ဇန်နဝါရီလမှမတ်လအထိ သားဖောက်ရန်အကောင်းဆုံးငါးတစ်မျိုးဖြစ်သော ရွှေဝါငါးကြင်းငါး

ရွှေဝါငါးကြင်းငါးကို သားဖောက်မည်ဆိုပါက ဇန်နဝါရီလမှ မတ်လအထိနှင့် ဇွန်လမှ သြဂုတ်လများသည် သားဖောက်ရန် အကောင်းဆုံးလများ ဖြစ်ကြပါသည်။

အရွယ်ရောက်ခြင်း

ရွှေဝါငါးကြင်းငါးသည် ၁နှစ်သားတွင် အရွယ်ရောက်သည်။ အလေးချိန် (၀.၅-၁) ကီလိုဂရမ် (၃၀-၆၀ ကျပ်သား) ရှိသော အမများသည် ဥချသားဖောက်မှု အကောင်းဆုံး ဖြစ်ပါသည်။ အထီးများသည် အမများထက်စော၍ မျိုးပွားအင်္ဂါရင့်ကျက်ကာ ပိုမိုသန်မာသဖြင့် အရွယ်ငယ်သော အထီးများကိုလည်း ရွေးချယ်သားဖောက်နိုင်ပါသည်။

သားဖောက်ခြင်း

ရွှေဝါငါးကြင်းငါးကို သဘာဝနည်းဖြင့် သားဖောက်ယူနိုင်ပါသည်။ မြေကန်၊ ကွန်ကရစ်ကန်နှင့် ပိုက်လှောင်အိမ်(Hapa)များ အသုံးပြုနိုင်ပါသည်။ အမ ၁ကောင်လျှင် အထီး ၂ကောင် နှုန်း အချိုးဖြင့် ထည့်သွင်းသားဖောက်နိုင်ပါသည်။

မျိုးပွားနှုန်းကောင်းသော ငါးများရွေးချယ်ရာတွင်-

(က) အရွယ်ရောက်သော အထီးများ၌ အပေါ်နှုတ်ခမ်းတစ်ဝိုက်တွင် အဖုငယ်များကို တွေ့ရပါသည်။ ရင်ဘက်ပိုင်းရေယပ်တောင်၏ အတွင်းပိုင်းသည် ကြမ်းတမ်းနေတတ်ပါသည်။ ဝမ်းဗိုက်မှ စအိုသို့ ဖြည်းညှင်းစွာ ညှစ်ကြည့်ပါက နို့နှစ်ရောင် မပြစ်မကျဲမျိုးရည်များ ထွက်လာသည်ကို တွေ့ရပါမည်။

(ခ) ပုံသဏ္ဍန်အားဖြင့် မျိုးငါးများသည် ဝမ်းဗိုက်ပျော့ပျောင်း၍ ပြန့်ကားနေရမည်။ အမြီးအရင်းပိုင်း ကျယ်ပြန့်၍ လွယ်ကူစွာ ကွေးနိုင်၊ ဆန့်နိုင်ရပါမည်။ ဦးခေါင်းပိုင်းသေးငယ်၍ ချွန်နေရပါမည်။ မျိုးပွားအင်္ဂါပေါက်သည် အမြီးရင်းနှင့် နီးကပ်စွာ တည်ရှိရပါမည်။

သားဖောက်ကန် အရွယ်အစား

မြေကန် -၆ပေ x ၄ပေ x ၄ပေ (တစ်ပိုင်တစ်နိုင်)

-၅၀ ပေ x ၂၅ ပေ x ၄ ပေ (တစ်ပိုင်တစ်နိုင်)

ကွန်ကရိကန် -၃၀ ပေ x ၂၇ ပေ x ၃ ပေ

ပိုက်လှောင်အိမ်(Hapa) - ၆ ပေ x ၃ ပေ x ၃ ပေ တို့ရှိရပါမည်။

ရွှေဝါငါးကြင်းဥများသည် စေးကပ်သောသဘာဝရှိသဖြင့် ဥများတွယ်ကပ်စေရန် အောက်ပါနည်းများပြုလုပ်၍ သားဖောက်နိုင်ပါသည်။

၁။ ကန်၏အလယ်တွင် မိတ်လိုက်ဥချနိုင်ရန် ဝါး၄လုံး ဘောင်ခတ်၍ အမြစ်ရှည်သော ဗေဒါပင်အား ရေဆေး၍ ထည့်ပေးရပါမည်။

၂။ ပင်လယ်ကဗွီး၊ ရေဆလတ် စသည့် ရေနေအပင်များအား ဆေးကြော၍လည်း အသုံးပြုနိုင်ပါသည်။

၃။ မြေကန်ဖြစ်ပါက မြေသားမာစေရန် ၅ရက်ခန့် နေပူလှန်းခြင်း၊ အသားစားငါးနှင့် အပင်များရှင်းလင်းခြင်း၊ ထုံးဖြူး ခြင်းများ ပြုလုပ်ရပါမည်။

၄။ မျိုးငါးတစ်စုံလျှင် အထီး၂ကောင်၊အမ ၁ကောင်နှုန်းဖြင့် တစ်ပြိုင်နက် ထည့်သွင်းသားဖောက်နိုင်ပါသည်။ ညနေပိုင်းတွင် ရေဖြန်းပေးပြီး နံနက်ပိုင်း၌ ဥများတွယ်ကပ်နေသော အသိုက်များကို သားဖောက်ပြုစုကန်သို့ ပြောင်းရွှေ့သားဖောက်ပေးနိုင်ပါသည်။

၅။ အချို့သော မွေးမြူရေးသမားများသည် ဥများအား ရွှေ့ပြောင်းခြင်း မပြုတော့ဘဲ ၄င်းကန်မှာပင် ငါးမှုန်များအား ဆက်လက်ပြုစုလေ့ရှိပါသည်။ ရာသီဥတုကိုလိုက်၍ ဥမှ ငါးမှုန်များ ၂ရက် မှ ၃ရက် အကြာတွင် ရေအပူချိန် ၂၀ ဒီဂရီဆဲလ်စီးယပ်စ် မှ ၂၅ ဒီဂရီဆဲလ်စီးယပ်စ် အတွင်း ပေါက်ဖွားလာနိုင်ပါသည်။

ငါးမှုန်ပြုစုခြင်း

၁။ ငါးမှုန်ပြုစုကန်အနေဖြင့် ၁ဧက အကျယ်ရှိ ကန်အတွက် မြေအမျိုးအစားကိုလိုက်၍ ထုံး (၆၀-၃၀၀) ပိဿာ ထည့်သွင်းပြီး သြဇာဓာတ်အဖြစ် နွားချေး၊ ကြက်ချေး တစ်ဧကလျှင် ၁၅ဝ တင်းနှုန်း ထည့်သွင်းပြီး သန့်ရှင်းသောရေကို နိုင်လွန်ဇာဖြင့် စစ်၍ ၃ပေခန့် ထည့်သွင်းပေးရပါမည်။

၂။ ရေဖြည့်ပြီး ပိုးဆွဲပိုက်ဖြင့် အနည်းဆုံး ၃ကြိမ်ခန့် ရေပိုးများ ဆွဲပေးရန် လိုပါသည်။ ရေဖြည့်ပြီး ၁ပါတ်အကြာ၌ ငါးမှုန်များ စတင်ထည့်သွင်းနိုင်ပါသည်။ ငါးမှုန်များအား နံနက်စောစောပိုင်းတွင် ထည့်သွင်းရန် အကောင်းဆုံး ဖြစ်ပါသည်။

၃။ ငါးမှုန်များထည့်သွင်းပြီး ၃ရက်ကျော်ပါက ပဲဖတ်(သို့)ပဲပိစပ်ရည်ကို ကန်အနှံ့ ပက်ဖျန်းကျွေးပေးနိုင်ပါသည်။ အစာအဖြစ် ဖွဲနုကို ဇကာတိုက် (သို့) စပ်စာမှုန့် (ဖွဲနု၊ ပဲဖတ်၊ ငါးခြောက်မှုန့်) (၃း၁း၁) နှုန်းဖြင့် တစ်နေ့လျှင် (၂-၄) ကြိမ်ခန့် ခွဲ၍လည်း ကျွေးမွေးပေးနိုင်ပါသည်။

၄။ သဘာဝအစာဖြစ်သော သတ္တမျှောလှေး(Rotifer,Monia) အား ဖောက်၍ ကျွေးမွေးပေးခြင်းဖြင့်လည်း ကြီးထွားနှုန်း ပိုမိုကောင်းမွန်စေပါသည်။ ငါးမှုန်ပြုစုကာလ(၄၅)ရက်အကြာတွင် ငါးသန်အဆင့်သို့ ရောက်ရှိမည် ဖြစ်ပါသည်။

Ref; ငါးလုပ်ငန်းဦးစီးဌာန။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဇန်နဝါရီလမှမတ်လအထိ သားဖောက်ရန်အကောင်းဆုံးငါးတစ်မျိုးဖြစ်သော ရွှေဝါငါးကြင်းငါး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဇန်နဝါရီလမှမတ်လအထိ သားဖောက်ရန်အကောင်းဆုံးငါးတစ်မျိုးဖြစ်သော ရွှေဝါငါးကြင်းငါး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဂိုရာမီလေး ခေါ် ဘီလားငါး ​ဆေးထိုးသားဖောက်နည်း

တစ်ဧက ငါးဘယ်လောက်နှုန်းထည့်ရမလဲ (၁)

{{ post.title }}

ဂိုရာမီလေး ခေါ် ဘီလားငါး ဆေးထိုးသားဖောက်နည်း