လက်တွဲပူးပေါင်းမှုအပေါ် ဂုဏ်ယူဝမ်းမြောက်ကြောင်း အသိပေးကြေညာခြင်း

ဒစ်ဂျစ်တယ်ငွေကြေးဆိုင်ရာ ဝန်ဆောင်မှုပေးသူများနှင့် ထိုဝန်ဆောင်မှုများကို အသုံးပြုနေသူများအကြား ငွေကြေးနည်းပညာဆိုင်ရာ အသိပညာဗဟုသုတများ ပိုမိုတိုးတက်စေရန်ရည်ရွယ်၍ ThitsaWorks နှင့် Greenovator တို့အကြား ပူးပေါင်းဆောင်ရွက်မှုတစ်ခုပြုလုပ်ခဲ့ကြောင်း ဝမ်းမြောက်ဂုဏ်ယူစွာဖြင့် အသိပေးပါရစေ။

အဆိုပါ ပူးပေါင်းဆောင်ရွက်မှု၏ အဓိကရည်ရွယ်ချက်မှာ ‌ငွေကြေးနည်းပညာဗဟုသုတများ လိုအပ်နေသော ပြည်သူများကို မိမိတို့နှင့်သင့်တော်သည့် ငွေကြေးဆိုင်ရာ နည်းပညာထုတ်ကုန်များနှင့် ဝန်ဆောင်မှုများအား မှန်ကန်စွာ ရွေးချယ်နိုင်စေပြီး အန္တရာယ်ကင်းစွာအသုံးပြုနိုင်ရေးတို့အတွက် အဓိကလိုအပ်ချက်ဖြစ်သည့် လက်တွေ့အသုံးချ ငွေကြေးနည်းပညာဆိုင်ရာ အသိပညာများ ပို့ချပေးရန်ဖြစ်ပါသည်။

ThitsaWorks ၏ ဒစ်ဂျစ်တယ်ငွေကြေးဆိုင်ရာ အသိပညာပေး သင်ခန်းစာများတွင် လူတိုင်းအတွက် သိသင့်သိထိုက်သော ကိုယ်ရေးအချက်အလက်လုံခြုံရေးကဲ့သို့သော ဒစ်ဂျစ်တယ်အသိပညာ၊ တစ်ကိုယ်ရေသုံးမှသည် အသေးစား၊ အလတ်စားလုပ်ငန်းများအတွက်ပါ အသုံးဝင်နိုင်မည့် ငွေကြေးစီမံခန့်ခွဲမှုဆိုင်ရာ အယူအဆများပါဝင်သည့် ငွေကြေးအသိပညာ၊ အွန်လိုင်းငွေကြေးဝန်ဆောင်မှုများကို လက်တွေ့အသုံးချနိုင်စေမည့် ငွေကြေးနည်းပညာများအကြောင်းဖြစ်သည့် ဒစ်ဂျစ်တယ်ငွေကြေးအသိပညာစသဖြင့် အကြောင်းအရာများစွာ ပါဝင်ပါသည်။ Greenovator သည် ၎င်း၏ Green Way App နှင့် အခြားသော ဆိုရှယ်မီဒီယာအကောင့်များမှ တဆင့် ငွေကြေးဆိုင်ရာ အသိပညာပေးသင်ခန်းစာများကို အသုံးပြုသူများထံ ပိုမိုကျယ်ပြန့်စွာဖြင့် အလွယ်တကူ‌ရာက်ရှိစေရေး ဖြန့်ဝေပေးသွားမည်ဖြစ်ပါသည်။

ယခုကဲ့သို့ ပူးပေါင်းဆောင်ရွက်မှုသည် ငွေကြေးအသိပညာများ တတ်မြောက်ပြီး စွမ်းဆောင်ရည်ရှိသောသူများဖြစ်ပေါ်စေပြီး တစ်ဦးချင်းမှသည် လူမှုအသိုက်အဝန်းတစ်ခုလုံးအပေါ် အပြုသဘောဆောင်သော အကျိုးသက်ရောက်မှုများဖြစ်စေမည်ဟု ကျွန်ုပ်တို့ ယုံကြည်ပါသည်။

ကျွန်ုပ်တို့အားလုံး မျှော်မှန်းထားသည့် အားလုံးပါဝင်သောငွေကြေးစနစ် အောင်မြင်စွာဖြစ်ပေါ်လာရေး အတူတကွ ကြိုးပမ်းကြပါစို့။

English Version

We are thrilled to announce a partnership between ThitsaWorks and Greenovator to disseminate Digital

Financial Literacy content to end-users and help them improve their financial education. Our main

objective is to equip grassroots-level citizens with the necessary knowledge and tools to make informed

decisions when utilizing financial products and services.

ThitsaWorks has developed financial educational content which is essential to daily life, covering topics

such as data security, financial management concepts and tools for individuals, small and medium-sized

enterprises, financial products, and online payment tools. Greenovator, through its digital channels,

including the Green Way App and social media accounts, will make this content readily assessable to

end-users. We are confident that our joint efforts will lead to a more financially literate and empowered

population, creating a positive impact on individuals and communities as a whole.

Together, we look forward to embarking on this partnership and achieving our shared goals of

promoting financial inclusion.

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...