အမေရိကားနိုင်ငံကို ချင်းအထူးတန်းဝင်ကော်ဖီ နှစ်စဉ်တင်ပို့နေရ

26/11/2019 19:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

အမေရိကားနိုင်ငံကို ချင်းအထူးတန်းဝင်ကော်ဖီ နှစ်စဉ်တင်ပို့နေရ

ချင်းပြည်နယ်မှ ထွက်ရှိသည့် အထူးတန်းဝင်ကော်ဖီများကို အမေရိကားနိုင်ငံကို နှစ်စဉ်တင်ပို့နေရကြောင်း ချင်းပြည်နယ် ကော်ဖီစိုက်တောင်သူတစ်ဦးထံမှ သိရပါတယ်။

အထူးတန်းဝင်ချင်းကော်ဖီများကို နှစ်စဉ်တင်ပို့နေခဲ့ရာ (၃) နှစ်ဝန်းကျင်ရှိပြီဖြစ်ပြီး အမေရိကားကို တိုက်ရိုက်တင်ပို့တာ ဖြစ်တယ်လို့ ချင်းပြည်နယ် ကော်ဖီစိုက်တောင်သူတစ်ဦးဖြစ်တဲ့ ဦးကီးအောင်နိုင်ကပြောပါတယ်။ “ ချင်းပြည်နယ်က ထွက်ရှိတဲ့ ကော်ဖီတွေကို သူတို့တွေက ကြိုက်တယ်။ နှစ်စဉ်မှာနေတာဒီနှစ်နဲ့ဆို (၃)နှစ်ရှိသွားပါပြီ။ အမေရိကားကို တိုက်ရိုက် တင်ပို့ရောင်းချနေတာပါ။ ဒီနှစ်လည်း သူတို့မှာတဲ့အခါ မှာ ပိုမိုတင်ပို့နိုင်အောင်လို့ ပိုမိုပြီး စိုက်ပျိုးတာတွေလည်း ရှိလာပါတယ်” အဆိုပါပြည်နယ်မှ အမေရိကားကို တင်ပို့ခဲ့တဲ့ ကော်ဖီတန်ချိန်မှာလည်း (၂)နှစ်အတွင်း တန်ချိန်(၁၀) ရှိနေပြီဖြစ်ကြောင်း အဆိုပါတောင်သူထံမှသိရပါတယ်။

ကော်ဖီအပင်ကို ရှမ်းပြည်နယ် ၊ ချင်းပြည်နယ်တို့မှာ စိုက်ပျိုးနေကြောင်းသိရပြီး အခြားပြည်ပစျေးကွက်နိုင်ငံများကိုလည်း တင်ပို့နေရကြောင်း သိရပါတယ်။

တိုးတိုးခိုင်(ABM)