ပိုးသတ်ဆေးထဲ ပုလဲလက်တစ်ဆုပ်ထည့်ဖျန်းရင် ကောင်းလားနှင့် တစ်ပတ်အတွင်း စိတ်ဝင်စားစရာ အမေးအဖြေများ

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့ကို ပြန်လည်လို့ရောက်ရှိလာခဲ့ပါပြီ။

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်နော်။

၁။ မေး (M Khant) - Peace Lily (ရှင်သီဝလိဂမုန်း) အိမ်တွင်းစိုက်ဖို့ ဝယ်ထားပါတယ်။ ရေလောင်းနည်းလေး သိချင်ပါတယ်။ ဘယ်နှစ်ရက် တစ်ခါလောင်းရမလဲနဲ့ လောင်းရမယ့် ရေပမာဏလေး သိလိုပါတယ်။ ပန်းပိုပွင့်ဖို့ နဲ့ အပင်ပိုလှဖို့ ဘယ်လို ပြုစုရမလဲလေးပါ ဖြေပေးပါဦး။ စိုက်ပျိုးရေး beginner သမားမို့ မေးခွန်းမှာ အမှားပါသွားရင် နားလည်ပေးပါ။

ဖြေ (ဇင်ထူးနိုင်) - Indoor စိုက်မယ်ဆိုရင် မနက်ပိုင်း နေရောင်ခြည်ရရှိပြီး အလင်းရောင် ကောင်းကောင်းရှိတဲ့နေရာမှာ စိုက်ပျိုးသင့်ပါတယ်။ Indoor plant ဆိုပေမဲ့ အလင်းရောင်ကောင်းကောင်းမရရင် ပန်းမပွင့်နိုင်ပါဘူး။ သဘာဝမြေဆွေး ထည့်ပေးလို့ရပါတယ်။ ဓာတ်မြေသြဇာအနေနဲ့က Indoor plant တွေအတွက် သီးသန့်ထုတ်ထားတဲ့ ၁၃ ပတ်လည် မြေသြဇာထုပ်လေးတွေ အပင်ရောင်းတဲ့ ဆိုင်တွေမှာ ဝယ်လို့ရပါတယ်။ နိုက်ထရိုဂျင်နဲ့ ဖော့စဖောရပ်စ်ဓာတ်ကို မျှတအောင်ကျွေးသင့်ပါတယ်။ မြေသြဇာက ၂ လလောက်နေမှ ၁ ကြိမ်သာကျွေးပါ။ ရေကတော့ အိုးထဲကမြေသား လုံးဝခြောက်သွေ့သွားတဲ့အထိ မထားဘဲ အပေါ်ယံမြေသား ၁ လက်မကျော်လောက် ခြောက်သွေ့နေပြီဆိုရင် ရေလောင်းပေးနိုင်ပါတယ်။ နေ့တိုင်း ရေလောင်းစရာမလိုပါ။ နေ့တိုင်းရေလောင်းတဲ့အခါ အစိုဓာတ်များပြီး ရောဂါကျတာမျိုး အမြစ်ပုပ်တာမျိုး ဖြစ်တတ်ပါတယ်။ ရာသီဥတုအခြေအနေပေါ်မူတည်ပြီး ၁ ပတ်ကို ၁ - ၂ ရက်သာ ရေလောင်းပေးသင့်ပါတယ်။

၂။ မေး (Ko Zar Kyi) - စပါးမှာ မှိုသက်ဆေးနဲ့ ပိုးသတ်ဆေးရောဖြန်းလို့ရပါသလားခင်ဗျာ။ သေသွားနိုင်လားဗျ။

ဖြေ (ဒို့ဦးလေး) - ကော့ပါး၊ မင်ကိုဇက်၊ ဖို့စတိုင်း၊ အလူမီနီယံ၊ ကက်ပ်တန် မဟုတ်ရင် ဖျန်းပါ။ (တကယ်တော့ သီးသန့်ဖျန်းရပါတယ်)

(ဦးမောင်မောင်ထွေး) - စပါးကိုမှိုသတ်ဆေးနဲ့ ပိုးသတ်ဆေးရောမဖျန်းပါနှင့်။ ခွဲဖျန်းပါ။ ဆေးအာနိသင်လျော့သွားနိုင်တယ်။

၃။ မေး (Nga Chan) – 2,4D ပေါင်းသတ်ဆေးက 5 လပိုင်းက ဒိတ်ကုန်တာပါ ဝယ်လာခဲ့ပြီးမှ သေချာကြည့်မိလို့ပါ။ ဖျန်းရင် အာနိသင်ရှိနိုင်သေးလားဗျ။

ဖြေ (ဒို့ဦးလေး) - ရုပ်ပိုင်းဆိုင်ရာ ပြောင်းလဲမှုမရှိသေးရင် ကောင်းပါတယ်။(အနည်ထိုင်ခြင်း/အရောင်ပြောင်းခြင်း/အခဲဖြစ်ခြင်း...)

(S2MO) - သွားလို့အဆင်ပြေရင် ဆိုင်မှာပြန်လဲပါ အဆင်မပြေရင်တော့အပေါ်က ဆရာပြောသလိုကြည့်ပြီး အသုံးပြုပါ။ လူတွက်လည်းအန္တရာယ်ရှိပါတယ် အနံ့မရှုမိစေနဲ့။

၄။ မေး (Aung Thu Htun ) - ကျွန်တော်တို့ဒေသမှာ ဟင်းသီးဟင်းရွက်ပင်တွေစီးပွားဖြစ်စိုက်ပျိုးကြပါတယ် စိုက်တဲ့အခါမှ ပိုးသတ်ဆေးဖျန်းတဲ့အခါမှာ ပုလဲလက်တစ်ဆုပ်လောက်ထည့်ဖျန်းကျပါတယ်။ အဲ့ဒါလေး အပင်အတွက် ကောင်းမကောင်း‌‌ဖြေပေးစေလိုပါတယ်။ မေးကြည့်တော့လည်းတစ်ယောက်မှ သေချာမသိကြလို့ပါ။

ဖြေ(Ko Htet)- ဆေးအာနိသင်မရှိတော့ဘူး။ ဓာတ်ပြယ်တတ်တယ်။ ဒီလိုရောစပ်မှုက။

(ဒို့ဦးလေး)- ပိုးသတ်ဆေးနဲ့အားဆေးကို တွဲဖျန်းလို့တော့ရပါတယ်။ ဒါပေမယ့် ပုလဲကို ရေဖျော်ဖျန်းတဲ့အခါ အပင်ကို နုစေပြီး ပိုး/ရောဂါ ပိုကျရောက်တတ်ပါတယ်။ နှုန်းထားများရင် (အပင်က ခံနိုင်ရည်နည်းရင်/နေပူ/ရေငတ်ရင်) အပင်လောင်နိုင်ပါတယ်။ ဆိုလိုသည်မှာ ဖျန်းလို့တော့ရတယ်၊ နှုန်းထားနဲ့ အချိန်အအခါ အပင်အမျိုးအစား/အရွယ် ချင့်ချိန်ဖျန်းသင့်ပါတယ်။ (တကယ်တော့ အသင့်သုံးအရွက်ဖျန်းအားဆေး တွေ အများကြီးပါ)

၅။ မေး (Ye Htet Kyaw) - လချေးကျောက်မှုန့်နဲ့ ဂျစ်ပဆမ်တူပါသလား။

(စိုးမင်းအောင်) - အတူတူပါပဲ အထဲမှာပါဝင်တဲ့ ကယ်လစီယံ၊ ဆာလဖာ%နဲ့ သန်းစင်မှု% ကွာမှာပါ။

မေးခွန်းတွေအကုန်လုံးကလည်း တောင်သူတိုင်းသိသင့်တာတွေကြီးကိုပဲ စုစည်းထားတာမို့ ဗဟုသုတရမယ်လို့ မျှော်လင့်ပါတယ်ရှင့်။

တခြားမိတ်ဆွေတောင်သူတွေလည်း ဒီလိုမျိုးအကြံဉာဏ်တွေရယူချင်တယ်ဆို အမေးအဖြေကဏ္ဍမှာ ပို့စ်တင်မေးလို့ရနေပါပြီနော်။ ဘယ်လိုတွေမေးရမှန်းမသိရင် ပုံလေးသာတင်ပြီး မေးလိုက်။ ဆရာတို့က သေချာကြည့်ပြီး ဖြေပေးနေပါပြီရှင့်။ အမေးအဖြေကဏ္ဍမှာ အားမနာတမ်း ပို့စ်တင်မေးနိုင်ပါကြောင်း သတင်းကောင်းပေးရင်း ဒီတစ်ပတ်တော့ ဒီလောက်နဲ့ပဲ အဆုံးသတ်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...