ဓာတ်ဘဲဖောက်နည်း

ယခုအခါ ဓာတ်ဘဲဖောက်နည်း ကျွမ်းကျင်သူများပြာလာသည့်အတွက် ရန်ကုန်တိုင်း၊ ပဲခူးတိုင်း၊ ဧရာဝတီတိုင်းနှင့် မန္တလေးတိုင်းများတွင် ဓာတ်ဆိုင်များဖွင့်လှစ်ပြီး ဘဲသားပေါက်များကို နေရာအနှံ့ဖြန့်ဖြူးပေးလျက်ရှိပါသည်။ ဓာတ်ဘဲများ ဖောက်ရာ၌စပါးခွံကို အသုံးပြုကြပါသည်။

အဆင့်(၁)

မျိုးဖောက်မည့် ဘဲဥများကို ဘဲမ ၅ ကောင်နှင့် ဘဲထီး ၁ကောင် အချိုးနှုန်းရှိသော မျိုးဘဲခြံမှရွေးယူပါ။ ဘဲဥခွံထူပြီး ကွဲအက်ခြင်းမရှိရန် လိုအပ်သည်။

အဆင့်(၂)

မျိုးဘဲဥများကို ဖျာကြမ်းပေါ်တင်ပြီး နံနက်ပိုင်းနေပူချိန်ဖြင့် (၃) နာရီမှ (၅) နာရီခန့် လှမ်းထားပါ။ ဘဲဥများပေါ်၌ ရေငွေ့စက်များထွက်လာပြီး ခြောက်သွားသည့်အခါ ပြန်လည်သိမ်းဆည်းပါ။ ဤအဆင့်၌ ဘဲဥများကို ချွေးထုတ်သည်ဟု ခေါ်ပါသည်။

အဆင့်(၃)

စပါးခွံများကို မိုးဗြဲဒယ်ကြီးထဲသို့ထည့်ပြီး ပုံမှန်မီးရှိန်ဖြင့်လှော်ပါ။ စပါးခွံ၏ အပူချိန်ကို လက်ဖြင့်စမ်းသပ်ပြီး အပူဒဏ်ခံနိုင်သည့်အနေအထား (၁၀၇ ဒီဂရီဖာရင်ဟိုက် - ၁၀၈ ဒီဂရီဖာရင်ဟိုက်) ရောက်သည့်အခါ အဝတ်ပုဝါဖြင့် ထုပ်ထားပြီးအဆင်သင့်ပြင်ထားပါ။ စပါးခွံ၏ အပူဓာတ်ဖြင့် ဘဲဥများကို အနွေးပေးရန်ဖြစ်သည်။

အဆင့်(၄)

ဝါးနှီးဖြင့် ယက်လုပ်ထားသော ဘဲဥဖောက်ကျင်းများကို ပြင်ဆင်ထားပါ။ ကျင်း၏အခြင်းမှာ ၁၈ လက်မရှိပြီး ဇောက်အနက်မှာ ၂၄ လက်မရှိရမည်။ အဆိုပါ ဘဲဥဖောက်ကျင်းများကို အလျား ၆ ပေ၊ အနံ ၄ ပေနှင့် ဘောင်အမြင့် ၂ ပေရှိသော ဘဲဥဖောက်စင်ပေါ်တွင် တင်ထားပါ။

ဘဲဥဖောက်ကျင်း ၃ လုံးကို ၂ တန်းတန်းပြီး ဖောက်စင်ပေါ်တွင် အနေတော်စီထားရမည်။

ထို့နောက် ကျင်းတစ်ခုနှင့် တစ်ခုကြားထဲသို့ စပါးခွံများ သိပ်ထားရမည်။ ဘဲဥဖောက်ကျင်း၏ အောက်ဆုံးထပ်၌ အပူပေးထားသော စပါးခွံထုပ်ကို ထည့်ပါ။

ပြီးနောက်ချွေးထုတ်ထားသော ဘဲဥ အလုံး ၉၀ ပါ ဘဲဥထုပ်ကို စပါးခွံအပေါ်တွင် တစ်ထပ်ထပ်ပြီးနောက် စပါးခွံတစ်ထပ် ဘဲဥတစ်ထပ် အလှည့်ကျထည့်သွင်းပါ။

အပေါ်ဆုံး၌ ဘဲဥကိုထည့်ပြီးနောက် ဖောက်စင် (ဝပ်ခြင်း) တစ်ခုလုံးကို စောင်ပါးဖြင့်လွှမ်းခြုံပေးထားပါ။ ဘဲဥကို setting ပြုလုပ်သည့်အဆင့်ဖြစ်သည်။

ဘဲဥများကို တစ်နေ့သုံးကြိမ် လှည့်ပေးပါ။ ရာသီဥတုအေးသောအခါ စပါးခွံထုပ်များကို ပြန်၍ လှော်ပေးပါ။

အဆင့်(၅)

၅ ရက်မြောက်သောအခါ ဘဲဥများကို မျိုးအောင်မအောင်စစ်ဆေးပြီး မျိုးမအောင်သော ဘဲဥများကို ပယ်ရမည်။

မျိုးအောင်ဥများကို အောက်ဆုံးအထပ်တွင်ထားကာ အပေါ်တွင်ချွေးထုတ်ပြီး ဘဲဥအသစ်ကို ထည့်သွင်းပါ။

သန္ဓေရက် ရင့်လာသောအခါတွင် စပါးခွန်လှော်ထည့်ရန် မလိုတော့ဘဲ သန္ဓေဥများကထုတ်သော အပူဓာတ်ဖြင့် လုံလောက်ပါသည်။

ဘဲဥဖောက်ကျင်းထဲ၌ သန္ဓေရက် ၁၈ ရက်ရလာသောအခါ သန္ဓေလောင်းဘဲဥများကို ပေါက်စင်ပေါ်၌ စီထည့်ထားပြီး စောင်ပါးဖြင့် လွှားတင်ထားရမည်။ ပေါက်စင်ပေါ်၌ ၁၀ ရက်ကြာသည့်အခါ ဘဲကလေးများ ပေါက်လာပါသည်။

ဓာတ်ဘဲဖောက်ရာတွင် လိုအပ်သည့်အပူချိန်၊ လေထု၊ ရေငွေ့ပါဝင်မှု လိုအပ်ချက်များတို့ကို ဓာတ်ဆရာများမှ ၎င်းတို့၏ အတွေ့အကြုံဖြင့် လိုအပ်သလို ပြင်ဆင်သွားကြပါသည်။

အတွေ့အကြုံရင့်ပြီး စနစ်တကျဆောင်ရွက်သည့် ဓာတ်ဆရာများအနေဖြင့် ဘဲဥပေါက်နှုန်း ၇၅% ပေါက်ပြီး ၅ ရက် တစ်ကြိမ် ဘဲကလေးများဖောက်နိုင်ပါသည်။

FSWG မှထုတ်ဝေသော 'တစ်ပိုင်တစ်နိုင်ဘဲမွေးမြူနည်း 'စာအုပ်မှကောက်နုတ်ဖော်ပြခြင်းဖြစ်ပါသည်။

စာအုပ်ကို ဝယ်ယူလိုပါက အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...