နူးညံ့သောအသားနဲ့........ကသပိုးငါး

ကသပိုးငါးမှာ အသားနုသော ငါးအမျိုးအစားတွင်ပါဝင်ပြီး အရသာ နူးညံ့ကောင်းမွန်လှပါသည်။ အရောင်မှာ ငွေရောင်ဖျော့ဖျော့နှင့် အညိုရောင်သန်းနေပါသည်။ ကသပိုးငါးကို အင်္ဂလိပ်လို “Golden Tank Goby “ ခေါ် “ Golden Flated Head “ ဟု ခေါ်ဆိုကြပြီး သိပ္ပံအမည်မှာ Glossogobius aureus ဟုသိရပါသည်။ အမြင့်ဆုံးခန္ဓာကိုယ်အလျှားမှာ (25) cm ထိရှိကြသည်။

ကသပိုးငါး၏ ဦးခေါင်းပိုင်းသည် ရှည်လျှားပြီး ခန္ဓာကိုယ်၏ ၄ ပုံ ၁ ပုံ ခန့်ရှိကြသည်။ ငါးမျက်လုံးမှာ ပြူးထွက်နေတတ်သည်။ ရေချိုနှင့် ရေချိုရေငန်စပ်တွင်တွေ့ရများပြီး ရေငန်ပိုင်းတွင်လည်း တွေ့ရတတ်သည်။ ရေကြည်၊ ရေနောက် (၂) မျိုးစလုံးတွင် နေထိုင်ကျက်စားတတ်ကြသည်။

ကသပိုးငါးကို ရွှံ့နွံအောက်ခြေနှင့် သဲပြင်ပေါ်တွင် တွေ့ရလေ့ရှိပြီး အများအားဖြင့် တွင်းအောင်းနေလေ့ရှိကြသည်။

ငါးငယ်၊ ပုစွန်ငယ်နှင့် အင်းဆက်ပိုးများကို သူတို့၏အစာအဖြစ် စားသုံးကြသည်။ ကသပိုးငါးသက်တမ်းမှာ (၁ -၂) နှစ်ခန့်ထိ အသက်ရှည်ကြပါသည်။

ကရင်ပြည်နယ်၊ ဘားအံမြို့နယ်ရှိ ဂရန်အင်းများတွင် သြဂုတ်၊ စက်တင်ဘာလများ၌ ကသပိုးငါးများ ယင်းတားဆည်နှင့် မြင်းဝန်ဆည်များတွင် အထိအမိများကြပါသည်။ ဒေသခံများမှာ ကသပိုးငါးကို ကြော်စား၊ အချဥ်ဆီပြန်၊ အစပ်ချက်၊ အချိုပဲဆီပေါင်း၊ အိုးကပ်ဟင်း၊ ကသပိုးထမင်းချဥ် စသဖြင့် ပြုလုပ်စားသုံးကြပါသည်။

ကသပိုးငါးမှာ အသားနူးညံ့၍ အရသာကောင်းမွန်သော ငါးတစ်မျိုးဖြစ်တာကြောင့် သားကြီး၊ ငါးကြီး မကြိုက်သောသူများအနေဖြင့် ကသပိုးငါးကိုစားသုံးဖို့ သင့်တော်လှပေသည်။

ကသပိုးဟင်းလျာများတွင်မှ လူကြိုက်များသည့် ကသပိုးအစပ်ဟင်းချက်နည်းကို ပြောပြပေးပါမည်။

ကသပိုးအစပ်ဟင်းချက်ရာတွင်

ကသပိုးငါး၊ သံပုရာသီး၊ ကြက်သွန်ဖြု/ နီ ၊ ဂျင်း၊ ငရုတ်သီးအစိမ်းမှုန့်၊ ဆီ၊ ဆား၊ ဟင်းခပ်မှုန့်၊ နနွင်းတို့ လိုအပ်ပါသည်။

ချက်နည်းမှာ-

၁။ ကသပိုးငါးကို အကြေးခွံချွတ်၊ အညစ်အကြေးဆေးကြောသန့်စင်ပြီး ဆား၊ နနွင်း၊ ဟင်းခပ်မှုန့်၊ သံပုရာသီးအရည်ညှစ်ထည့်ပြီး ရောနယ်ကာ မိနစ် (၃၀) ခန့်နှပ်ထားရပါမည်။

၂။ ထို့နောက် မီးဖိုပေါ် ဒယ်အိုးတင်ပြီး ကြက်သွန်ဖြူ/ နီ၊ ချင်းထောင်းထားတာနှင့် ငရုတ်သီးအစိမ်းမှုန့်တို့ကိုထည့်ကာ ဆီသတ်ရပါမည်။

၃။ ဆီသတ်ပြီးပါက နှပ်ထားသောငါးလေးတွေကို စီထည့်ပြီး လုံးဝမမွှေဘဲ အိုးလှုပ်လှုပ်ပြီး ချက်ရပါမည်။

၄။ (၅) မိနစ်ခန့်ကြာပါက ရေနွေးအနည်းငယ်ထည့်ပြီး မီးအေးအေးနှင့် ဆီပြန်အောင်တည်ပြီးပါက စားလို့ရပါပြီ။

ထူးခြားချက်မှာ -

- ကသပိုးငါးကို သံပုရာသီးနှင့် နှပ်ထားတာကြောင့်ရော၊ အိုးလှုပ်ချက်တာကြောင့်ပါ ငါးလေးတွေ မကြေဘဲ အကောင်မပျက် မာမာတင်းတင်းလေးဖြစ်နေပါသည်။

- အသားနုတဲ့ ငါးအမျိုးအစားလေးတွေကို သံပုရာသီးနှင့်အရင်နှပ်ပြီးချက်ပါက ငါးလေးတွေ မာတင်းပြီး မကြေတော့သလို အနံ့လည်း ပိုမွှေးစေပါသည်။

ပင်လယ်ပြာ (ငါးဦးစီး)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Facebook page သို့သွားရန်

ဆွေးနွေးချက်များ

ဆွေးနွေးရန်

နူးညံ့သောအသားနဲ့........ကသပိုးငါး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

နူးညံ့သောအသားနဲ့........ကသပိုးငါး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ရခိုင်ပြည်နယ် ရေချို ငါးဖမ်းလုပ်ငန်း ဥပဒေနှင့် ရေလုပ်သားများ၏လူမှုဘဝ

ပင်းတယမြို့က ပျားမွေးမြူရေးအကြောင်း

နည်းစနစ်သစ်များဖြင့် ကျေးလက်ဒေသ မွေးမြူရေး တိုးတက်ကောင်းမွန်လာခြင်း

{{ post.title }}