ငရုတ်သီး Export ရှိနေသော်လည်း ပမာဏအနည်းငယ်သာ တင်ပို့နိုင်

ငရုတ်သီး Export ရှိနေသော်လည်း လမ်းပန်းဆက်သွယ်ရေးကြောင့် ပမာဏအနည်းငယ်သာ တင်ပို့နိုင်ကြောင်း ငရုတ်သီးဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရသည်။

ငရုတ်သီးတင်ပို့မှု Export က ရှိတော့ရှိနေတယ်။ သို့သော် ပမာဏအရမ်းနည်းနေသေးတယ်။ အနီရောင်ကိုတော့ ဝယ်လက်ကလိုချင်တယ်။ မှာယူမှုလည်းရှိတယ်။ ငရုတ်သီး အစိမ်းရောင်ကိုတော့ လက်ရှိမှာ နည်းနည်းတော့ အဝယ်နည်းနေပါတယ်။ ငရုတ်သီး အစိမ်းရောင်ကို ဝယ်ယူနေတဲ့ နိုင်ငံတွေဘက်မှာလည်း ကိုဗစ်ကာလဖြစ်နေတာကြောင့်လည်းပါတယ်။ ဒါ့ကြောင့် သွားတော့သွားနေပေမယ့် ဖြုန်းအားနည်းနေတယ်။

ဟု ငရုတ်သီးဈေးကွက်နှင့် နည်းပညာဖွံ့ဖြိုးတိုးတက်ရေးအသင်း၏ ဥက္ကဌ ဒေါ်ဥမ္မာကျော် က ပြောသည်။

ငရုတ်သီး (အနီရောင်) ဇကာတင်ရွေးချယ်ပြီး အသန့် (၅)ပိဿာလျှင် (၁၁,၅၀၀)ကျပ် ဈေးနှုန်းဖြင့် တင်ပို့ရောင်းချနေသည်။

ငရုတ်သီးဈေးလေးကတော့ မဆိုးဘူးပြောရမယ်။ လမ်းပန်းဆက်သွယ်ရေးကြောင့်သာ ကိုယ်တွေဘက်က မပေးနိုင်တာ။

ဟု ဒေါ်ဥမ္မာကျော် က ဆက်လက်ပြောသည်။

လက်ရှိတွင် ဧရာဝတီတိုင်းဒေသကြီး၊ မန္တလေးတိုင်းဒေသကြီး (မြစ်သား၊ ကျောက်ဆည်၊ မန္တလေး) စသည့် ဒေသများမှ ငရုတ်သီးများကို နယ်စပ်မှတဆင့် တင်ပို့ရောင်းချနေခြင်း ဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။