တိုင်းရင်းငါးရံ့ မွေးမြူရေး

Kingdom. Animalia

Phylum. Chordata

Class. Teleostei

Order. Perciformes

Family. Channidae

Genus. Channa

တိုင်းရင်း.ငါးရံ့မျိုးစိတ်များ မြောက်များစွာရှိသည့်အနက် မြန်မာနိုင်ငံတွင် ငါးရံ့ ( ၅ ) မျိုးရှိပါသည်။

၁။ ငါးရံ့အောက်

၂။ ငါးရံ့ဒိုင်

၃။ ငါးအုံးမတ်

၄။ ငါးရံ့ပနော်

၅။ ငါးရံ့ခေါင်းတို တို့ဖြစ်ကြပါတယ်။

ငါးရံ့အောက်အမျိုးအစားမှာ ကြီးထွားနှုန်းကောင်းမွန်သဖြင့် ရွေးချယ်မွေးမြူသင့်ပါသည်။

မွေးမြူသင့်သည့် မြေနေရာမှာ တစ်နှစ်ပတ်လုံး ရေနေနိုင်သည့်မြေဖြစ်၍ ရေကိုကောင်းစွာထိန်းသိမ်းနိုင်သည့် ရွံ့စေးမြေ၊ ရွံ့နှုန်းမြေဖြစ်ရပါမည်။ ဒေသတွင်း ငါးရံ့သားပေါက်များ အလွယ်တကူရနိုင်သည့်နေရာ ဖြစ်ရပါမည်။

ကန်တူးဖေါ်ခြင်း

တစ်နိုင်တစ်ပိုင်ကန်များ၌ မွေးမြူနိုင်သကဲ့သို့ စီးပွါးဖြစ်မွေးမြူလိုပါက တစ်ဧကကန်များထိ မွေးမြူနိုင်ပါသည်။ ရေအနက် ၃ ပေ မှ ၄ ပေခန့်အထိ တူးဖေါ်ရမည်။ ရေကို အမြဲထိန်းထားရမည်။ မိုးများသည့်အခါ ကန်ရေလျှံခြင်းမှ ကာကွယ်ရန် ကန်ဘောင်ထိပ်မှ ရေလျှံပေါက် ထားပေးရမည်။ ကန်ဘောင်ဘေးပတ်လည်တွင် အရိပ်ရငှက်ပျောပင်များ စိုက်ပေးရမည်။ Blue Net ပိုက်ပြာ ကာရံထားရမည်။

ကန်အခြောက်ခံခြင်း

ကန်အခြောက်ခံသည့်အခါတွင် ကန်အောက်ခြေမြေကြီး ပက်ကြားအက်ကွဲသည်အထိ အခြောက်ခံရမည်။

ထုံးထည့်ခြင်း

ဖေါက်ထုံး Ca ( OH )2 ထည့်ရမည်။ ကန်ဘောင်အပေါ်ပတ်လည်တွင်လည်း ပက်ဖျန်းပေးရမည် ။

ရေသြဇာတက်ရန်ဆောင်ရွက်ခြင်း

သားပေါက်များကို ပြုစုနေစဉ်ကာလအတွင်း ယူရီးယားနှင့် တီစူပါတို့ကို ထည့်ပေးရမည်။ နွားချေး၊ ကြက်ချေးထည့်ပေးခြင်းဖြင့်လည်း ရေသြဇာဓါတ်ကြွေဝစေပါသည်။ ရေအရောင်စိမ်းလာပါက ငါးရံ့သားပေါက်များကို ထည့်နိုင်ပါပြီ။ ငါးသားပေါက်နားခိုရန် အရိပ်ရအပင်အနည်းငယ် ထည့်ပေးနိုင်ပါသည်။ ငါးရံ့သားပေါက်ကို တစ်ဧက ၈၀၀၀ မှ ၁၀၀၀၀ နှုန်းဖြင့် ထည့်သွင်းမွေးမြူနိုင်ပါသည်။ သားပေါက်များအရွယ်အစားညီပါက အဖတ်တင်နှုန်းကောင်းမွန်ပြီး ကြီးထွားနှုန်းကောင်းပါသည်။

အစာကျွေးခြင်း

ငါးရံ့များသည် အသားစားသတ္တဝါ (Carnivorous ) ငါးမျိုးဖြစ်၍ ကြီးထွားနှုန်းပိုမိုကောင်းမွန်စေသည်။ ယင်းကြောင့် အသားဓါတ် ၂၅ % ၃၅ % အထိပါဝင်သောအစာကိုကျွေးသင့်ပါသည်။ ဖွဲနု ၃၀% ငါးကြေမှုန့် ၄၀% ပဲဖတ်၃၀ % စပ်၍လည်း ကျွေးနိုင်ပါသည်။ယခုအခါ အစာတောင့်များလည်း ထွက်ပေါ်ရောင်းချလာပြီး ဝယ်ယူကျွေးနိုင်ပါသည်။ မွေးမြူကာလ ၆ လမှ ၈ လအကြာတွင် ၄၀ ကျပ်သားမှ ၆၀ ကျပ်သားထိ ကြီးထွားနိုင်ပါသည်။ တခြားငါးများနှင့် တွဲဖက်ရောနှောမွေးမြူရန် မသင့်တော်ပါ။

သားပေါက်များ စုဆောင်းနိုင်သည့် နည်းလမ်းများ

ငါးရံ့သားပေါက်များကို သဘာဝအတိုင်း သားဖေါက်ခြင်းကို ဆောင်ရွက်နိုင်ပြီး သားဖေါက်ရာတွင် ပေ၂၀ ပတ်လည်ခန့် ကန်ငယ်ထဲတွင် တစ်နှစ်သားအထက်ကို ငါးရံ့အထီးအမ ကိုထည့်ကာ မျိုးဖေါက်သည်။ ငါးရံ့သည် အသိုက်ပြုလုပ်ဥအုတတ်သည့်အတွက် အပင်အခက်များထည့်ထားရန် လိုအပ်ပါသည်။ အသိုက်အဖွဲ့ ဥအုချပြီး တစ်ပတ်ခန့်အကြာ သားပေါက်နိုင်သည်။ သားပေါက်များကို ၂ လက်မ ၃ လက်မ ရရှိက ပိုမိုကောင်းမွန်ပါသည်။ ယခုအခါ ဆေးထိုးသားပေါက်နည်းဖြင့် အောင်မြင်နေပြီပြဖြစ်ကြောင်း ကြားသိရပါသည်။

ငါးရံ့မျိုးငါးအမများသည် မေလမှ စက်တင်ဘာလအတွင်း အသိုက်အအုံပြုလုပ်ကာ ဥအုချတတ်ကြသည်။ သားပေါက်များ ငါးမှုန်အဆင့်မှ ငါးသန်ဖြစ်သည်အထိ အနီရောင်ရှိကာ အုပ်စုလိုက် ကူးခတ်သွားလာနေတတ်ကြသည်။ ငါးအမသည် ငါးသားပေါက်အုပ်စုလိုက် ကူးခတ်သွားနေစဉ် ရေအောက်မှ လိုက်ပါလျှက်ရှိတတ်သည်။ အဆိုပါသားပေါက်များကို နိုင်လွန်ဇာပြာ ခြင်ထောင်စ ဒိုင်းကွင်းတို့ဖြင့် အလွယ်တကူ ဖမ်းယူစုဆောင်းပြီး အသားတိုးကန်ထဲ ထည့်သွင်းမွေးမြူနိုင်ပါသည်။

ငါးရံ့ငါးများအား မြန်မာလူမျိုးများသည် နှစ်ခြိုက်စွာစားသုံးလေ့ရှိကြသည်။ ငါးရံ့သည် တခြားငါးများထက် အကြမ်းခံနိုင်ခြင်း၊ ရောဂါဒဏ်ခံနိုင်ခြင်း၊ ရေနောက်ကျိမှုလည်းခံနိုင်ပြီး စျေးကွက်ကောင်းမွန်ကြောင်း ဖေါ်ပြအပ်ပါသည်။

Source - AQUADAPT-Myanmar

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...