ဂျုံမျိုးများကို မြို့နယ်(၈) မြို့နယ်မှာ ဖြန့်ဝေပေးသွားမည်

19/09/2019 15:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

   မြို့နယ်(၈) မြို့နယ်မှာ အထွက်ကောင်းတဲ့  ဂျုံမျိုးများကို ဖြန့်ဝေပေးသွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

   အခုလာမယ့် ဂျုံရာသီမှာ အထွက်ကောင်းတဲ့ ဂျုံမျိုးများကို ဖြန့်ဝေပေးသွားမှာဖြစ်တယ်လို့ စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦးက ပြောပါတယ်။

   “အခုလာမယ့် ဂျုံရာသီမှာ မြို့နယ်အလိုက် အထွက်ကောင်းတဲ့မျိုးတွေကို ပြသသွားမယ်။ ပြီးရင် တောင်သူတွေကို ဖြန့်ဝေပေးသွားမယ်။ အခုက အထွက်တိုးမယ့် ဂျုံစိုက်ပျိုးနည်းစနစ်တွေကလည်း တောင်သူတွေအနေနဲ့ လိုအပ်နေတယ်”

   ဂျုံပင်ကို ပင်းတယ၊ နောင်ချို၊ ကျောက်မဲ၊ မုံရွာ၊ မြင်းမူနဲ့ ပြင်ဦးလွင်တို့မှ အများဆုံးစိုက်ပျိုးကြောင်း အဆိုပါဌာနမှ သိရပါတယ်။ 

   အဆိုပါစီမံကိန်းကို စိုက်ပျိုးရေးသုတေသနဦးစီးဌာနနဲ့ ကိုရီးယားအပြည်ပြည်ဆိုင်ရာ စိုက်ပျိုးရေး ပူးပေါင်းဆောင်ရွက်မှုအဖွဲ့နဲ့ လုပ်ဆောင်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။ 

တိုးတိုးခိုင်(ABM)