ပြည်ပဝယ်ယူမှု များသောကြောင့် ပြည်တွင်း ငရုတ်(ငြုပ်) ရှားပါးနေသည့်အတွက် နယ်စပ်မှ တရားဝင် တင်သွင်းခွင့်ပြုရန် စီး/ကူးသို့ တင်ပြထား

ပြည်ပဝယ်ယူမှု များလာခြင်းကြောင့် ပြည်တွင်း ငရုတ်သီး(ငြုပ်)အစိုများ ဈေးနှုန်းမြင့်တက်သဖြင့် ပြည်တွင်း၌ ငရုတ်သီး(ငြုပ်)အစို ရှားပါးနေသည့်အတွက် စားသုံးသူများ နစ်နာမှုမရှိစေရန် နယ်စပ်မှ တရားဝင် တင်သွင်းခွင့်ပြုရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသို့ အကြံပြု တင်ပြထားကြောင်း စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းဥက္ကဌ ဦးခင်ဟန်က ပြောသည်။

အဆိုပါ ငရုတ်အစိုများကို တရုတ်နိုင်ငံနှင့် ထိုင်းနိုင်ငံတို့မှ ဝယ်ယူနေခြင်းဖြစ်ပြီး ယခင်က ငရုတ်အစိုဈေး တစ်ပိဿာလျှင် ကျပ် ၁၅၀၀ မှ ၂၀၀၀ အတွင်းရှိခဲ့သော်လည်း လက်ရှိ၌ ငရုတ်အစို တစ်ပိဿာလျှင် ၈၅၀၀ ကျပ်အထိ ဈေးနှုန်း မြင့်တက်နေကြောင်း သိရသည်။

“စားသုံးသူတွေ မနစ်နာအောင် နယ်စပ်တွေကနေ သွင်းသင့်ရင် သွင်းခွင့်ပြုဖို့ပေါ့။ အခု ဝင်နေတာတွေကတော့ တရားမဝင်တွေ များတယ်။ အဲ့တော့ တရားဝင်သွင်းခွင့်ပြုဖို့ စီးပွားကူးသန်းကို ကျွန်တော်တို့က အကြံပေးထားတယ်။ ဒီရက်ပိုင်းမှာပဲ ပြောနေကြတယ်။ သူတို့ဘက်ကလည်း FDA ထောက်ခံချက်ပေးဖို့၊ အသင်းကို ဒါကိုသွင်းခွင့်ပြုဖို့ ထောက်ခံချက်တောင်းတယ်။ ကျွန်တော်တို့ကလည်း ကျွန်တော်တို့ ဆုံးဖြတ်ပြီး ပေးလို့မရဘူး။ နိုင်ငံတော်အနေနဲ့ပဲ လုပ်လို့ရမယ်။ အဲ့ဒါလေးကိုတော့ အကြံပေးထားတယ်။ သူတို့ ဒီရက်ပိုင်းမှာပဲ ကျောက်ဆည်မှာ အစည်းအဝေးလုပ်မယ်ဆိုတော့ အစည်းအဝေးလုပ်ပြီး သူတို့တင်ပြပြီးရင်တော့ သွင်းခွင့်ပြုသင့်တယ်ဆိုရင် သူတို့ ခွင့်ပြုမှာပေါ့။ တကယ်လို့ ခွင့်ပြုလိုက်ပြီဆိုရင်တော့ ထိုက်သလောက်တော့ ဈေးနည်းနည်းလျော့သွားမယ်။ အဲ့ဒီ့လိုမှ မဟုတ်ဘူးဆိုရင်တော့ မကြာခင်မှာ ငရုတ်သီးက တစ်သောင်း အထက်နားမှာ ရောက်သွားလိမ့်မယ်။” ဟု စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်း ဥက္ကဌ ဦးခင်ဟန်က ပြောသည်။

ငရုတ်အစိုကို ပြည်ပသို့ တင်ပို့ရာတွင် အစိမ်းအတိုင်း တိုက်ရိုက် အအေးခန်းအတွင်း ထည့်သွင်းသိုလှောင်၍ ဝယ်ယူနေခြင်းဖြစ်ပြီး အနည်းငယ်တောင့်သွားပါက refer ဖြင့် ပြန်လည်တင်ပို့ကြောင်း သိရသည်။

တရုတ်နိုင်ငံအနေဖြင့် ယခင်က ငရုတ်ဝယ်ယူမှု နည်းပါးခဲ့သော်လည်း ပြီးခဲ့သည့် ဖေဖေါ်ဝါရီ နောက်ဆုံးပတ်မှ စတင်ကာ ပိုမိုဝယ်ယူလာခြင်းဖြစ်ကြောင်း သိရသည်။

“အရင်က ဝယ်ပေမယ့် အခုလို အများကြီးမဝယ်ဘူး။ အဓိက သူတို့ဝယ်နေတာက ဗီယက်နမ်နဲ့ အိန္ဒိယကပါ။ အဲ့ဒီ့နိုင်ငံတွေက ဝယ်လို့မရလို့ မြန်မာနိုင်ငံက ဝယ်တယ်လို့ ကြားတယ်။ ဒီရက်ပိုင်း တော်တော်ဝယ်အားကောင်းတယ်။ တစ်ယောက် တစ်ယောက်ကို ကားအစီး ၁၅၊ ၂၀ လောက် ဝယ်နေတာ။ စိုက်တဲ့သူက ခြောက်အောင်တောင် စောင့်စရာမလိုဘူး။ အစိုတွေ စွတ်ရောင်းပစ်တာ။” ဟု ဦးခင်ဟန်က ပြောသည်။

လက်ရှိတွင် ဘုရင့်နောင်ကုန်စည်ဒိုင်သို့ မြစ်ဝကျွန်းပေါ်ဒေသများဖြစ်သည့် မအူပင်၊ ဟင်္သာတ၊ ဝါးခယ်မ၊ ရွှေလောင်း အစရှိသည့် ဒေသများမှ ထွက်ရှိသည့် ငရုတ်များ ဝင်ရောက်နေပြီး မြန်မာနိုင်ငံ အလယ်ပိုင်းဒေသရှိ ငရုတ်စိုက်ဒေသများမှ ထွက်ရှိသော ငရုတ်သီးများသည်လည်း ဈေးကွက်အတွင်း မကြာမီ ဝင်ရောက်လာတော့မည်ဖြစ်ကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...