နာနတ်လျှော်နှင့် စီးပွားရေး

    နာနတ်လျှော်ကို များသောအားဖြင့် အိမ်တန်ဆာဆင်မှုများတွင် အသုံးများပါသည်။ မူရင်းဒေသမှာ မက္ကဆီကိုနှင့် တောင်အမေရိက အပူပိုင်းဒေသတို့ ဖြစ်ကြသည်။ ကမ္ဘာတစ်ဝန်းတွင် သမအနွေးပိုင်းနှင့် အပူပိုင်းဒေသများတွင် စိုက်ပျိုးထုတ်လုပ်၍ စက်မှုလုပ်ငန်းများတွင် အသုံးပြုကြသည်။ 

    မြန်မာနိုင်ငံတွင် မန္တလေးတိုင်း ဝမ်းတွင်း၊ သာစည်၊ မိတ္ထီလာ၊ ရမည်းသင်း၊ ပျော်ဘွယ်၊ တပ်ကုန်း။ မကွေးတိုင်းတွင် ချောက်၊ ရေနံချောင်း၊ မကွေး၊ မင်းဘူး၊ ပခုက္ကူ။ စစ်ကိုင်းတိုင်းတွင် စစ်ကိုင်း၊ မုံရွာ၊ ကသာ တို့တွင် အများဆုံးစိုက်ပျိုးကြပါတယ်။

     အရင်ကလွှင့်ပစ်ခဲ့ကြတဲ့ နာနတ်လျှော်ဟာဆိုရင်ဖြင့် အခုဆိုရင် ကြိုးအမျိုးမျိုး၊ ကော်ဇော၊ ဝက်မှင်ဘီးများအဖြစ် ထုတ်လုပ်လျက်ရှိနေပါသည်။ နာနတ်ရွက်ကို ဉီးထုပ်၊ ဖိနပ်၊ အိတ်မျိုးစုံထုတ်လုပ်လာနိုင်ပြီး တိုတောင်းနူးညံ့သော လျှော်မျှင်များကို ချည်မျှင်ရက်လုပ်ပြီး ပိုးထည်များ ထုတ်လုပ်နိုင်သည်အထိ ရှိလာပါပြီ။

     ၂၀၁၈ ခုနှစ် မှာဆိုရင် နာနတ်လျှော်နှင့်ပတ်သက်ပြီး ထိုင်းနှင့် အင်ဒိုနီးရှားနိုင်ငံတို့မှ နည်းပညာများရရှိကာ လက်ရှိမှာဆိုရင် ကလေးစက်မှုဇုန်က ကားထုတ်လုပ်သူတွေက ကားအပြင် နာနတ်ချည်ထုတ်လုပ်တဲ့စက်ပါ ထုတ်လုပ်လာကြပြီး ထောက်ကြံ့ဘက်မှာ နာနတ်ချည်ထုတ်တဲ့စက်တွေ ရှိလာတယ်လို့ သိရှိရပါတယ်။

     မက္ကဆီကိုနိုင်ငံက နာမည်ကြီးတဲ့ Tequila အရက်ဟာဆိုရင် နာနတ်လျှော်နဲ့ ပြုလုပ်တာပါတဲ့နော်။ နာနတ်လျှော်ပင်ရဲ့ဝတ်ရည်ဟာ သကြားအချိုဓာတ်နှင့် တူညီစွာအကျိုးရှိပါတယ်။ အဲ့ဒါအပြင် နာနတ်လျှော်ဟာ ဆေးဖက်ဝင်အပင်လည်းဖြစ်ပါတယ်။ နာနတ်လျှော်ပင်မှာ ကယ်လ်ဆီယမ်၊ အိုင်းရွန်း၊ ဇင့် ဂုဏ်သတ္တိတွေပါဝင်တဲ့အတွက် ကျန်းမာရေးကို အထောက်အကူပြုပါတယ်။ နာနတ်လျှော်ရဲ့အရွက်မှာပါဝင်သော saponins က ကင်ဆာဆဲလ်တွေကို နှောင့်နှေးစေပါတယ်။ 

     တက်တူးထိုးရာမှာ အသုံးပြုတဲ့ မှင်ဆေးကို လတ်ဆတ်ပြီး ဝဖြိုးတဲ့အရွက်ကိုမီးရှို့ပြီးပြုလုပ် အသုံးပြုလို့ရတဲ့အတွက်ကြောင့် တက်တူးထိုးတတ်သူတွေအတွက် အန္တရာယ်ဖြစ်မှုနည်းစေပါတယ်နော်။

      အညာဒေသတွေမှာ အလေ့ကျပေါက်တတ်တဲ့ နာနတ်လျှော်ပင်တွေက ကျွန်မတို့ရဲ့စီးပွားရေးအတွက်သာမက ကျန်းမာရေးအတွက်ရော ဖက်ရှင်အလှကုန်အတွက်ပါ အသုံးဝင်ကြောင်းတင်ပြလိုက်ရပါတယ်။

ကျော့နန္ဒာစိုး

ကိုးကားချက်များ

https://www.kumudranews.com/news-31800

https://comprarzx.info/agave-plant-effects-and-side-effects/

Lugyan Gyi-စိုက်ပျိုးမွေးမြူရေးနည်းပညာ Facebook Page

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်