ကြက်ဥ၊ ဘဲဥဈေးအကျဘက်ရောက်လာသော်လည်း ငုံးဥဈေးနှုန်း ၂၀၀ ဝန်းကျင်ထိ ဖြစ်လာ

ပြည်တွင်း အသားငါးဈေးကွက်တွင် ကြက်ဥနှင့် ဘဲဥဈေးနှုန်းများမှာ အကျဘက်သို့ ရောက်ရှိလာသော်လည်း ငုံးဥဈေးနှုန်းမှာမူ မြင့်တက်နေဆဲဖြစ်ကြောင်း သိရသည်။

ယခင်က ကြက်ဥတစ်လုံးလျှင် ၅၅၀ ကျပ်အထိ ဈေးပေးဝယ်ယူခဲ့ရသော်လည်း လက်ရှိတွင် ကြက်ဥတစ်လုံးလျှင် ၄၀၀ ကျပ်မှ ၅၀၀ ကျပ်အတွင်းသာ ဈေးနှုန်းရှိတော့သည်။ အလားတူ ဘဲဥဈေးနှုန်းမှာလည်း လက်ရှိတွင် တစ်လုံးလျှင် ၅၀၀ ကျပ်မှ ၅၅၀ ကျပ်အတွင်းသာ ရှိပြီးယခင်က ဘဲဥတစ်လုံးလျှင် အနည်းဆုံး ၆၀၀ ကျပ်အထိ ရှိခဲ့ခြင်းဖြစ်သည်။

"ကြက်ဥရော ဘဲဥရော ဈေးကျပါတယ်။ ကြက်ဥတစ်လုံးကို ၄၅၀ ကျပ်နဲ့ ရောင်းပါတယ်။ ဒါက လက်လီဈေးပါ။ ဘဲဥကတော့ ၅၅၀ ကျပ်ပါ။ ၄၅၀ တန် ကြက်ဥကတော့ အရွယ်အစား နည်းနည်းသေးတာပေါ့" ဟု ကြက်ဥ၊ ဘဲဥ ရောင်းချသူတစ်ဦးက ပြောကြားသည်။

ငုံးဥဈေးနှုန်းမှာမူ အလုံးအရွယ်အစားအပေါ် မူတည်၍ တစ်လုံးလျှင် ၁၀၀ ကျပ်ကျော်မှ ၂၀၀ ကျပ်ဝန်းကျင်အထိ ဈေးနှုန်းအသီးသီး ရှိနေကြောင်း သိရသည်။

ပြည်တွင်းစားသုံးမှု ဈေးကွက်တွင် ကြက်ဥမှာ တစ်နိုင်ငံလုံး အတိုင်းအတာဖြင့် လူတန်းစားမရွေး ဝယ်ယူစားသုံးမှု အများဆုံးဖြစ်ပြီး ဘဲဥမှာ ဝယ်လိုအား အနည်းငယ် နည်းပါးကြောင်း သိရသည်။ အလားတူ ငုံးဥမှာလည်း စားသောက်ဆိုင်များနှင့် စားသုံးသူအချို့သာ ဝယ်ယူမှု ရှိကြသည်။

"ငုံးဥနဲ့ ဘဲဥက ရောင်းအား နည်းပါတယ်။ ကြက်ဥကတော့ လက်လီရော လက်ကားပါ ရောင်းရတယ်။ သူ့အရွယ်အစားအလိုက် ဈေးနှုန်းကတော့ ကွဲပြားပါတယ်။ ဒါပေမဲ့ အရင်ကထက်စာရင်တော့ ဈေးကျသွားတာပါ" ဟု ကြက်ဥ၊ ဘဲဥနှင့် ငုံးဥ လက်လီလက်ကား ရောင်းချသူတစ်ဦးက ဆိုသည်။

လက်ရှိတွင် မကွေးတိုင်း၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်းနှင့် မန္တလေးတိုင်းစသည့် ဒေသအချို့၌ ဥစားကြက် မွေးမြူရေးဇုန်များကို ဖော်ဆောင်ထားပြီး ဒေသတွင်း စားနပ်ရိက္ခာ ဖူလုံစေရန်အတွက် ဇုန်တိုးချဲ့မှုများ ပြုလုပ်ရန် တာဝန်ရှိသူများက စီစဉ်လျက်ရှိသည်။ ဥစားဘဲ မွေးမြူရေးနှင့် ငုံးမွေးမြူရေး လုပ်ကိုင်သူများမှာမူ လတ်တလောတွင် နည်းပါးနေသေးသည့် အခြေအနေရှိကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more