းပညာပေးခြင်း များ လုပ်ဆောင်ပေးသွားမည်ဖြစ်ကြောင်း တိုင်းဒေသကြီး စိုက်ပျိုးရေးဦးစီးဌာနမှ သတင်းရရှိသည်။
" ပြည်တွင်းက ထွက်တဲ့ ကန်စွန်းဥတွေက စျေးကွက်မရဘူး၊ အထွက်နှုန်း မရှိဘူး။ တောင်သူတွေက ဥကန်စွန်း ကို ဖိရိုးဖလာမျိုးတွေပဲ စိုက်ပျိုးလာတဲ့အခါမှာ ပြည်ပက တင်သွင်းလာတဲ့ မျိုးတွေက အထွက်နှုန်းအားဖြင့်လည်း သာတယ်။ စျေးကွက်မှာလည်း စျေးရတဲ့အနေအထား မရှိတော့တဲ့အခါ စိုက်ပျိုးတဲ့ကဏ္ဍမှာပါ ကျဆင်းလာတဲ့ အနေအထား ရှိတယ်" ဟု ရန်ကုန်တိုင်းဒေသကြီး စိုက်ပျိုးရေးဦးစီးဌာန ညောင်နှစ်ပင်ဥယျာဉ်ခြံမှ ဦးစီးမှူး ဦးအောင်ဌေးက ပြောသည်။
လက်ရှိတွင် ရန်ကုန်တိုင်းဒေသကြီးတွင် ကန်စွန်းဥ အရည်အသွေးနှင့် အထွက်နှုန်း နည်းပါးလာပြီး စိုက်ပျိုးမှုမှာ လည်း သိသာစွာ လျော့ကျလာသည့်အတွက် တောင်သူများကို စုစည်းကာ နည်းပညာပို့ချမှု သင်တန်းများကို အထွေထွေ သမဝါယမလီမိတက်နှင့် ရန်ကုန်တိုင်းဒေသကြီး စိုက်ပျိုးရေးဦးစီးဌာနနှင့် ညောင်နှစ်ပင် ဥယျာဉ်ခြံ တို့ ပူးပေါင်းဆောင်ရွက်လျက်ရှိကြောင်း သိရသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}