ငါးမွေးမြူရေးတွင် ပါဝင်ပတ်သက်နေသူများ ပိုမိုချိတ်ဆက်နိုင်မည့် အလုပ်ရုံဆွေးနွေးပွဲ ပြုလုပ်မည်

ငါးမွေးမြူရေးလုပ်ငန်းစဉ်မှာ ပါဝင်ပတ်သက်နေသူတွေအားလုံး ချိတ်ဆက်မှုပိုမိုလာခြင်းဖြင့် ဈေးကွက်ပိုမိုမြှင့်တင်နိုင်ရေးရည်ရွယ်တဲ့ အလုပ်ရုံဆွေးနွေးပွဲတစ်ခုကို ဇန်နဝါရီ ၂၆ ရက် မနက် ၉ နာရီကစပြီး ကျိုင်းတုံမြို့၊ တိုင်လီခန်းမမှာ ပြုလုပ်သွားဖို့ရှိတယ်လို့ သိရပါတယ်။

ဒီအလုပ်ရုံဆွေးနွေးပွဲကို နှစ်ရက်ကြာ ပြုလုပ်သွားမှာဖြစ်ပြီး World Fish အဖွဲ့နှင့် မော်ကွမ်းအဖွဲ့တို့ပူးပေါင်းအကောင်အထည်ဖော်နေတဲ့ လုပ်ကွက်ငယ်တောင်သူများ၏ ငါးလုပ်ငန်းဖွံ့ဖြိုးတိုးတက်ရေးစီမံကိန်း၏ လုပ်ငန်းစဉ်တခုဖြစ်တဲ့ တောင်သူနှင့်စျေးကွက်ချိတ်ဆက်ခြင်း အလုပ်ရုံဆွေးနွေးပွဲတစ်ခုအနေနဲ့ ပြုလုပ်တာဖြစ်ပါတယ်။

ယခုအလုပ်ရုံဆွေးနွေးပွဲကနေပြုလုပ်ရတဲ့ရည်ရွယ်ချက်တွေကတော့...

စီးပွားရေးအယူအဆများကို လုပ်ကွက်ငယ် ငါးမွေးတောင်သူများ ပိုမိုသိရှိနားလည်သဘောပေါက်လာစေရန်
ငါးစာထုတ်လုပ်သူများ၊ ငါးသားပေါက် ထုတ်လုပ်သူများ၊ ငါးအရောင်းအဝယ်လုပ်ငန်းရှင်များ၊ အခြားသွင်းအားစုလုပ်ငန်းရှင်များနှင့် လုပ်ကွက်ငယ်ငါးမွေးတောင်သူများကြား အချင်းချင်းချိတ်ဆက်နိုင်ခြင်းဖြင့် ရေရှည်တည်တံ့မည့် ငါးမွေးမြူရေးလုပ်ငန်းစဉ်များကို အဆင့်မြှင့်တင်နိုင်ရန်နှင့်
World fish က ကူညီပံ့ပိုးပေးထားသော ငါးစာထုတ်လုပ်သူများက ထုတ်လုပ်သည့် ငါးစာလုံးများကို ရောင်းအားမြှင့်တင်သွားနိုင်ရန်

စတာတွေဖြစ်တယ်လို့ သိရပါတယ်။

အလုပ်ရုံဆွေးနွေးပွဲမှာတော့ ငါးမွေးတောင်သူများ၊ ငါးမွေးတောင်သူများနှင့် ချိတ်ဆက်လုပ်ငန်း လုပ်ဆောင်နေ သူများနဲ့ WorldFish အဖွဲ့နှင့် မော်ကွမ်းအဖွဲ့ဝန်ထမ်းများ ပါဝင်ဆွေးနွေးမှုတွေ ပြုလုပ်သွားမှာဖြစ်တယ်လို့ သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ငါးမွေးမြူရေးတွင် ပါဝင်ပတ်သက်နေသူများ ပိုမိုချိတ်ဆက်နိုင်မည့် အလုပ်ရုံဆွေးနွေးပွဲ ပြုလုပ်မည်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငါးမွေးမြူရေးတွင် ပါဝင်ပတ်သက်နေသူများ ပိုမိုချိတ်ဆက်နိုင်မည့် အလုပ်ရုံဆွေးနွေးပွဲ ပြုလုပ်မည်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မွေးမြူရေး ဆိုင်ရာ နည်းပညာ ရယူရန် အသိပေး ဖိတ်ခေါ်ခြင်း

ရန်ကုန်မြစ်အတွင်း တရားမဝင်ငါးဖမ်းဆီးခြင်းကို တားမြစ်ခြင်း

{{ post.title }}