''အာဟာရနှင့် covid19''

    ယခုအချိန်အခါဟာ covid-19 ရောဂါ အလွန်ပျံ့နှံ့ဖြစ်ပွားနေချိန်ဖြစ်ပါတယ်။ covid ဗိုင်းရပ်ပိုးကို သတ်နိုင်တဲ့ဆေး ယခုချိန်ထိမရှိသေးပါဘူး။ မိမိခန္ဓာကိုယ်ရဲ့ ခုခံအားစနစ်ကသာလျှင် covid ပိုးကို တိုက်ထုတ်ရတာဖြစ်ပါတယ်။ ထို့ကြောင့် ရောဂါပိုးမွှားတွေကို တိုက်ထုတ်ဖို့အတွက် ခုခံအားစနစ်ကောင်းဖို့ အလွန်အရေးကြီးလှပါတယ်။

    ခန္ဓာကိုယ်လှုပ်ရှားမှု၊ အိပ်ချိန်၊ စားသောက်မှုပုံစံတွေဟာ လူတစ်ယောက်ရဲ့ ခုခံအားအပေါ် တိုက်ရိုက်မကျိုးသက်ရောက်နေပါတယ်။ လှုပ်ရှားမှုမရှိတဲ့နေထိုင်မှုပုံစံဟာ စိတ်ပိုင်းဆိုင်ရာနှင့် ရုပ်ပိုင်းဆိုင်ရာကို ထိခိုက်စေပြီး ခုခံအားကို ကျဆင်းစေပါတယ်။

    မိမိခန္ဓာကိုယ်ရဲ့ ခုခံအားစနစ်ကို မြှင့်တင်ပေးဖို့အတွက် အဟာရပြည့်ဝတဲ့အစားအသောက်ပုံစံဟာ အရေးပါပြီး အကျဆုံးအရာပဲဖြစ်ပါတယ်။ ကျန်းမာအဟာရပြည့်ဝစေတဲ့ စားသောက်မှုပုံစံအတိုင်း ကျင့်သုံးနေထိုင်ခြင်းဖြင့် မိမိခန္ဓာကိုယ်ထဲဝင်ရောက်လာတဲ့ ဗိုင်းရပ်ပိုးကို ခုခံတိုက်ထုတ်ပစ်နိုင်ပါတယ်။ covid 19 ဗိုင်းရပ်ပိုးကို ကြံ့ကြံ့ခံရင်ဆိုင်နိုင်ဖို့ စားသောက်နေထိုင်မှုပုံစံအချို့ကို ဖော်ပြပေးလိုက်ရပါတယ်။

- မာလကာသီး၊ ပန်းသီး၊ ငှက်ပျောသီး၊ စတော်ဘယ်ရီ၊ သခွားမွှေးသီး၊ ဂရိတ်ဖရုသီး၊ နာနတ်သီး၊ သင်္ဘောသီး၊ လိမ္မော်သီး၊ ကမ္ပလာသီး၊ သံပုရာသီး အစရှိသောအသီးအနှံများ နေ့စဉ်စားသုံးပေးသင့်ပါတယ်။

- လတ်ဆတ်ပြီး အစိမ်းရောင်ရှိတဲ့အရွက်များလည်း နေ့စဉ်စားသုံးပေးသင့်ပါတယ်။

- အခွံမာသီးများနှင့် အစေ့အဆံများကိုလည်း နေ့စဉ်စားသုံးပေးပါ။

- အနီရောင်ရှိတဲ့အသားများကိုတော့ တစ်ပတ်လျှင် ၂ ကြိမ်ခန့်သာ စားသောက်ပေးသင့်ပါတယ်။

- ငါး၊ ဥအမျိုးမျိုး၊ ပဲအမျိုးမျိုးနှင့် နွားနို့တို့ကိုတော့ နေ့စဉ်စားသုံးပေးနိုင်ပါတယ်။

- အဆီ၊ သကြား၊ ဆား ပါဝင်မှုများတဲ့ သွားရည်စာမုန့်တွေကိုတော့ ရှောင်ရှားသင့်ပါတယ်။

- အသီးအရွက်တွေကို အချိန်ကြာမြင့်စွာချက်ပြုတ်တဲ့အခါ ပါဝင်တဲ့ ဗီတာမင်နဲ့ သတ္တုဓာတ်တွေ ပျက်စီးသွားတတ်တာကြောင့် မီးအေးအေးနဲ့ အနေတော်သာ ချက်ပြုတ်သင့်ပါတယ်။

- အကျက်လွန်ချက်ပြုတ်ထားတဲ့ အစားအသောက်များကို ရှောင်ရှားသင့်ပါတယ်။

- ဆားကို တစ်နေ့လျှင် လက်ဖက်စားဇွန်း ၁ ဇွန်းပမာဏထက် ပိုမစားသုံးသင့်ပါဘူး

- မပြည့်ဝဆီများကို စားသုံးပေးပါ။ (ထောပတ်သီး၊ ငါးကြီးဆီ၊ အစေ့အဆံများ၊ ပဲ၊ သံလွင်ဆီ၊ မုန်ညှင်းဆီ၊ ပြောင်းဖူးဆီ၊ နေကြာဆီ စသည်တို့မှာ မပြည့်ဝဆီများပါဝင်ပါတယ်)

- ပြည့်ဝဆီများကို ရှောင်ကြဉ်ပါ။ (ဆီဦးထောပတ်၊ တိရစ္ဆာန်မှရသောအဆီများ၊ အုန်းဆီ၊ စားအုံးဆီ စသည်တို့မှာ ပြည့်ဝဆီများပါဝင်ပါတယ်)

- တစ်နေ့လျှင် ရေ ၈ ဖန်ခွက်ခန့် သောက်သုံးပေးပါ။ ရေဟာ သွေးတွင်း အာဟာရသယ်ယူပို့ဆောင်ခြင်း၊ အညစ်အကြေးများစွန့်ထုတ်ပေးခြင်း၊ ခန္ဓာကိုယ်အပူချိန်ထိန်းညှိပေးခြင်းတို့ကို လုပ်ဆောင်ပေးပါတယ်။

- သကြားပါဝင်မှုများတဲ့ အချိုရည်ဘူးများကို ရှောင်ရှားပေးပါ။

- လေ့ကျင့်ခန်းလုပ်ခြင်း၊ တရားထိုင်ခြင်းတို့ကို နေ့စဉ် ပြုလုပ်ပေးပါ။ အိပ်ချိန်လုံလောက်ခြင်းဟာ ခုခံအားစနစ်ကို အထောက်အကူပြုပါတယ်။

- လူအများနှင့်ထိတွေ့မှုကို ရှောင်ရှားရန်အတွက် မိမိအိမ်တွင်းမှာပဲ ချက်ပြုတ်စားသောက်ပါ။

    အပြင်မှဝယ်ယူလာတဲ့ ချက်ပြုတ်မည့်အရာများမှာလည်း ရောဂါပိုးမွှားများ ပါဝင်လာနိုင်တဲ့အတွက် ဟင်းသီးဟင်းရွက်အသီးအနှံများကို မစားသုံးခင် သေချာစွာဆေးကြောသန့်စင်ပေးပါ။ 

    မချက်ပြုတ်ရသေးသည့်အရာများမှ ပိုးမွှားများမဝင်ရောက်စေရန်အတွက် ချက်ပြုတ်ပြီးသည်များနှင့် မချက်ပြုတ်ရသေးသည့်အရာများအား ခွဲခြားထားပါ။ 

    အသားနှင့် အသီးအနှံများကို စဉ်းတီတုံးများခွဲခြားထားရှိသင့်ပြီး တစ်ခုတည်းအသုံးမပြုသင့်ပါ။ 

    သန့်ရှင်းလတ်ဆတ်ပြီး အာဟာရပြည့်ဝတဲ့ စားသောက်မှုပုံစံဟာ ခန္ဓာကိုယ်ရဲ့ ခုခံအားစနစ်ကိုမြှင့်တင်ပေးပြီး ရောဂါပိုးများကို ကောင်းစွာတိုက်ထုတ်ပေးနိုင်ပါတယ်။ အာဟာရပြည့်ဝစွာစားသုံးရင်း ကိုဗစ်ကိုအန်တုလိုက်ကြပါစို့။

https://www.ncbi.nlm.nih.gov/pmc/articles/PMC7306972/

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်