Covid-19 ကာလဖြစ်သော်လည်း ပြည်တွင်းပျားရည်ဈေးကွက် ကောင်းမွန်နေဆဲဖြစ်

    Covid-19 ကာလဖြစ်သော်လည်း ပြည်တွင်းပျားရည်ဈေးကွက် ကောင်းမွန်နေဆဲဖြစ်ကြောင်း ပျားမွေးမြူရေး လုပ်ကိုင်နေသူများထံမှ သိရသည်။

ပြည်တွင်းဈေးကွက်က ကောင်းပါတယ်။ ဈေးကွက်မကျပါဘူး။ ဒေသအသီးသီးက မွေးမြူထုတ်လုပ်တဲ့ ပျားရည်တွေကို ရန်ကုန်ဈေးကွက်ကို အဓိကထားပြီး တင်ပို့နေပါတယ်။ ပြည်ပတင်ပို့မှုတွေကိုတော့ ရန်ကုန်မှာရှိတဲ့ ကုမ္ပဏီတွေကနေပြီး တင်ပို့ကြတာပေါ့။

ဟု ပျားသုံးဖော် သဘာဝပျားရည်ရောင်းဝယ်ရေး လုပ်ငန်းမှ စီမံအုပ်ချုပ်သူ ဦးမြင့်နိုင် က ပြောသည်။ 

    မြန်မာနိုင်ငံတွင် မိုးရေချိန်များသည့်ဒေသများမှအပ မန္တလေးတိုင်း၊ စစ်ကိုင်းတိုင်း၊ ကယားပြည်နယ်၊ ကရင်ပြည်နယ်၊ ရှမ်းပြည်နယ်၊ မကွေးတိုင်း၊ ပဲခူးတိုင်း၊ နေပြည်တော်အနီးတစ်ဝိုက်ဒေသများ၌ ပျားမွေးမြူရေး လုပ်ကိုင်လျက်ရှိပြီး ထွက်ရှိသည့် ပျားရည်နှင့် ပျားဖယောင်းသည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သက်မှတ်သည့် အခွန်ကင်းလွတ်ကုန်စည်ဖြစ်သဖြင့် လွတ်လပ်စွာ ရောင်းဝယ်ဖောက်ကားနိုင်သည့် ကုန်စည်တစ်ခု ဖြစ်သည်။

လက်ရှိ ပြည်တွင်းဈေးကွက်မှာတော့ ဆီး(ဇီး) ပျားရည် တစ်ပိဿာကို (၃၀၀၀) ကျပ်ကနေ (၄၅၀၀) ကျပ်အတွင်း ဈေးနှုန်းတွေနဲ့ ရောင်းချနေကြပါတယ်။ ဈေးနှုန်းအနည်းအများကတော့ ပျားရည်ရဲ့ အရည်အသွေးအပေါ် မူတည်ပါတယ်။

ဟု ဦးမြင့်နိုင် က ဆိုသည်။

    မြန်မာ့ပျားရည်ကို ပြည်ပသို့ အရည်အသွေးနှင့် စံချိန်စံညွှန်းပြည့်မီစွာ တင်ပို့နိုင်ရေးအတွက် မွေးမြူရေးနှင့်ကုသရေးဦးစီးဌာန၊ လက်အောက်ခံဌာနခွဲတစ်ခုဖြစ်သည့် ပျားလုပ်ငန်းဌာနမှ အဓိကလုပ်ငန်းဆောင်ရွက်လျက်ရှိပြီး ပျားရည်အရည်အသွေးမြှင့်တင်ရေး၊ ထွက်ရှိတင်ပို့သည့် ပျားရည်တန်ချိန် မြင့်မားစေရေး၊ ပျားရည်ထုတ်လုပ်မှုဆိုင်ရာ အခြေခံ အဆောက်အအုံများ ခိုင်မာစေရေး စသည့်လိုအပ်ချက်များအတွက် ကြိုးပမ်းဆောင်ရွက်နေဆဲဖြစ်သည်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်