ရှားစောင်းလက်ပတ် သဘာဝမြေဩဇာ

     ဒီနေ့ကတော့ လွယ်ကူသလောက်ထိရောက်တဲ့ ရှားစောင်းလက်ပတ် သဘာဝမြေဩဇာပြုလုပ်နည်းကို ပြောပြပေးမှာဖြစ်ပါတယ်။ အဓိကကုန်ကြမ်းပစ္စည်းကလဲ ရှာရလွယ်တဲ့ရှားစောင်းလက်ပတ်မလို့ အဆင်ပြေမယ်လို့မျှော်လင့်ပါတယ်။ နောက်ပြီး အပင်တိုင်းအတွက် အသုံးပြုလို့ရတဲ့ သဘာဝမြေဩဇာဖြစ်လို့ ပိုပြီးအဆင်ပြေတာပေါ့။ 

     ရှားစောင်းလက်ပတ်မှာဆိုရင်လည်း အပင်တွေမှာလိုအပ်တဲ့ ပိုတက်စီယမ်(Potassium)၊ ကယ်လဆီယမ်(Calcium)၊ မဂ္ဂနီဆီယမ်(Magnesium)၊ ကော့ပါး(Copper)၊ ဇင့်(Zinc)၊ ဆယ်လီနီယမ်(Selenium)နဲ့ ဗီတာမင်A, C, E, B12, B2, B6တို့ပါဝင်ပါတယ်။

သဘာဝမြေသြဇာလုပ်ဖို့အတွက် ပါဝင်ပစ္စည်းများ

     - ရှားစောင်းလက်ပတ်- တစ်ပင်(သို့) အရွက်ကြီးရင် ၂ ရွက် ၃ရွက် 

     - ရေ- ၁.၅ လီတာ 

     - ရေကိုအတိအကျကြီးချိန်နေစရာမလိုပါဘူးနော် ခန့်မှန်းချေလေးဆိုရင်ရပါတယ်။ ပမာဏများများလုပ်မယ်ဆိုရင် ဒီအချိုးလေးအတိုင်းပဲတိုးပြီးလုပ်ပေးနော်။

ပြုလုပ်နည်း 

     - ရှားစောင်းလက်ပတ်ကို အတုံးလေးတွေ ပြုလုပ်ပေးပါ။ 

     - ပြီးနောက် ပုံးထဲထည့်ပြီး ရေထည့်ပါ။ 

     - အဖုံးအုပ်ပြီး (၅)ရက်ခန့်ထားပေးပါ။

     - (၅)ရက်ပြည့်ပြီးရင် အသုံးပြုလို့ရပါပီ။

     - အရည်သီးသန့်စစ်စရာမလိုပါဘူးနော်။ မွှေပြီးအသုံးပြုပေးပါ။

     အိုးနဲ့စိုက်ထားတဲ့အပင်ဆိုရင် ကော်ဖီခွက်တစ်ခွက်စာလောက်ဆိုရပါပြီ။ စိုက်ခင်းဆိုရင်လဲ သင့်တော်သလိုအသုံးပြုပေးလို့ရပါတယ်။ (၁၅)ရက်တစ်ကြိမ် အသုံးပြုပေးရင်လုံလောက်ပါပြီ။ အားလုံးပဲ အဆင်ပြေကြပါစေရှင်။

Ref: https://www.youtube.com/watch?v=3vNV6Sv_iCQ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်