ပဲဈေးနှုန်းအနည်းငယ်ကျဆင်း

25/07/2019 11:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ယခုတစ်ပတ်အတွင်း ပဲဈေးနှုန်းများ အနည်းငယ်ကျဆင်းလာကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များအသင်းမှ သိရပါတယ်။

အခုတစ်ပတ်အတွင်း ဝယ်လိုအားတည်ငြိမ်နေတဲ့အတွက် ဈေးနှုန်းအနည်းငယ်ကျဆင်းလာတာ ဖြစ်တယ်လို့ မြန်မာနိုင်ငံ ပဲမျိုးစုံနှင့်နှမ်းကုန်သည်များအသင်းမှ သိရပါတယ်။ 

“ ပဲဈေးတွေက အရင်တစ်ပတ်က ဝယ်လိုအားတက်လာတော့ ဈေးရတယ်။ အခုလက်ရှိကတော့ ဈေးနှုန်းအနည်းငယ်ကျဆင်းလာတယ်။ တစ်တန်ကို ကျပ်၂၀၀၀၀ ဝန်းကျင်လောက်ကျဆင်းလာပါတယ်”

မြန်မာ့ပဲများကို အိန္ဒိယနိုင်ငံကို အဓိကထားတင်ပို့နေတာဖြစ်ပြီး ပုံမှန်ဝယ်ယူမှုများရှိနေကြောင်း လည်း အဆိုပါအသင်းမှ သိရပါတယ်။

ယခင်တစ်ပတ်က မတ်ပဲတစ်တန်ကို ၈၀၅၀၀၀ ကျပ်ရှိရာမှ ၈၀၃၀၀၀ ကျပ် ကျဆင်းလာကြောင်း ပဲစဉ်းငုံတစ်တန်ကို ယခင်တစ်ပတ်က ၉၆၀၀၀၀ ကျပ်ရှိရာမှ အခုတစ်ပတ်အတွင်း ၉၄၀၀၀၀ ကျပ် ကျဆင်းလာကြောင်း မြန်မာနိုင်ငံ ပဲမျိုးစုံနှင့်နှမ်းကုန်သည်များအသင်းမှ သိရပါတယ်။ 

တိုးတိုးခိုင်(ABM)