ပျားအိမ်များ၏ အခန်းကဏ္ဍ

14/01/2022 14:15 PM တွင် ဦးဇော်(dof) ဦးဇော်(dof) မှ ရေးသား

ပျားမွေးမြူရာတွင် ပျားတို့၏ ပင်ကိုသဘာဝ အလေ့အကျင့်များကို သိရှိထားရန် အရေးကြီးပါသည်။ မိမိမွေးမြူမည့် နေရာဒေသ၏ ရာသီဥတုအခြေအနေနှင့်အညီ သင့်လျော်​သော ဝတ်ရည်စုပ်ပျားများကို မွေးမြူသင့်ပေသည်။

ပျားများကို ပျားရည်အတွက် မွေးမြူရာတွင် သဘာဝအလျောက် ပျားများတည်ဆောက်ထားကြသည့် ပျားအုံပုံစံအား တီထွင်၍ မွေးမြူကြရပါမည်။ အဓိကအားဖြင့် ပျားမွေးမြူရာတွင် အသုံးပြုသော ပျားအိမ်များမှာ-

၁။ ကောက်ရိုးခွေပျားအုံ

       ကောက်ရိုးခွေပျားအုံကို ကရွတ်များပြုလုပ်သကဲ့သို့ ကောက်ရိုးများကိုစုစည်းပြီး အပေါ်မှ ကြိမ်များဖြင့် ပတ်ထားရသည်။ ထိုကောက်ရိုးခွေများကို တစ်ခုပေါ်တစ်ခုဆင့်၍ တည်ဆောက်ကြသည်။ အပေါ်တည့်တည့်တွင် အပေါက်တစ်ပေါက်ကိုလည်း ပြုလုပ်ပေးထားကြပါသည်။

        ကောက်ရိုးခွေအုံကို အသုံးပြုရာတွင် အောက်ခံအဖြစ် ပျဥ်ပြားချပ်ကြီးတစ်ခု ပါလေ့ရှိပါသည်။ ဝတ်မှုန်ကူးခြင်းအား ပို၍ထိရောက်မှုရှိစေရန် ဥယျာဥ်ခြံများထဲတွင် မွေးမြူမည်ဆိုပါက ကောက်ရိုးခွံ အသုံးပြုလေ့ရှိသည်။ ပျားများသည် ကောက်ရိုးခွေအုံထဲတွင် ပျားရည်များစုဆောင်းကြရာ ပျားရည်အသင့်ထုတ်ယူနိုင်ကြသည်။

၂။ W.B.C ထရံနှစ်ထပ် ပျားအုံ

        W.B.C ထရံနှစ်ထပ် ပျားအုံမှာ အကာ ၂ထပ် ရှိသည်။ အတွင်းပိုင်းရှိ ပျားများနေထိုင်သည့် ပျားအုံထရံပေါ်မှ ထရံ၁ထပ် ကာရံထားသည်။ ဤကဲ့သို့ ၂ထပ် ကာရံထားသဖြင့် ပျားအုံထဲတွင် အစဥ်ခြောက်သွေ့နေပါသည်။ ပျားမွေးမြူရာတွင် ပျားအုံထဲ စွတ်စို၍မနေရန်မှာ အရေးကြီးလှသည်။ ခြောက်သွေ့နေပါက အအေးဓာတ်ပြင်းထန်သော ရာသီတွင်ပင် ပျားများကောင်းစွာ အသက်ရှင်နေနိုင်ပါသည်။

       ဤပျားအုံအမျိုးအစားတွင် အောက်ဆုံး၌ ပျားအုံတင်ရန် ခုံရှိသည်။ ထိုအပေါ်၌ ပျားများပေါက်ဖွားရန် “သားပေါက်ခန်း” ရှိသည်။ ထိုပေါ်မှ နောက်ထပ် ပျားရည်ခန်း ဆင့် တစ်ခုရှိသည်။ ထိုပျားရည်ခန်းထဲတွင် ပျားများသည် ပျားရည်များ သိုမှီးစုဆောင်းထားကြသည်။ ထိုအပေါ်မှ နောက်ထပ် ခန်းဆင့် တစ်ခုတင်ထားပြန်သည်။ ထိုခန်းဆင့်များမှာ ပျားရည် စုဆောင်းရန်အတွက် ပျာရည်ခန်းပင် ဖြစ်သည်။အပေါ်ဆုံးတွင် ခေါင်မိုးရှိပြီး တစ်ဖက်မှတစ်ဖက်သို့ နိမ့်ဆင်းသွားသည်။ ဤသို့ဖြင့် မိုးရာသီတွင် မိုးရေများအောက်သို့ အလွယ်တကူ ကျစေပါသည်။

       အထက်ပါအတိုင်း အခန်းများကို တစ်ခုပေါ် တစ်ခုဆင့်ထားရာတွင် အပေါ်ခန်း၏ထရံသည် အောက်ခန်း၏ ထရံကို ငုံလျက်သားရှိစေအောင် ပြုလုပ်ထားရပါမည်။ ဤသို့ဖြင့် မိုးရာသီနှင့် ဆောင်းရာသီတွင် ရေများအထဲသို့ မဝင်နိုင်ပေ။

       ပျားအုံ၏အောက်ဘက်တွင် ပျားများဝင်ထွက်နိုင်စေရန် အပေါက်တစ်ပေါက် ပြုလုပ်ထားပြီး ပျားများနားနေနိုင်စေရန်အတွက် အပေါက်ရှေ့တွင် ပျဥ်ပြားတစ်ချပ်တပ်ဆင်ပေးထားရပါမည်။

၃။ ထရံတစ်ထပ်နေရှင်နယ် ပျားအုံ

      ဤပျားအုံတွင် ထရံတစ်ထပ်တည်းသာ ရှိသည်။ ပြင်ပလေနှင့် ပျားများကြားတွင်း ထရံတစ်ခုသာ​​ ခြားသည်။ အခန်းများမှာ (W.B.C) ပျားအုံမှာကဲ့သို့ပင် အဆင့်ဆင့် ပြုလုပ်ထားသည်။ အောက်ဆုံးတွင် ပျားတင်ရန် ခုံရှိသည်။ ထိုအပေါ်မှ ပျားများပေါက်ရန် သားပေါက်ခန်း ရှိသည်။ ထိုသားပေါက်ခန်းအပေါ်တွင် ပျားရည်များ စုဆောင်းရန် ပျားရည်ခန်း ရှိသည်။ အပေါ်ဆုံးရှိ အမိုးကို သတ္တုဖြင့် ပြုလုပ်ထားသည်။ ဤပျားအုံမှာ (W.B.C)မှ ပျားအုံထက် အစိတ်အပိုင်းပိုနည်းပြီး ရွှေ့ပြောင်းရာတွင်ပို၍လွယ်ကူသည်။ သို့သော် အတွင်းသို့ အစိုဓာတ် အလွယ်တကူဝင်နိုင်ပါသည်။

မှီငြမ်း-သိပ္ပံသန်းအေး၏ “ ပျားမွေးမြူခြင်း လုပ်ငန်းအဆင့်ဆင့်” အကြောင်းမှ ကောက်နှုတ် ဖော်ပြပါသည်။

 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်