နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 162 အပင်အာဟာရ 295 စိုက်ပျိုးနည်း 396 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 846

လောင်ဂန်သီး စိုက်ပျိုးနည်း

U Zaw Ye Thu • Greenovator • 24/06/2020

လောင်ဂန်သီးသည် စျေးကွက်ဝင်သီးနှံဖြစ်ပြီး အပူပိုင်းနှင့် အအေးပိုင်း နှစ်မျိုးစလုံး စိုက်ပျိုးနိုင်သည် ။ လောင်ဂန်သီးကို အစို၊ အခြောက် စနစ်နှစ်မျိုးဖြင့် ရောင်းချနိုင်သည်။ လောင်ဂန်ပင်များကို ၂၀၀ ဘီစီကပင် စတင်စိုက်ပျိုးခဲ့သည် ။ မူရင်းဒေသများမှာ မြန်မာပြည်အထက်ပိုင်း၊ တရုတ်နိုင်ငံမြောက်ပိုင်း၊ အိန္ဒိယ ၊ ထိုင်းနိုင်ငံမြောက်ပိုင်း၊ ကမ္ဘောဒီးယား နှင့် ဗီယက်နမ်မြောက်ပိုင်းတို့ ဖြစ်ကြသည်။ လောင်ဂန်သီးများကို များသောအားဖြင့် အာရှမှာတွေ့ရပြီး အများအားဖြင့် တရုတ်၊ ဗီယက်နမ်နှင့် ထိုင်းနိုင်ငံတို့တွင် စီးပွားဖြစ်စိုက်ပျိုးလျက်ရှိသည် ။

လောင်ဂန်ပင်သည် ရာသီဥတုနှင့် မြေဆီလွှာပေါ်တွင် မူတည်၍ အမြင့်ပေ ၁၀၀( ၃၀ မီတာ) အထိ မြင့်တက်နိုင်သော်လည်း အမြင့်ပေ ၃၀ မှ ၄၀ အထိသာ သင့်တော်သည်။ အကိုင်းအခက်များသည် ရှည်လျားပြီး ထူထပ်သည် ။ အရွက်များကို အနီအရောင်အရောအနှောဖြင့် ရောစပ်ထားသည်။ သစ်ကိုင်းများအဆုံးတွင် ဝါဖျော့ရောင်ရှိသော ပန်းခိုင်များကို တွေ့ရနိုင်သည် ။ လောင်ဂန်သီးများကို ဒေသအလိုက် လေချူသီး၊ တရုတ်ဇီးသီး ၊ သမင်မျက်လုံးသီး၊ နှင်းသီး၊ လုန်အန်သီး (တရုတ်အခေါအဝေါ နဂါးမျက်လုံးသီး) ၊ သကြားသီး၊ တောကြက်မောက်သီး ၊ စစ်ကိုင်းသီး ဟူ၍ အမျိုးမျိုး ခေါ်ကြသည်။

သဘာဝပတ်ဝန်းကျင်အခြေအနေ

လောင်ဂန်သီးများသည် သဲဆန်သောမြေများ၊ သဲနုန်းမြေ ၊ ကျောက်ရော သဲဆန်မြေ၊ အငန်ဓာတ်မရှိသောမြေ ၊ ရေဆင်းကောင်းပြီး စိုထိုင်းဆကို ထိန်းထားပေးနိုင်သော မြေများကိုနှစ်သက်သည်။ လိုင်ချီးနှင့် ကြက်မောက်မျိုးနွယ်ဝင်များ ဖြစ်သည့်အတွက် လိုင်ချီး ၊ ကြက်မောက်ဖြစ်ထွန်းသော ဒေသများတွင် စိုက်ပျိုးနိုင်သည်။ လိုင်ချီးနှင့် ကြက်မောက်ပင်များသည် မိုးများပြီး အအေးဒဏ်ခံနိုင်သော်လည်း လောင်ဂန်သည် ပူနွေးစိုစွတ်သော ရာသီဥတုကို နှစ်သက်သည်။ အပူချိန် ၄၀ ဒီဂရီဖာရင်ဟိုက်မှ ၄၅ ဒီဂရီဖာရင်ဟိုက်ကြား၊ မိုးရေချိန် ၄၅ လက်မ မှ ၇၅ လက်မဝန်းကျင်တွင် လိုအပ်သည်။ ပင်လယ်ရေမျက်နှာပြင်အမြင့်ပေ ၃၀၀၀ အောက် နှင့် မြေချဥ်ကိန်း ၅.၅ မှ ၇.၅ ကြား ရှိရမည်။ မိုးနည်း၊ မိုးအသင့်အတင့်ရှိသောဒေသများနှင့် ကိုက်ညီစိုက်ပျိုးဖြစ်ထွန်းနိုင်သည်။

အပင်ပြုပြင်ခြင်း

လောင်ဂန်ပင်သည် ပင်ကြားတန်းကြား ၂၀ ပေ× ၂၅ ပေ ခြားစနစ်ဖြင့် စိုက်ပျိုးနိုင်ပြီး တစ်ဧကတွင် ၈၇ ပင်ခန့် အနည်းဆုံး ဝင်ဆံနိုင်သည်။ အရွယ်ရောက်လာသော အပင်တစ်ပင်သည် အသီးချိန် ကီလို ၂၀၀ ကျော် ရနိုင်သည် ။ လောင်ဂန်မျိုးကို ကိုင်းထုပ်စည်းမျိုးပွားပင်ကိုစိုက်လျှင် အသီးမြန်မြန်ရနိုင်သည် ။ အစေ့မှ စတင်စိုက်ပျိုးပါက ၅ နှစ်ကျော်အထိစောင့်ရပြီး တစ်ခါတစ်ရံ အနှစ် ၂၀ ကျော်ခန့် ကြာနိုင်သည်။ လောင်ဂန်ပင်သည် ပန်းပွင့်သည့်အချိန်မှ အသီးခူးဆွတ်သည့်အချိန်ထိ လေးလ၊ ငါးလခန့် ကြာမြင့်ပြီး အသီးခူးဆွတ်ပြီးချိန်ကာလအတွင်း ကိုင်းပြင် ၊ ကိုင်းဖြတ်ပြုလုပ်ပေးခြင်းဖြင့် အပင်အမြင့် ၁၀ ပေ မှ ၁၂ ပေထိထားနိုင်သည်။ လောင်ဂန်ပင်သည် ရာသီလွှဲသီးနှံပြုလုပ်ရန် လွယ်ကူပြီး တစ်ပင်လျှင်အပင်သက်တမ်း ၅၀ နှစ်မှ ၆၀နှစ်အထိ ခူးဆွတ်စားသုံးနိုင်သည်။

(အသေးစိတ် ထပ်မံသိရှိလိုပါ အစိမ်းရောင်လမ်း ရှိ လိုက်ချီးစိုက်ပျိုးနည်း ဆောင်းပါးတွင် လေ့လာနိုင်ပါသည်)

References: Wikipedia, My Food Myanmar, ဒေါက်တာ ချစ် "လိမ္မော်နှင့် နှစ်ရှည် သီးပင်စိုက်ပျိုးရေး , 7Day New.

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဝါဝါမိုး

လွန်ခဲ့သော ၂ နှစ် က

ကိုင်းကူး စိုက်ရင် အသီးသီးဖို့ အချိန်ဘယ်လောက်လိုလဲရှင့်

Than Than Soe

လွန်ခဲ့သော ၃ နှစ် က

လေချူသီးအပင်အခုမှစစိုက်မှာမို့ဘာတွေလိုအပ်လဲရှင့်

ဒေါ်တင်တင်မွှန်း

လွန်ခဲ့သော ၃ နှစ် က

စိုက်ထားတာ၁၄နှစ်ရှိပီးအခုထိမသီးဘူးဘာလုပ်ရမလဲပြောပြပါ

htet wai

လွန်ခဲ့သော ၅ နှစ် က

စိုက်ထားတာကြာပီဗျအသီးမသီးသေးလို့

ဒေါ်နွယ်နီဝင်း

လွန်ခဲ့သော ၅ နှစ် က

အပင်ကလူနှစ်ရပ်လောက်ရှိနေပြိ စိုက်တာငါးနစ်ကျော်ပြိ အသိးသိးအောင် ဘာမြေသြဇာပေးရမလဲရှင့် ကျေးဇူးပါ

ဆက်စပ်ဆောင်းပါးများ

စိုက်ပျိုးနည်း

မောင်နီပြောတဲ့ ခရမ်းချဉ်စင်တင်နည်း

Htunn Winn Kyaw

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

Soe Myint

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

အကြောင်းအရာ ပံ့ပိုးသူ

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

ဆက်စပ်မေးခွန်းများ

မြစ်ကြီးနားမှာမိုးရာသီက မိုးအရမ်းများလို့ ခရမ်စိုက်မယ်ဆိုရင် ဘယ်မျိုးကို စိုက်သင့်လဲ

Wai Linn • ဖြေကြားချက် 1 ခု

သဲဆန်တဲ့မြေမှာမတ်ပဲကိုခုတ်ဖုံးလုပ်တာပိုကောင်းလား ထယ်ရေးနဲ့လုပ်တာပိုကောင်းလား

Sawsamson • ဖြေကြားချက် 1 ခု

ပထမဦးစွာ ဆရာကြီးဒို့ဦးလေးနှင့် ဆရာ ကိုသော်ဇဥ်တို့အား ဝန်ချတောင်းပန်ခြင်း.. ဖြစ်ပုံကဒီလိုပါဆရာတို့ မိုးရာသီစတော့မယ် ပျိုးပင်တွေ ပျိုးဖို့ 15 ရက်လောက်အလိုမှာ ဒီ Green Way app မှာ ခရမ်ချဥ်နဲ့ပတ်သတ်ပီး ကျွန်တော်တို့ရာသီနှင့် ကိုက်ညီမည့် မည့်သည့်မျိုးစေ့ စိုက်ပျိုးရမလဲ လို့ မေးလိုက်တော့ ဆရာနှစ်ဦးလုံးက 909 ကိုပဲ စိုက်ဖို့အကြံပေးပါတယ် မနှစ်က ပံ 111 စိုက်ခဲ့တာကို အထွက်လဲကောင်းခဲ့ပါတယ် ဒါမဲ့ ဒီမှာမေးလိုက်တော့ 909 ကိုစိုက်ဖို့အြကံပေးပါတယ် ကိုယ့်စိတ်ထဲမှာတော့ မဟုတ်သေးဘူးပေါ့ ပံ 111 ကောင်းရဲ့နဲ့မညွှန်ပဲ ဘာလို့ 909 ကိုညွှန်ရလဲပေါ့ အတာနဲ့ စိတ်ထဲကတိကအောက်ဖြစ်တာနဲ့ ထပ်မေးခဲ့ပါတယ် ဆရာတို့ကလဲ ထပ်ဖြေပါတယ် 909 ပဲစိုက်ဖို့ အကြံပေးပါတယ် ကဲ ထားတော့ပေါ့ မေးပီးမှတော့မထူးတော့ဘူးပေါ့😄 909 ပဲမှာပီးပျိုးလိုက်တယ် အတာနဲ့အိမ် အမေအဒေါ်တွေကိုလဲ ပြောပြလိုက်တာပေါ့ဒီနှစ်မနှစ်ကမျိုးမဟုတ်ဘူး ဒီနှစ်မျိုးပြောင်းထားတယ်လို့ သူတို့ကလဲ ပြောတာပေါ့ " မနှစ်ကမျိုး အလုံးကကြီးသေးအလုံးကလှသေး ရေရှည်လဲအဆွတ်ခံသေး " အတာကိုနင်က ဘာလို မျိုးပြောင်းတာလဲ ဘာညာပြောတာပေါ့ ကျွန်တော်လဲ ဘာမှမပြောပဲ ငြိမ်ခံရတာပေါ့ ဒါမဲ့အခုသိလိုက်ရပါပြီ သီးလိုက်တာကလဲအဆုတ်လိုက် အလုံးကလဲ ကြီးသေးတယ်ဗျာ လှလိုက်တာသီးထားတာ ရောဂါကလဲကင်း ပိုးလဲရှင်းနေရော့ ဒီချိန်မှပဲ အသက်ရှူချောင်တော့တယ်ဆရာတို့ရေ အိမ်ကအေဒါ်တွေအမေကလဲ ဟုတ်သားပဲ လှလိုက်တာ ချောလိုက်တာနဲ့ အသီးကလဲအတော်သီးတယ် ဒါလောက်ပူလိုက် မိုးပြတ်သွားလိုက်ကို. အသီးက ကျမသွားပဲ သီးလိုက်တာဗျာ ပိုး / မှိုမျကအောင်လဲ ဆက်လက် စောင့်ကြည့်နေပါမယ်ခင်ဗျ ဒါကြောင့် ဆရာတို့ကဆရာပါပဲဗျာ ဆရာတို့အပေါ်မှာ သံသယတွေ ထားမိတဲ့အတွက် တောင်းပန်ပါတယ်လို့ ပြောကြားပါရစေခင်ဗျ..... 909 ခရမ်းချဥ်

U Yan • ဖြေကြားချက် 5 ခု

မြေပဲခင်း ရက်40သားရပီ ဘာဆေးဖြန်းပေးရမလည်းဆရာတို့

Win Min • ဖြေကြားချက် 2 ခု

ရွှေပန်းပင်ကိုစိုက်ပျိုးတဲ့အခါပင်ကြား အတန်းကြားဘယ်လောက်အကွာအဝေးစိုက်သင့်ပါသလဲဆရာတို့ခင်ဗျာ

ဦးခိုင်မင်းဇော် • ဖြေကြားချက် 1 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ