မြဝတီနယ်စပ်၌ ပြောင်းကုန်စည်ဒိုင်ဖွင့်လှစ်မည့်အစီအစဉ် ခေတ္တရပ်ဆိုင်းခြင်းသာဖြစ်

မြဝတီနယ်စပ်၌ မြန်မာနိုင်ငံပြောင်းလုပ်ငန်းအသင်း၏ ပြောင်းကုန်စည်ဒိုင်ဖွင့်လှစ်မည့် အစီအစဉ်မှာ ခေတ္တရပ်ဆိုင်းခြင်းသာဖြစ်ပြီး၊ ယခုနှစ် ဖေဖော်ဝါရီလအတွင်း ဖွင့်လှစ်နိုင်ရန် စီစဉ်ထားကြောင်း အသင်းဉက္ကဌမှ ပြောသည်။

ပြောင်းကုန်စည်ဒိုင်ကို ၂၀၂၀ ခုနှစ်၊ ဧပြီလ (၃) ရက်က စတင်ဖွင့်လှစ်မည်ဟု စီစဉ်ထားခဲ့ပြီးနောက် Covid-19 ကာလ အခြေအနေအရပ်ရပ်ကြောင့် ဖွင့်လှစ်မည့်အချိန်ကာလကို နောက်ဆုတ်ခဲ့ကြခြင်းဖြစ်သည်။

မြန်မာနိုင်ငံ ပြောင်းလုပ်ငန်းအသင်းအနေနဲ့ ပြောင်းကုန်စည်ဒိုင်ကို မဖြစ်မနေကို ဖွင့်လှစ်သွားမှာပါ။ အခု ဖေဖော်ဝါရီလထဲမှာ ဖွင့်လှစ်ဖို့စီစဉ်နေပါတယ်။ ပထမအစီအစဉ်မှာ မနှစ်ကတည်းက ဖွင့်လှစ်ဖို့ စီစဉ်ထားတာပါ။ ကိုဗစ်ကြောင့် လူစုလူဝေးလုပ်လို့ အဆင်မပြေတာကြောင့် နောက်ဆုတ်လိုက်တာပါ။ ပြီးခဲ့တဲ့လက ဖွင့်လှစ်ဖို့ ထပ်စီစဉ်တော့လည်း မြဝတီဘက်မှာ ပိုးတွေ့လူနာတွေ တွေ့ရှိမှုများပြားနေတဲ့အတွက် ရန်ကုန်ကကုန်သည်တွေကို အဝင်မခံတာမျိုးတွေလည်း ရှိနေတာကြောင့် လတ်တလောမှာ ခဏနောက်ဆုတ်ထားကြတဲ့ သဘောပါပဲ။

ဟု မြန်မာနိုင်ငံ ပြောင်းလုပ်ငန်းအသင်း ဉက္ကဌ ဦးမင်းခိုင်က ပြောသည်။

အဆိုပါ ပြောင်းကုန်စည်ဒိုင် ဖွင့်လှစ်နိုင်ပါက ပြောင်းကုန်သွယ်မှုဆောင်ရွက်ရာတွင် အရောင်းအဝယ်ကိစ္စရပ်များ မှန်ကန်မှုရှိစေရေးနှင့် ပိုမိုအဆင်ပြေလွယ်ကူမှုရှိစေရေးတို့အတွက် များစွာအထောက်အကူဖြစ်လာမည်ဖြစ်သည်။

ပြောင်းကုန်စည်ဒိုင်သာ ဖွင့်လှစ်နိုင်သွားမယ်ဆိုရင် စနစ်တကျ ရောင်းစရာနေရာရှိသွားမယ်။ ရန်ကုန်မှာရှိတဲ့ ကုန်စည်ဒိုင်တွေလိုမျိုး ရောင်းချင်တဲ့သူက ပစ္စည်းတွေပြထားမယ်။ ဝယ်ချင်တဲ့သူက ဒီနေရာမှာလာဝယ်မယ်။ ဝယ်ယူမယ့် ပြည်ပကုန်သည် ကိုယ်စားလှယ်အားလုံးလည်း ဒီနေရာမှာ လာဝယ်ကြရမယ်။ ပြည်တွင်းက ရောင်းမယ့် ပြောင်းကုန်သည်တွေကလည်း ဒီကိုလာမယ်။ အဲ့ဒီတော့ ရောင်းသူနဲ့ဝယ်သူကြားမှာ ဈေးနှုန်းက မှန်မှန်ကန်ကန်ရသွားမယ်။ ငွေရေးကြေးရေးအပိုင်းတွေမှာလည်း စိတ်ချရမယ်။ ကုန်သည်ကြီးတွေ အလိမ်ခံရတာမျိုးလည်း မဖြစ်နိုင်တော့ဘူးပေါ့။

ဟု ဦးမင်းခိုင်က ဆက်လက်ပြောသည်။

၂၀၂၁ ခုနှစ်၊ ဖေဖော်ဝါရီလအတွင်း မြန်မာ့အစေ့ထုတ်ပြောင်းများကို ထိုင်းနိုင်ငံသို့ အခွန် ကင်းလွတ်ခွင့်ဖြင့် စတင်တင်ပို့နိုင်မည်ဖြစ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

မြဝတီနယ်စပ်၌ ပြောင်းကုန်စည်ဒိုင်ဖွင့်လှစ်မည့်အစီအစဉ် ခေတ္တရပ်ဆိုင်းခြင်းသာဖြစ်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

မြဝတီနယ်စပ်၌ ပြောင်းကုန်စည်ဒိုင်ဖွင့်လှစ်မည့်အစီအစဉ် ခေတ္တရပ်ဆိုင်းခြင်းသာဖြစ်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}