ကန္တာရနှံကောင် (ကန္တာရကျိုင်းကောင်) စောင့်ကြည့်လေ့လာရေးအဖွဲ့၏ နောက်ဆုံးရ အခြေအနေအား ထုတ်ပြန်ကြေညာချက်

၂၀၂၀ ပြည့်နှစ် သြဂုတ်လ (၃) ရက် − အာဖရိကဦးချိုဒေသတွင် ခန့်မှန်းချက်ထားသည့်အတိုင်း နွေရာသီ သားပေါက်ဧရိယာများသို့ ကန္တာရနှံကောင်အုပ်များ ရွေ့လျားလျက်ရှိ 

    ကန္တာရနှံကောင်အခြေအနေသည် အာဖရိကဦးချိုဒေသနှင့် အနောက်တောင်အာရှတို့တွင် အလွန်အမင်းစိုးရိမ်ပူပန်နေရသည့် အကြောင်းတရားဖြစ်နေဆဲပင်ရှိပါသည်။ 

    ကာကွယ်နှိမ်နင်းရေးလုပ်ဆောင်ချက်များနှင့် မြောက်ဖက်သို့ ကန္တာရနှံကောင်များ ရွေ့လျားနေသောကြောင့် ကင်ညာနိုင်ငံ၊ အနောက်မြောက်ပိုင်းတွင် နွေဦးရာသီ ကန္တာရနှံကောင်အုပ် ဒုတိယမျိုးဆက် ဆက်လက်ကျဆင်းနေပါသည်။ အနည်းငယ်သော ကန္တာရနှံကောင်အုပ်သည် ဇူလိုင်လ (၂၂) ရက်နေ့တွင် ယုဂန္ဓာနိုင်ငံ၊ အရှေ့မြောက်ဖက်သို့ နောက်ဆုံးဖြတ်သန်းသွားပါသည်။ အရှေ့အီကွေတာမျဉ်းရှိ ကာပိုတာအနီး တောင်ဆူဒန်နိုင်ငံ၏ အရှေ့တောင်ဖက်တွင်  သြဂုတ်လ (၁) ရက်နေ့က နောက်ဆုံးပေါ်လာသော အနည်းဆုံး ကန္တာရနှံကောင်အုပ်အား ကာကွယ်နှိမ်နင်းရေးလုပ်ငန်းများ လုပ်ဆောင်လျက်ရှိပါသည်။ နောက်လာမည့်ရက်များတွင် အနည်းငယ်သော ကန္တာရနှံကောင်အုပ်များနောက်ထပ်ပေါ်လာနိုင်ပြီး ဆူဒန်နိုင်ငံရှိ သားပေါက်ဧရိယာများသို့ ရောက်ရှိရန် တောင်ဆူဒန်နိုင်ငံတွင် ခေတ္တနားမည်ဖြစ်သည်။ အခြားအရွယ်မရောက်သေးသော ကန္တာရနှံကောင်အုပ်များသည် လက်ရှိရှိနေသော ကန္တာရနှံကောင်အုပ်များနှင့် ပေါင်းစည်းရန် အီသီယိုပီးယားနိုင်ငံရှိရာ မြောက်ဖက်သို့ ကျူးကျော်ဝင်ရောက်ပြီးဖြစ်ကာ ၄င်းတို့ထဲကအချို့မှာ ကန္တာရနှံကောင်ပိုးမမည်များနှင့် ကန္တာရနှံကောင်အုပ်များကို ဆက်လက်ကာကွယ်နှိမ်နင်းလျက်ရှိသော အီသီယိုပီးယားနိုင်ငံမြောက်ပိုင်း ကုန်းမြင့်မြေများနှင့် ဆိုမာလီယာနိုင်ငံ အနောက်မြောက်ပိုင်းသို့ ရွေ့လျားနေပါသည်။ ဇူလိုင်လကုန်ပိုင်းတွင် ယီမင်နိုင်ငံက ကန္တာရနှံကောင်အုပ် (၂) အုပ်သည်  အရှေ့မြောက်ဖက်ရှိ အီသီယိုပီးယားနိုင်ငံသို့ ကျူးကျော်ဝင်ရောက်ခဲ့သည်။ အိုမန်နိုင်ငံတောင်ပိုင်းတွင် ဆာလာလားအနီး ဒေသတွင်းသားပေါက်ဧရိယာများအား ကာကွယ်နှိမ်နင်းမှုများ တိုးတက်လုပ်ဆောင်လျက်ရှိပါသည်။ 

    ဆိုမာလီယာနိုင်ငံ မြောက်ပိုင်းကိုဖြတ်ကာ အရှေ့ဖက်သို့ ဆက်လက်ဖြတ်သန်းလာသော အချို့ ကန္တာရနှံကောင်အုပ်များသည် သြဂုတ်လကုန်ပိုင်းတွင် အိန္ဒိယနိုင်ငံနှင့် ပါကစ္စတန်နိုင်ငံတို့သို့ ရောက်ရှိနိုင်ဆဲပင်ဖြစ်သည်။ ထို့နောက် ကန္တာရနှံကောင်အုပ်များကို အရွယ်ရောက်ရန်နှင့် ဥအုစေရန် လာမည့်သီတင်းပတ်များတွင် အထူးသဖြင့် ဆိုမာလီယာနိုင်ငံမြောက်ပိုင်းတွင် မိုးကောင်းကောင်းရွာမည် ခန့်မှန်းထားသဖြင့် ခြိမ်းခြောက်မှုလျော့ နည်းသွားပါမည်။ 

    နွေရာသီသားပေါက်ရန်အတွက် ယခုအခါအခြေအနေပေးသော ဆူဒန်နိုင်ငံနှင့် အရီထရီးယားနိုင်ငံတို့တွင် ကန္တာရနှံကောင်အုပ် အနည်းငယ် ပေါ်လာကောင်းပေါ်လာနိုင်ပါသည်။ ယခုအထိ ဆူဒန်နိုင်ငံတွင် အရွယ်ရောက် ကန္တာရနှံကောင်များ အနည်းငယ်သာရှိပြီး အရီထရီးယားနိုင်ငံတွင် ကန္တာရနှံကောင်ရှိသည်ဆိုသော သတင်းပေးပို့ချက် မရှိပါ။ ကာဆာလာပြည်နယ်မှ ဒါဖာပြည်နယ်အထိ ဆူဒန်နိုင်ငံ၏ ကြီးမားကျယ်ပြန့်သောဧရိယာများအတွင်း သားပေါက်ခြင်းကို တွေ့ရပါလိမ့်မည်။ 

    ယီမင်နိုင်ငံတွင် နောက်ထပ် ပုံမမှန်သည့် သည်းထန်သည့် မိုးရွာသွန်းမှုရှိသော နိုင်ငံအတွင်းပိုင်းတွင် ပိုးမမည်အုပ်စုများနှင့် ကန္တာရနှံကောင်အုပ်များ ဆက်လက်ဖြစ်ပေါ်နေပြီး သြဂုတ်လအတွင်း သားပေါက်ခြင်းပြီးမြောက်ရန် အလားအလာရှိပြီး ပင်လယ်နီပင်လယ်ကမ်းခြေလွင်ပြင်များသို့ တိုးချဲ့ဝင်ရောက်လာပါသည်။ အီသီယိုပီးယားနိုင်ငံ မြောက်ပိုင်းနှင့် အရှေ့ပိုင်းတို့တွင်လည်း ကျယ်ပြန့်သည့်သားပေါက်ခြင်း ဖြစ်ပေါ်လာမည်ဟု မျှော်လင့်ရပါသည်။ အကျိုးဆက်အားဖြင့် အီသီယိုပီးယားနိုင်ငံနှင့် ယီမင်နိုင်ငံတို့သည် နွေရာသီဖျက်ဆီးခံရခြင်း၏ ဗဟိုချက်မ,ဖြစ်လာရန် အလားအလာရှိပါသည်။ ထိုနိုင်ငံနှစ်နိုင်ငံစလုံးတွင် ကာကွယ်နှိမ်နင်းရေးလုပ်ငန်းများ လုပ်ဆောင်နေပါသည်။

    အနောက်တောင်အာရှတွင် ကန္တာရနှံကောင်ဖျက်ဆီးမှု အနည်းငယ်ရှိသော အီရန်နိုင်ငံတွင် အခြေအနေတိုးတက် လျက်ရှိပါသည်။ သို့ရာတွင် အိန္ဒိယနိုင်ငံမြောက်ပိုင်းမှ ပြန်ရောက်လာသော ကန္တာရနှံကောင်များနှင့် သြဂုတ်လတွင် နောက်ထပ် အကောင်ပေါက်လာမည့် ကန္တာရနှံကောင်များနှင့် နှံကောင်အုပ်စုငယ် ဖြစ်ပေါ်ခြင်းအပါအဝင် နွေဦးသားပေါက်ကန္တာရနှံကောင်အုပ်များဖြင့်ရှိနေသည့် မုတ်သုံရာသီ သားပေါက်နေသော အိန္ဒိယနိုင်ငံနှင့် ပါကစ္စတန်နယ်စပ်နှစ်ဖက်စလုံး တစ်လျှောက်တွင် လောလောဆယ်အခြေအနေမှာ ဆိုးဝါးနေဆဲဖြစ်ပါသည်။ နွေရာသီ သားပေါက်ခြင်း၏ ဒုတိယမျိုးဆက်သည် စက်တင်ဘာလတွင် စတင်လိမ့်မည်ဖြစ်သည်။ ထိုနိုင်ငံနှစ်နိုင်ငံလုံးတို့တွင် ကာကွယ်နှိမ်နင်းမှုလုပ်ငန်းများ အကြီးအကျယ်လုပ်ဆောင်နေပါသည်။

    ယခုအချိန်တွင် အနောက်အာဖရိကတွင် ကန္တာရနှံကောင်ခြိမ်းခြောက်မှု ကျဆင်းလာသော်လည်း ပြန့်ကျဲနေသော အရွယ်ရောက်ကောင်များ၏ ဒေသတွင်းအကောင်ဦးရေသည် နွေရာသီသားပေါက်ဧရိယာများဖြစ်သော မော်ရေးရှပ်နိုင်ငံတောင်ပိုင်း၊ နိုက်ဂါနိုင်ငံမြောက်ပိုင်းနှင့် ချက်နိုင်ငံတို့တွင် ရှိနေပါသည်။ အနည်းငယ်သော သားပေါက်ခြင်းသည်  သြဂုတ်လနှင့် စက်တင်ဘာလအတွင်း မော်ရေးရှပ်နိုင်ငံနှင့် ချက်နိုင်ငံတို့အကြား ကန္တာရနှံကောင်ဦးရေကို တိုးစေလိမ့်မည်ဖြစ်သည်။ 

ကိုးကားချက်

www.fao.org/ag/locusts

ဒေါက်တာကိုကို (စိုက်ပျိုးရေး) 

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်