မုန်ညင်းထုပ် စိုက်ပျိုးနည်း

မုန်ညင်းထုပ် ကို Chinese cabbage လို့ အင်္ဂလိပ်လိုခေါ်ကြပါတယ်။ အထုပ်ထုပ်တဲ့ ပုံစံပေါ်မူတည်ပြီး အမျိုးအစားတွေခွဲထားပါသေးတယ်ဗျ။

ယေဘုယျအမည် - Chinese cabbage, white cabbage, flowering cabbage, celery cabbage, pakchoi, Michihli, Napa cabbage

ရုက္ခဗေဒအမည် - Brassica chinensis

နေရာရွေးချယ်ခြင်း

အေးတဲ့ဒေသတွေမှာ နေရောင်အပြည့်အဝရရင် စိုက်လို့ရပါတယ်။ အလယ်ပိုင်းလို နွေးတဲ့ရာသီဥတုမှာဆိုရင်တော့ နေရောင်အပြည့်အဝမရလည်း စိုက်လို့ရပါတယ်တဲ့။ ဘယ်ဒေသမှာစိုက်စိုက် မြေကြီးက ရေဆင်းကောင်းဖို့ အစိုဓာတ်ထိန်းနိုင်ဖို့၊ သဘာဝမြေသြဇာတွေကြွယ်ဝဖို့တော့ လိုပါတယ်တဲ့ဗျ။

ဘယ်အချိန်မှာစိုက်ရမလဲ

အေးတဲ့ရာသီမှာစိုက်ပျိုးမှ အထုပ်ထုပ်ပါတယ်တဲ့ဗျ။ ပူတဲ့ရာသီရောက်သွားရင်တော့ မျိုးစေ့ရဖို့ အတွက် သူကပန်းတွေပွင့်ပါလိမ့်မယ်ဗျ။ ဒီတော့ မုန်ညင်းထုပ် ဘာလို့မထုပ်လဲဆိုရင် နေ့တာရှည်လာတဲ့ ရာသီဥတုရောက်လာလို့ပါလို့ သိထားဖို့လိုမယ်ဗျ။ ဒါကြောင့် စိုက်မယ်ဆိုရင် အချိန်လေးကို တစ်ချက်လောက် ချိန်ဖို့လိုလိမ့်မယ်ဗျ။ စိုက်မယ်ဆို မျိုးစေ့ကနေ တိုက်ရိုက်စိုက်လို့ရသလို၊ ပျိုးခြံထဲမှာ အပင်ဖောက်ပြီးမှ ရွှေ့ပြောင်းစိုက်လို့လည်း ရပါတယ်။ အေးတဲ့ရာသီစိုက်ရမယ်ဆိုပေမယ့် အရမ်းအေးမယ့် အချိန်မျိုးမရောက်ခင် တစ်လခွဲလောက် စောစိုက်သင့်ပါတယ်ဗျ။

ပင်ကြား တန်းကြား

အစေ့ကိုပျိုးမယ်ဆိုရင် (၄ )လက်မပတ်လည် ခြားစိုက်သင့်ပါတယ်။ မျိုးစေ့တွေကိုတော့ လက်မဝက်လောက် မြုပ်အောင်ထားပါဗျ။ အပင်ပေါက်လေးတွေကို စိုက်တဲ့အခါမှာ ပင်ကြားအနေနဲ့ (၁၂-၁၈) လက်မထားပေးရပြီး တန်းကြားကတော့(၁၈- ၃၀ )လက်မ လောက်ထားပေးပါဗျ။ အထုပ်ဖြစ်လာမှာဆိုတော့ ဒီလိုလေးခြားထားရပါမယ်တဲ့ဗျာ။ မျိုးအပေါ်မူတည်ပြီး ကွာခြားမှုတွေတော့ အနည်းငယ်ရှိအုံးမယ်ဗျ။

အပင်ပေါက်ကို ရွှေ့ပြောင်းစိုက်ဖို့ တွေးထားတယ်ဆိုရင်တော့ ပျိုးခင်းမြေကို သေချာဂရုစိုက်သင့်ပါတယ်။ မဟုတ်ရင် ရွေ့ပြောင်းစိုက်တဲ့အခါ ပျက်စီးဆုံးရှုံးနိုင်ပါတယ်ဗျ။ စိုက်မယ်ဆိုရင် ခရမ်းချဉ်၊ ငရုတ်၊ ရုံးပတီ ၊ အာလူးတို့နဲ့ တွဲဖက်မစိုက်သင့်ပါဘူးတဲ့ဗျာ။

ဘယ်လိုပြုစုစောင့်ရှောက်ရမလဲ

မြေကို အစိုဓာတ်မပြတ်အောင်ထားပေးပါ။ ဒါဆိုရင်တော့ ကြီးထွားမှုမြန်လာနိုင်ပါတယ်တဲ့။ ကြီးထွားမှုနှေးရင် အပင်တွေက ပန်းတွေပွင့်ပြီး မုန်ညင်းထုပ်ထုပ်ဖို့ထက် အစေ့ဖြစ်ဖို့ ရောက်သွားတတ်ပါတယ်တဲ့ဗျာ။ ခပ်နွေးနွေးရာသီဥတုမှာ စိုက်မယ်ဆိုရင်တော့ နေရောင် အမြဲရနေပြီး တိုက်ရိုက်ရတဲ့နေရာမျိုးတွေကို ရှောင်သင့်ပါတယ်။ တစ်နေ့မှာ ၈ နာရီထက်ပိုတဲ့ တိုက်ရိုက်နေရောင်ခြည် မရသင့်ပါဘူးတဲ့ဗျာ။

ပိုးမွှား

ပျ၊ ဖလီးဘီတယ်၊ ဂေါ်ဖီထုပ်ပိုး စတဲ့ ပိုးတွေကျတတ်ပါတယ်။ ဒီအတွက်တော့ သဘာဝဆေးနည်းတွေနဲ့ ကြိုတင်ကာကွယ်ထားနိုင်ပါတယ်။

ရောဂါ

မုန်ညင်းထုပ်တွေက အဝါရောင်ဗိုင်းရပ်ရောဂါကို ခံနိုင်ရည်မရှိကြပါဘူး။ ခံနိုင်ရည်ရှိမျိုးကို ရွေးချယ်စိုက်လို့ ရနိုင်ပါတယ်။ မဖြစ်အောင်ကာကွယ်နည်းကတော့ အပင်စိုနေတဲ့အချိန်မှာ မခူးပါနဲ့။ ရောဂါလို့ယူဆရတဲ့ အပင်တွေ့ရင် ချက်ချင်းဖယ်ပစ်ပြီး စိုက်ခင်းနဲ့ဝေးရာမှာ ဖျက်စီးပစ်ဖို့လိုပါမယ်ဗျ။

ခူးဆွတ်ချိန်

စိုက်ပျိုးပြီး ရက် ၅၀ ကနေ ၈၀ အတွင်းဆို မုန်ညင်းဖြူတွေ အထုပ်ထုပ်ပါပြီ ။ မြေနားကပ်နေတဲ့နေရာကနေ ခူးနိုင်ပါတယ်ဗျ။ အရမ်းအေးမယ့်အချိန်မရောက်ခင် ခူးနိုင်အောင် စိုက်ဖို့လိုပါတယ်။ မထုပ်ခင် အရမ်းအေးတဲ့ရာသီဥတုနဲ့ကြုံခဲ့ရင် မထုပ်ဘဲ အပင်က စိမ်းပြီးကျန်နေခဲ့တတ်ပါတယ်။

သိုလှောင်ချိန်ကတော့ ရေခဲသေတ္တာထဲမှာ သိမ်းရင် ( ၄ ) ပတ်ထိထားနိုင်ပါတယ်။ ရေနွေးဖျောပြီးမှ သိမ်းထားမယ်ဆိုရင်တော့ ၃ လ ၄ လထိထားနိုင်ပါတယ်တဲ့ဗျာ။

ထွန်းရာဇာ

Source;https://harvesttotable.com/how_to_grow_chinese_cabbage/

How to Grow Chinese Cabbage - Harvest to Table

Chinese cabbage which includes pac choi (bok choy), pei tsai, Michihli, Napa, and celery cabbage is a cool-weather vegetable. Sow Chinese cabbage directly

harvesttotable.com

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...