မတ်ပဲနှင့် ပဲတီစိမ်း(ရွှေဝါ)ကို မှန်ကန်စွာ ရွေးချယ်စိုက်ပျိုးနိုင်ရန်အတွက် ကြေငြာချက် တစ်စောင်ကို ထုတ်ပြန်

၂၀၁၆ အောက်တိုဘာလ ၂၈ ရက်နေ့တွင် မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်း နှင့် ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း (ဘုရင့်နောင်ကုန်စည်ဒိုင်) မှ မတ်ပဲနှင့် ပဲတီစိမ်း(ရွှေဝါ)ကို မှန်ကန်စွာ ရွေးချယ်စိုက်ပျိုးနိုင်ရန်အတွက် ကြေငြာချက် တစ်စောင်ကို ထုတ်ပြန်ခဲ့ပါသည်။ အပြည့်အစုံမှာ

မကြာမှီ ဆောင်းသီးနှံအဖြစ် စိုက်ပျိုးထုတ်လုပ်မည့် မတ်ပဲ၊ ပဲတီစိမ်း (ရွှေဝါ)နှင့် ပတ်သက်၍ ပဲတီစိမ်း(ရွှေဝါ)ကို ယခင်နှစ်ပေါင်းများစွာကတည်းက ပုံမှန် စိုက်ပျိုးထုတ်လုပ်သည့် ဒေသများတွင် ယခုနှစ်၌ လက်ရှိဈေးနှုန်းကွာဟချက်ကြောင့် မတ်ပဲများကို အစားထိုးစိုက်ပျိုးရန် ပြင်ဆင်နေသည်ကို လေ့လာတွေ့ရှိရပါသည်။

သို့ဖြစ်ပါ၍ အထက်ပါကိစ္စနှင့် ပတ်သက်ပြီး မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်း နှင့် ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း (ဘုရင့်နောင်ကုန်စည်ဒိုင်) တို့ ပူးပေါင်း၍ ၂၀၁၆ ခုနှစ်၊ အောက်တိုဘာလ (၂၈) ရက်နေ့၌ ရန်ကုန်တိုင်းဒေသကြီး စားသုံးသူရေးရာ ဦးစိးဌာနတွင် ဆွေးနွေးခဲ့ပါသည်။ ဆွေးနွေးချက်များအရ

(၁) ဈေးကွက်၏ အခြေခံသဘောတရား (Supply and Demand)

(၂) ဈေးကွက်၏ သတင်းအချက်အလက်နှင့် ဖြစ်နိုင်ခြေရှိသော ဈေးကွက်အလားအလာ (Market Information and Potential Market Price)

(၃) ဈေးကွက် နှင့် အရည်အသွေး လိုအပ်ချက် (Market price against quality)

(၁) ဈေးကွက်၏ အခြေခံသဘောတရား (Supply and Demand) အရ ဝယ်ယူသောနိုင်ငံများ၏ ဝယ်ယူနိုင်သော ပမာဏထက် ပိုမိုထုတ်လုပ်မည်ဆိုပါက ဈေးနှုန်းအပေါ် တိုက်ရိုက် သက်ရောက်မှုရှိနိုင်သည်ကို သတိပြုစေလိုပါသည်။

(၂) ဈေးကွက်၏ သတင်းအချက်အလက်နှင့် ဖြစ်နိုင်ခြေရှိသော ဈေးကွက်အလားအလာ အရ

(က) ယခုလက်ရှိအချိန်တွင် ပဲအများဆုံးဝယ်ယူသည့် အိန္ဒိယနိုင်ငံတွင် ပဲစိုက်ဧကမှာ ယခင်နှစ်ကထက် ပိုမိုကြောင်း သိရပါသည်။

(ခ) ပဲတီစိမ်းအဓိက စိုက်ပျိုးထုတ်လုပ်ရောင်းချသည့် နိုင်ငံဖြစ်သော တရုတ်နိုင်ငံတွင် ယခုနှစ်၌ ရာသီဥတု ဖောက်ပြန်မှုကြောင့် ယင်းတို့၏ ထုတ်လုပ်မှု လျော့နည်းကျဆင်းခြင်းနှင့် ပျက်စီးမှုများ ဖြစ်ပေါ်နေသည်ကို ကြားသိနေရပါသည်။

အထက်ဖော်ပြပါ အပိုဒ် (က) နှင့် အပိုဒ် (ခ)ပါ အကြောင်းအရာများကို သတိပြုဆင်ခြင်၍ လာမည့်နှစ်တွင် ဖြစ်ပေါ်လာမည့် ဈေးကွက်တွင် ယခုနှစ်ကဲ့သို့ မတ်ပဲနှင့် ပဲတီစိမ်း(ရွှေဝါ) ဈေးနှုန်းကွာဟချက်များအတိုင်း ဖြစ်ပေါ်လာမည်ဟု မှန်းဆရန် များစွာ အကန့်အသတ်ရှိနိုင်ပါသည်။

(၃) ဈေးကွက်နှင့် အရည်အသွေးလိုအပ်ချက်အရ ယခုအခါ ဥရောပနိုင်ငံများနှင့် ဂျပန်၊ ကိုရီးယား အစရှိသည့် နိုင်ငံများမှ အရည်အသွေးပြည့်မှီသည့် ပဲတီစိမ်း(ရွှေဝါ)များကို ပိုမိုဝယ်ယူရန် ပြင်ဆင် လုပ်ဆောင်နေကြောင်း သိရှိရပါသည်။ ပဲတီစိမ်း(ရွှေဝါ) များကို အရည်အသွေးပြည့်မှီစွာ စိုက်ပျိုးထုတ်လုပ်နိုင်ပါက အထက်ဖော်ပြပါ နိုင်ငံများအပြင် အခြားဈေးကွက်များကိုလည်း တိုးချဲ့နိုင်ခြင်းတို့ကြောင့် ဈေးကွက် အလားအလာကောင်းသော ပဲတစ်မျိုးဖြစ်ပါသည်။

ထို့ကြောင့် တောင်သူများအနေဖြင့် အထက်ပါ အကြောင်းအရာများကို ချိန်ဆ၍ ဈေးကွက်အလားအလာကောင်းသည့် ပဲမျိုးကို အချိန်မီ မှန်ကန်စွာ ရွေးချယ်စိုက်ပျိုးသင့်ကြောင်း အကြံပြုအသိပေးအပ်ပါသည်။

မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်း နှင့်

ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း

(ဘုရင့်နောင်ကုန်စည်ဒိုင်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...