ဆေးဘက်ဝင် မုန်ညင်းဖြူ

မြန်မာအမည် - မုန်ညင်းဖြူ

အင်္ဂလိပ်အမည် - Chinese Mustard

ပေါက်ရောက်သည့်ဒေသ။ ။ မြန်မာနိုင်ငံ အနှံ့အပြားတွင် ဟင်းသီးဟင်းရွက်အဖြစ် စိုက်ပျိုးသည်။ အထူးသဖြင့် အေးမြသောရာသီဥတုရှိသည့် တောင်တန်းဒေသများတွင် ပိုမိုဖြစ်ထွန်းသည်။

ပေါက်ရောက်ပုံ။ ။ စိုက်ပျိုးပင်ဖြစ်သည်။

အသုံးပြုသည့်အစိတ်အပိုင်း။ ။ မုန်ညင်းစေ့၊ မုန်ညင်းဆီ။

အာနိသင်။ ။ မြန်မာ့ဆေးကျမ်းများအလိုအရ မုန်ညင်းသည် စပ်ခါးသောအရသာရှိ၍ ပူသောသတ္တိရှိ၏။ ထက်မြက်၏၊ ဝမ်းမီးကိုတောက်စေ၏၊ သလိပ်တို့ကို ကင်းငြိမ်းစေ၏။ သွေးအန်၊ သွေးကျ၊ နူနာ၊ ယားယံခြင်းကို ပျောက်ကင်းစေ၏။

အသုံးပြုပုံ

အစေ့

မုန်ညင်းဖြူစေ့ကို ကွမ်းစားဂမုန်းနှင့်သွေးပြီး လိမ်းသော် အဆစ်ရောင်ခြင်း ပျောက်၏။

အဆီ

၁။ မုန်ညင်းဆီအနည်းငယ်ကို အအေးလွန်၍ ကိုက်သော နားနာကို ခတ်ပေးပါက ပျောက်ကင်း၏။

၂။ မုန်ညင်းဆီ၊ မရိုးရွက်ရည်၊ နနွင်းတက် ၎င်းသုံးမျိုးကိုရောချက်၍ ဆီကျန်လျှင် စစ်ယူပြီး ပွေးနာ၊ ယားနာများကိုလူးပေးပါက ပျောက်ကင်းသည်။

၃။ မုန်ညင်းဆီကို ပရုတ်နှင့်ချက်၍ ကလေးများ ဗိုက်နာခြင်း၊ အဆုတ်အအေးမိခြင်း၊ နှာစေးချောင်းဆိုးခြင်းများအတွက် လိမ်းဆေး သို့မဟုတ် အုပ်ဆေးအဖြစ်အသုံးပြုရပါသည်။

၄။ ဘေလုံးရောဂါ၊ သွေးဖျဉ်းရောဂါ၊ မြင်းသရိုက်ရောဂါ၊ လေထိုး လေအောင့် ရောဂါများအတွက် မုန်ညင်းဆီကို အနည်းငယ်သောက်ပေးခြင်း၊ ရောဂါဖြစ်ရာနေရာတွင် ပွတ်၍လိမ်းပေးခြင်းဖြင့် ပျောက်ကင်းစေသည်။

၅။ ထိပ်ကပ်နာရှိသူများ ညအိပ်ရာဝင်ချိန် နှာခေါင်းတွင်းသို့ မုန်ညင်းဆီ အနည်းငယ်ထည့်ပေးပါက ပျောက်ကင်း၏။

၆။ ကလေးများ မက္ခရုနာပေါက်လျှင် မုန်ညင်းဆီဖြင့် သုံးခါမျှ လိမ်းပေးရုံဖြင့် မက္ခရုများ ကြွေကျ ပျောက်ကင်း၏။

၇။ ခေါင်းကိုက် ခေါင်းအုံလျှင် ဦးခေါင်းတွင် မုန်ညင်းဆီ ထည့်လိမ်းပေးခြင်းဖြင့် ပျောက်ကင်းနိုင်သည်။

၈။ ဇက်ကြောတက်၊ မျက်ရိုးကိုက်သည့်နေရာများသို့ မုန်ညင်းဆီ လိမ်းပေးပါကလည်း ပျောက်ကင်းပါသည်။

၉။ အထုံအကျဉ်၊ အချိအနဲ့၊ အကြောဆွဲ၊ လက်ကပ်၊ ခြေကပ်ဖြစ်လျှင် မုန်ညင်းဆီ တစ်ဆ၊ နှမ်းဆီ တစ်ဆကို တောင်ဆိတ်ဆီ သို့မဟုတ် တောဆိတ်ဆီနှင့် ဖျော်၍ ပွတ်လိမ်းပေးက ပျောက်ကင်း၏။

၁၀။ လည်ပင်းကြီးရောဂါအတွက် မုန်ညင်းဆီတစ်ဆ၊ နှမ်းဆီ တစ်ဆကို စပါးကြီးသည်းခြေနှင့် ဖျော်၍ လည်ပင်းတွင် စုတ်နှင့်ထိုးပြီး ပဉ္စကာနီသီး သို့မဟုတ် ဖရဲသီးကို အခြောက်လှန်း သွေးလိမ်းပါက ပျောက်ကင်းပါ၏။

၁၁။ အနာပျက်၊ အနာဆွေးများတွင် မုန်ညင်းဆီလိမ်းက ပျောက်၏။

၁၂။ မုတ္တကျသူများ မုန်ညင်းဆီဖြင့် နှိပ်နယ်လိမ်းပေးက ပျောက်ကင်း၏။

၁၃။ လူကောင်းများ ကိုယ်တွင်လိမ်း၍ အိပ်ပေးပါက ဝဲနာ၊ ယားနာ၊ နူနာ၊ လေနာများမှ ကင်းဝေးစေ၏။

မုန်ညင်းဖြူက စိုက်ပျိုးစားပင်ဖြစ်တဲ့အပြင် ဆေးဖက်ဝင်ကြောင်းကို တင်ပြပေးလိုက်ပါတယ်။

Source - မြန်မာ့ဆေးဘက်ဝင်အပင်များ

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...