ရုံးပတီသီး မချွဲအောင်ကြော်နည်း

အပူပိုင်းဒေသတွေနဲ့ သမပိုင်းရာသီဥတုတွေမှာ ကောင်းစွာရှင်သန်ကြီးထွားကြတဲ့ ရုံးပတီသီးဟာဆိုရင် ကျွန်မတို့မြန်မာနိုင်ငံအပါအဝင် အိန္ဒိယနိုင်ငံမှာလည်း နှစ်ခြိုက်စွာ စားသုံးနေကြတဲ့ အသီးပဲ ဖြစ်ပါတယ်။ 

ရုံးပတီသီး ၁၀၀ ဂရမ် (၆ ကျပ်သားကျော်ခန့်) မှာ ဆိုရင် ကာဘိုဟိုက်ဒြိတ် ၇.၀၃ ဂရမ်၊ ပရိုတိန်း ၂ ဂရမ်၊ အဆီ ၀.၁ ဂရမ်နဲ့ အမျှင်ဓာတ် ၉% တောင်ပါဝင်ပါတယ်။ 

ဒါ့အပြင် ဖောလစ်၊ နိုက်ယာစင်၊ ဗီတာမင်စီ၊ အီး၊ ကေတို့သာမကဘဲ ကယ်လ်စီယမ်၊ ကော့ပါး၊ အိုင်းယွန်း၊ မဂ္ဂနီဆီယမ်၊ ဖော့စဖောရပ်နဲ့ ဇင့်တို့ ကြွယ်ဝစွာ ပါဝင်ပါတယ်။ 

ဒီလိုမျိုးလူသားတွေကို ကောင်းကျိုးပြုတဲ့ ဓာတ်တွေများစွာ ပါဝင်တာကြောင့် ..

(၁) နှလုံးကျန်းမာရေးကို ကောင်းမွန်အောင်ထောက်ပံ့ပေးခြင်း

(၂) သွေးတွင်းသကြားဓာတ်ကို ထိန်းညှိပေးခြင်း

(၃) ကင်ဆာရောဂါကို တိုက်ထုတ်ပေးခြင်း

(၄) ကိုယ်ခံအား ကောင်းမွန်စေခြင်း

(၅) သွေးအားနည်းခြင်းကို ကာကွယ်ပေးခြင်း

(၆) ဝိတ်ကျဖို့အတွက်ကူညီပေးခြင်း

(၇) အူမကြီးကင်ဆာမဖြစ်အောင် ကူညီပေးခြင်း

(၈) ကိုယ်ဝန်ဆောင်ချိန်ကာလအတွင်း ကလေးအာရုံကြော ကြီးထွားဖွံ့ဖြိုးစေဖို့အတွက် ကူညီပေးနိုင်ခြင်းစတဲ့ အကျိုးကျေးဇူးတွေအများကြီးကို ရုံးပတီသီးကို ကြော်စား၊ ချက်စား၊ ပြုတ်ပြီး တို့စားခြင်း စတာတွေကနေ ရရှိနိုင်ပါတယ်။

သို့ပေမယ့်လည်း မကြိုက်တဲ့သူက မကြိုက်ကြဘူး။ 

ဘာလို့မကြိုက်တာလဲမေးကြည့်တော့ ချွဲလို့တဲ့...

ဟုတ်တော့လည်း ဟုတ်တယ်ရှင့်.. ရုံးပတီသီးကလည်း အတော်ချွဲ....

မချွဲအောင် ကြော်လို့ရမလားဆိုပြီး နည်းလမ်းရှာကြည့်တော့ နည်းလမ်းလေးတစ်ခု တွေ့တယ်။ အဲ့ဒီတော့ တကယ်ဟုတ်မဟုတ် ကိုယ်တိုင်ကြော်ကြည့်တော့ တကယ်လည်း မချွဲတော့တာမို့ ရုံးပတီသီးလည်းစားချင်၊ ချွဲတာလည်းမကြိုက် ဆိုသူတွေ အတွက် နည်းလမ်းလေးကို ဖော်ပြပေးလိုက်ပါရစေရှင့်..။

နည်းလမ်းလေးကတော့ လွယ်လွယ်ရှင်းရှင်းလေးပါပဲ။

ရုံးပတီသီးကို ပုံမှန် အတိုင်းလှီးဖြတ်ကြော်ပြီး အိုးချခါနီးမှာ သံပရာသီး တစ်ခြမ်းလောက် ညှစ်ထည့်လိုက်တာပါ။ 

တကယ်လက်တွေ့ပါ အချွဲလုံးဝမရှိတော့ဘူး။

ဒါပေမဲ့ အချဉ်ထည့်လိုက်တဲ့အတွက် အရသာကအနည်းငယ်တော့ချဉ်သွားတယ်။ 

သံပရာသီးထဲက အက်ဆစ်ဓာတ်နဲ့ ထိလိုက်တာဖြစ်လို့ ကြာသွားတဲ့အခါ အရောင်လေး နည်းနည်းပြောင်းသွားတာမျိုးတော့ ရှိတယ်။ အချဉ်မကြိုက်သူတွေအတွက် ပုဇွန်ခြောက်မှုန့် အနည်းငယ်ထည့်ကြော်မယ်ဆိုရင်တော့ အချဉ်အရသာပေါ့သွားနိုင်ပါတယ်။

ဆိုတော့.. ဒီနည်းလမ်းလေးကချွဲလို့ ရုံးပတီသီး မစားဖြစ်တဲ့သူတွေအတွက် အဆင်ပြေစေမယ်လို့ထင်ပါတယ်။

ကဲ.........ဒါဆို ရုံးပတီသီးလေးတွေကို မချွဲအောင်ကြော်စားပြီး ရုံးပတီက ပေးတဲ့ကျန်းမာရေး လက်ဆောင်တွေ ရယူလိုက်ကြရအောင်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

Facebook စာမျက်နှာသို့သွားရန်