ပဲတီစိမ်းနှင့်မတ်ပဲတွင် ကျရောက်တတ်သောရောဂါများနှင့် နှိမ်နင်းနိုင်သည့်ဆေးများ

ပဲတီစိမ်းနဲ့ မတ်ပဲဆိုတာက Cash Crop ဝင်ငွေရတဲ့ သီးနှံတွေပဲ ဖြစ်ပါတယ်။ ပဲတီစိမ်းနဲ့ မတ်ပဲ က Genus တူပြီး ပုံစံ၊ အနေအထား၊ အစေ့ပုံစံတွေက အတူတူပါပဲ။ ဒါကြောင့်ကျရောက်တတ်တဲ့ ရောဂါ၊ ပိုးမွှားတွေကလည်း များသောအားဖြင့် အတူတူပဲလို့ဆိုနိုင်ပါတယ်။

ကျရောက်တတ်တဲ့ ရောဂါတွေကတော့...

• အဝါရောင် မိုစိတ်ဗိုင်းရပ်စ်ရောဂါ
• စာကိုစပိုးရားရွက်ပြောက်ရောဂါ (သံချေးရောဂါ)
• အန်းသရနို့စ် (မှဲ့ပြောက်စွန်းရောဂါ)
•  ပေါင်ဒရီမစ်ဂျူး (ဖားဥမှို)
• ဘလိုက် (ရွက်ခြောက်လောင်)
• ဟေလိုဘလိုက် (ရွက်ခြောက်ကိုင်းခြောက်)
• ရက်စ် (သံချေးရောဂါ)
• ဖြူဆေရီယမ် (မှိုညှိုးသေရောဂါ)
• ပိုင်သီရမ်မှိုညှိုးသေရောဂါ
• မြစ်ခြောက်ဆွေး စခရိုရန်
• ပင်ခြေမှိုဖြူစွဲ ညှိုးသေရောဂါ
• မြစ်ဖုနီမတုတ် အမြစ်တွင်ဖြစ်သော အခြားနီမတုတ်များ စတဲ့

ရောဂါတွေကျရောက်တတ်ပြီးတော့ အကုန်လုံးတော့ မကျရောက်ပါဘူး။

ဒီထဲက ကျရောက်မှုများတဲ့ရောဂါအချို့နဲ့သုံးသင့်တဲ့ ဆေးအချို့ကို ရှင်းလင်းဖော်ပြပေးပါ့မယ်။

(၁)  စာကိုစပိုးရာရွက်ပြောက်ရောဂါ (သံချေးရောဂါ)

 အရွက်ပေါ်မှာ ကွမ်းတံတွေးထွေးထားသလို နီညိုရောင်၊ အညိုရောင် တွေဖြစ်တယ်။ မြေအောက်ပိုင်းကို မထိခိုက်ပေမဲ့ အစာချက်နှုန်းကို ထိခိုက်တဲ့ အတွက် သီးတောင့်ဖြစ်ပေါ်မှုကို ထိခိုက်နိုင်ပါတယ်။ (မြေပဲ၊ ပဲတီစိမ်းစိုက်ရင် ဒီရောဂါက ကျကိုကျပါတယ်)။ ဆိုးတာမဆိုးတာပဲကွာမှာပါ။ ရာသီဥတုကအေးတယ်။ အပင်ခပ် စိပ်စိမ် စိုက်ထားရင် ဒီသံချေးရောဂါက ဆိုးပါတယ်။

စာကိုစပိုးရာရွက်ပြောက်ရောဂါ (သံချေးရောဂါ) ကိုနိုင်သော မှိုသတ်ဆေး အေအိုင်များ

ကာကွယ်ရန်- ပီလာဇက်၊ BNS မန်ကို၊ မာဃဆာလဖာ၊ မှိုစတား၊ MGM သာလိုနေး၊ ပီလာရစ်ချ်

ကာကွယ်ကုသရန်- ရော့ခ်၊ ပီလာတိုင်းမ်၊ မာဃ ဟက်ဇာ၊ ပီလာဗေး၊ ဘီအန်အက် ပရိုပီ၊ မှိုဘုရင်

မပေးသင့်သောဆေး- ပီလာဇီးလ်၊ BNS ဒိုင်မော့(ဖ်)

(၂) ပေါင်ဒရီမစ်ဂျူး (ဖားဥမှိုရောဂါ)

ဖားဥမှိုက ပေါင်ဒါမှုန့်တွေဖြူးထားသလိုပဲ။ လက်နဲ့ ပွတ်ကြည့်လိုက်ရင် လက်ထဲဘာမှပါမလာဘူး။ ဖုန်နဲ့မှားမှာစိုးလို့ ကွင်းထဲမှာ စမ်းကြည့်နိုင်ပါတယ်။ ဒီရောဂါကလည်းဆိုးပါတယ်။ ဖားဥမှိုရောဂါ အတွက်ဆိုရင်တော့ ဆာလဖာက နိုင်ပါတယ်။ ခါးရိပင်ညှိုးရောဂါ ပဲပင်တွေအကွက်လိုက် ညှိုးညှိုးပြီး သေသွားရင် မြေခြောက်ဆွေးခြင်း၊ ဖျူဆေရီယမ်စတဲ့ မှိုတွေအမျိုးမျိုးကြောင့် ဖြစ်နိုင်ပါတယ်။ အခင်း ထဲမှာ ပဲပင်တွေညှိုးသွားတယ် ဘာလို့လဲ မေးရင်တော့ ပြောရတာတော့ခက်ပါတယ်။ ဒီရောဂါကတော့ မြေကြီးကနေဖြစ်တဲ့ မြေဆောင်ရောဂါတွေပဲ ဖြစ်ပါတယ်။

ဖားဥမှိုသတ်ဆေးများ

(၁) ရေ ၄ ဂါလံဝင် ဆေးဖျန်းပုံးတစ်ပုံးလျှင် ဆာလ်ဖာ အေအိုင် ၅၀ % အက်စ်ပီ စားပွဲတင်ဇွန်း ၁ ဇွန်းခွဲ- ၅ ဇွန်းနှုန်း

(၂) ရေ ၄ ဂါလံဝင် ဆေးဖျန်းပုံးတစ်ပုံးလျှင် ကရီဆိုဇင်း- မီသိုင်း ( Kersosim methyl) ၅၀% ဒဗလျူဂျီ စားပွဲတင်ဇွန်း တစ်ဇွန်း၏ ၄ ပုံ ၃ပုံခန့်

မပေးသင့်သောဆေး- ပီလာဇီးလ်၊ BNS ဒိုင်မော့ (ဖ်)

အပိုင်း(၂) မှာတော့ နောက်ထပ်အဖြစ်များတဲ့ ရောဂါအချို့အကြောင်းကို ဆက်လက်ဖော်ပြပေးသွားပါမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်