ငှက်ပျောသီးစားခြင်း၏ ကောင်းကျိုးဆိုးကျိုး

ကျတော်တို့တွေဟာ ငှက်ပျောသီးစားဖြစ်ကြပေမယ့် ကောင်းကျိုးတွေကို သိတဲ့မိတ်ဆွေတွေရှိသလို မသိသေးတဲ့မိတ်ဆွေတွေလည်း ရှိပါတယ်။ အခုဟာကတော့ မသိသေးတဲ့မိတ်ဆွေတွေအတွက် ငှက်ပျောသီးစားခြင်းကြောင့် ရရှိလာမယ့် အကျိုးကျေးဇူးတွေကို မျှဝေပေးချင်ပါတယ်ဗျ။ ငှက်ပျောပင်ကို အိမ်မှာလဲ အလွယ်တကူစိုက်လို့ရနေတာကြောင့် အောက်မှာဖော်ပြမယ့် ကောင်းကျိုးတွေကို ဖတ်ပြီးရင်တော့ ငှက်ပျောပင်သာပြေးဝယ်ပြီး အိမ်မှာစိုက်ထားလိုက်ပါတော့။

ငှက်ပျောသီးစားခြင်းကြောင့် ရရှိလာမဲ့ အကျိုးကျေးဇူးတွေကတော့ ...

၁။ ငှက်ပျောသီးမှာ အဓိကအားဖြင့် ဗီတာမင် (C, A, B6, B12)၊ သံဓာတ်၊ ပိုတက်စီယမ် နဲ့ မဂ္ဂနီစီယမ်ဓာတ်တွေ ပါဝင်ပါတယ်။ 

၂။ ငှက်ပျောသီးရဲ့ သံဓာတ်မြင့်မားခြင်းကြောင့် သွေးထဲမှာ သွေးနီဥဆဲလ်ကိုများစေပြီး သွေးအားနည်းရောဂါဖြစ်ခြင်းကို ကာကွယ်ပေးပါတယ်ဗျ။

၃။ ငှက်ပျောသီးမှာ အငန်ဓာတ်ပါဝင်မှုနည်းလို့ သွေးတိုးရှိတဲ့ မိတ်ဆွေတွေအတွက်လည်း စားသုံးသင့်ပါတယ်။

၄။ အစာစား​ပြီးတိုင်း ငှက်ပျောသီးစားပေးမယ်ဆိုရင် အစာချေဖျက်မှုကို ကောင်းမွန်စေပါတယ်။

၅။ အရက်နာကျနေပါသလား? ငှက်ပျောသီးကို ပျားရည်နဲ့ရောပြီး စားလိုက်ပါ။ အများကြီးသက်သာသွားပါလိမ့်မယ်။

၆။ ငှက်ပျောသီးမှာ ပိုတက်စီယမ်ဓာတ်ကြွယ်ဝလို့ ပုံမှန်စားပေးမယ်ဆိုရင် ဖျတ်လက်တက်ကြွစေပါတယ်

၇။ စိတ်အားငယ်ခြင်း၊ စိတ်ဓာတ်ကျခြင်းတွေဖြစ်နေပါသလား? ငှက်ပျောသီးစားလိုက်ပါ။ ငှက်ပျောသီးမှာ စိတ်ကိုပျော်ရွှင်စေတဲ့ ဟော်မှုန်းတွေ ပါဝင်ပါသတဲ့ဗျ။

၈။ အစာအိမ်အတွင်းရှိ အချဥ်ဓာတ်ကို ဓာတ်ပြယ်စေလို့ အစာအိမ်အတွင်းနာ (ulcers) ရှိသူများလည်း စားသုံးသင့်ပါတယ်။

၉။ ကိုယ်ဝန်ဆောင်မိခင်များအတွက်လည်း ငှက်ပျောသီးစားပေးခြင်းဖြင့် အိပ်ယာထချိန်တွင်ဖြစ်တတ်သော ပျို့အန်ချင်စိတ်ကို ပျောက်စေပါတယ်။

၁၀။ အရိုးအဆစ်ကို သန်မာစေတယ်။ ကျောက်ကပ်ကင်ဆာကိုလဲ ကာကွယ်ပေးပါတယ်။

၁၁။ ငှက်ပျောသီးစားခြင်းက ရင်ပူရင်ဆာဖြစ်ခြင်းကို သက်သာစေတယ်။

၁၂။ ပိုတက်စီယမ်ဓာတ်ကြွယ်ဝလို့ ခန္ဓာကိုယ်ရဲ့ ရေဓာတ်ဆုံးရှုံးမှုကို ပြန်လည်ဖြည့်တင်းပေးပြီး နှလုံးခုန်နှုန်းကို ပုံမှန်ဖြစ်စေပါတယ်။

၁၃။ ငှက်ပျောသီးမှည့်တစ်လုံးကို ချေပြီး မျက်နှာပေါ်လိမ်းပေးမယ်ဆိုရင်လည်း အရည်ပြားခြောက်သွေ့မှုကို သက်သာစေပါသတဲ့။

သို့သော်လည်းပဲ ဘယ်အရာမဆို ကောင်းကျိုးနဲ့ ဆိုးကျိုးက ဒွန်တွဲနေတာပါ။ ဒါကြောင့် ဆိုးကျိုးအနည်းငယ်လည်း ရှိပါတယ်။

၁။ ငှက်ပျောသီးကို အလွန်အကျွံစားသုံးပါက ရင်ပြည့်စေပါတယ်။

၂။ အစိမ်းကိုစားရင် အစာမကြေပဲ ဝမ်းမာစေပါတယ်။

၃။ အချိုဓာတ်ပါဝင်မှုများတာမို့ သွားတွေကို ပျက်ဆီးစေပါတယ်။

၄။ ဆီးချိုရှိသူများ မစားသုံးသင့်ပါဘူး။

ကောင်းကျိုး ဆိုးကျိုးတွေသိရပြီဆိုရင်တော့ ချင့်ချိန်စားသုံးကြရင်း မိတ်ဆွေများအားလုံး ကျန်းမာပျော်ရွှင်ကြပါစေဗျာ။

ထွန်းရာဇာ

Sources:https://www.livescience.com/45005-banana-nutrition-facts.html

Medicinal plants and its uses app

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်