ကြက်ဆင်အသားဈေးကွက် နည်းပါးသော်လည်း အလှမွေးဈေးကွက် ပုံမှန်လည်ပတ်နေ

    ကြက်ဆင်အသားဈေးကွက် နည်းပါးသော်လည်း အလှမွေးဈေးကွက် ပုံမှန်လည်ပတ်နေကြောင်း ကြက်ဆင်မွေးမြူရောင်းချသူများထံမှ သိရသည်။

    မြန်မာနိုင်ငံတွင် ကြက်ဆင်သား/ကြက်ဆင်ဥကိုစားသုံးသည့်ဓလေ့ အလွန်ရှားပါးပြီး၊ ကျေးဇူးတော်နေ့နှင့် ခရစ္စမတ်နေ့ စသည့်နေ့ထူးနေ့မြတ်တချို့တွင်သာ စားသုံးလေ့ရှိကြသည့်အတွက် အသားဈေးကွက်မှာ အားနည်းနေသေးခြင်း ဖြစ်သည်။

ကြက်ဆင် အသားဈေးကွက်ကတော့ သိပ်မကောင်းဘူး။ ပွဲတော်ရက်တွေလောက်ပဲ ရောင်းရတယ်။ အလှမွေးဈေးကွက်ကတော့ သူ့ဟာလေးနဲ့သူ ရောင်းနေရပါတယ်။ သားပေါက်လေးတွေကို အလှမွေးဖို့ ဝယ်ကြတာများတယ်။ အမ လေးငါးကောင်နဲ့ အထီးတစ်ကောင်နဲ့ ထားပြီးတော့ သားပေါက်လေးတွေပေါက်တဲ့အခါ အလှမွေးချင်သူတွေကို ပြန်ရောင်းချကြတယ်။ မွေးမြူရတာ လွယ်ကူပြီး တွက်ခြေကိုက်ပါတယ်။ ကျွေးတာက စီပီအစာ (မွေးမြူရေးအစာ)နဲ့ အစာကြမ်း ကျွေးတယ်။ ကြက်ဆင်က နေဗီယာမြက်လည်း တအားကြိုက်တယ်။ ခြင်မကိုက်အောင် ဇာလေးတွေ ကာပေးထားတာတို့ဘာတို့ လုပ်ပေးနိုင်ရင် အဆင်ပြေပါတယ်။

ဟု နေပြည်တော်မှ ကြက်ဆင်သားပေါက် မွေးမြူရောင်းချသူ ကိုမောင်က ပြောသည်။

    တစ်လသားအရွယ် ကြက်ဆင်သားပေါက်တစ်ကောင်လျှင် (၆၅၀၀)၊ (၇၀၀၀)ကျပ်၊ (၂)လသားအရွယ် ကြက်ဆင်သားပေါက် တစ်ကောင်လျှင် ကျပ် (၁၀၀၀၀) ဝန်းကျင် ပေါက်ဈေးရှိကြောင်း သိရသည်။

ကြက်ဆင်က နှစ်လသားလောက်အရွယ်မှာဆိုရင် အထီးအမက မကွဲသေးဘူး။ သုံးလကျော်ပြီဆို အထီးအမကွဲတယ်။ အလှမွေးကို ဦးစားပေးရောင်းချတဲ့အခါ ကြက်ဆင်ရဲ့အရောင်ပေါ်မူတည်ပြီး ဈေးကကွာသွားတယ်။ အညိုရောင် (ချောကလက်ရောင်) ဆိုရင် အခုတလောမှာ ဈေးကောင်းရနေတယ်။ အလှမွေးတဲ့သူတွေက ဒီအညိုရောင်ကြက်ဆင်ကို လှလို့ သဘောကျကြတယ်။ ကျန်တဲ့ အဖြူတို့ အမဲတို့ကတော့ ဈေးသိပ်မကွာဘူး။ ပုံမှန်ဈေးလောက်ပါပဲ။ အပြာရောင် တစ်မျိုးဆိုရင် တအားဈေးမြင့်တယ်၊ ရှားပါးတယ်၊ ကျွန်တော့်ခြံမှာတောင် မရှိသေးဘူး။ အလှမွေးတဲ့အရွယ်မဟုတ်တော့ဘဲ အသားဈေးကွက်အတွက််ဆိုရင်တော့ ကောင်ပြတ်ကို အလေးချိန်နဲ့ချိန်ရောင်းကြပါတယ်။

ဟု ကိုမောင်က ဆက်လက်ပြောသည်။

    ကြက်ဆင်အမများသည် သက်တမ်း (၈) လဝန်းကျင်တွင် ဥစတင်ဥကြပြီး၊ အသားဈေးကွက်သွင်းမည်ဆိုပါကလည်း ထိုသက်တမ်းအရွယ်တွင် စတင်သွင်းနိုင်ကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်