ဆေးဖက်ဝင်ဖန်ခါးသီးအကြောင်း

နွယ်မြက်သစ်ပင်ဆေးဖက်ဝင် ဟူသောစကားပုံအတိုင်း သစ်ပင်/သီးများသည် သူ့နေရာနှင့်သူအသုံးဝင်ပြီး အစွမ်းအာနိသင်များ ရှိကြပါတယ်။ ကျန်းမာရေးအတွက် များစွာအထောက်အကူပြုတဲ့ ဖန်ခါးသီးအကြောင်း ရေးသားလိုက်ပါတယ်။ ဖန်ခါးပင်ဟာ မြန်မာနိုင်ငံတွင် ပေါများစွာပေါက်ရောက်ပြီး အညာဒေသတွင် သဘာဝအတိုင်း ပေါက်လေ့ရှိပါတယ်။ ဖန်ခါးသီးဆိုသည့်အတိုင်းပဲ ဖန်ပြီးခါးသောအရသာရှိပါတယ်။ သူ့နောက်မှ ချိုတဲ့အရသာ ကပ်လိုက်တတ်ပါတယ်။ ဖန်ခါးခါးအရသာကြောင့် လူကြိုက်နည်းပါတယ်။ 

ဖန်ခါးပင်ရဲ့ အသီး၊ အမြစ်နှင့် အခေါက်တို့ကိုအသုံးပြုခြင်းအားဖြင့် ကျန်းမာရေးအတွက်များစွာအထောက်အကူပြုပေးနိုင်ပါတယ်။ 

၁။အစာချေစနစ်ကို ကောင်းမွန်စေခြင်း 

ဖန်ခါးသီးကို ပုံမှန်စားသုံးခြင်းအားဖြင့် အစာချေမှုကို မြှင့်တင်ပေးခြင်း၊ အူနှင့်ဆိုင်သောရောဂါများ မဖြစ်အောင်ကာကွယ်ပေးခြင်းနှင့် ကျွန်တော်တို့ စားသုံးသောအစာ၏အာဟာရစုပ်ယူမှုကို တိုးမြှင့်ပေးနိုင်ပါတယ်။ သွေးအတွင်း အဆီဓာတ်ကိုကျစေနိုင်ခြင်း၊ အစာအိမ်ရောင်တဲ့အခါမှာဖြစ်တဲ့ အစာမကြေမှုနဲ့ ရင်ခေါင်းပူလောင်မှုကို သက်သာစေနိုင်ပါတယ်။ ဝမ်းပျက်၊ ဝမ်းလျှော၊ ဝမ်းကိုက်တာကိုသက်သာစေပြီး ဝမ်းမှန်စေပါတယ်။

၂။ဘက်တီးရီးယားပိုးများကို သေစေနိုင်ခြင်း

ဖန်ခါးသီးထဲတွင် antioxidants ဓာတ်များကြွယ်ဝစွာပါဝင်ပါတယ်။ ellagic acid, gallic acid, chebulic acid, flavonol glycosides, selenium နှင့် ဗီတာမင်စီ တို့ပါဝင်ခြင်းကြောင့်ခန္ဓာကိုယ်အတွင်း ရောဂါဖြစ်ပွားမှုနှင့် ကင်ဆာရောဂါဖြစ်ပွားမှုကို ကာကွယ်ပေးနိုင်ပါသည်။ ဗိုင်းရပ်ရောဂါများကိုလည်း ကာကွယ်ပေးနိုင်ပါတယ်။

၃။အစာအိမ်အချဉ်ပေါက်မှုကို လျော့နည်းစေခြင်း

ဖန်ခါးသီးကိုစားသုံးခြင်းဖြင့် အစာအိမ်အချဉ်ပေါက်မှုကို လျော့နည်းစေခြင်း၊ အစာအိမ်တွင် အနာဖြစ်မှုကိုကာကွယ်ပေးခြင်း၊ အစာအိမ်ရောင်ရမ်းမှုကိုကာကွယ်ပေးနိုင်သောအကျည့်အချွဲများကို ထုတ်လုပ်ပေးနိုင်သောကြောင့် အစာအိမ်ရောဂါများကိုကာကွယ်ပေးနိုင်ပါသည်။

၄။ဆီးချိုရောဂါကိုကာကွယ်ပေးခြင်း

သွေးအတွင်း glucose levels မြှင့်တင်ပေးခြင်းနှင့် သကြားဓာတ်သွေးထဲဝင်မှုကို ထိန်းညှိပေးနိုင်ပါတယ်။ ဖန်ခါးသီးတွင် chedulic ပါဝင်ခြင်းကြောင့် သွေးအတွင်းသကြားဓာတ်ပါဝင်မှုကိုလျော့နည်းစေခြင်းဖြစ်ပါတယ်။

၅။ကိုယ်အလေးချိန်ထိန်းညှိပေးခြင်း

ဖန်ခါးသီးကိုပုံမှန်စားသုံးခြင်းဖြင့် အဝလွန်သူများအတွက် ဝိတ်ချရာတွင် အလွန်အသုံးဝင်ပါတယ်။

၆။အမြင်အာရုံကို ကောင်းမွန်စေခြင်း

ဖန်ခါးသီးကိုစားသုံးခြင်းအားဖြင့် အမြင်အာရုံကိုကောင်းမွန်စေပါတယ်။ ဖန်ခါးသီးကိုထု၍ ၁ ညရေစိမ်ပြီး ထိုရေကြည်ဖြင့်မျက်စိကိုဆေးပေးပါက မျက်စိနာကျင်ကိုက်ခဲခြင်းကို ပျောက်ကင်းစေနိုင်ပါတယ်။ဖန်ခါးရေဟာ အကိုက်အခဲပျောက်စေခြင်း၊ ရောင်ရမ်းနာကျင်ခြင်းနှင့် မျက်စိအမြှေးရောင်ခြင်း တို့ကိုသက်သာပျောက်ကင်းစေနိုင်ပါတယ်။

ကျန်းမာရေးအတွက်များစွာအထောက်အကူပြုတဲ့ဖန်ခါးသီးကို အလှအပအတွက်လည်းအသုံးပြုနိုင်ပါတယ်။ ဝက်ခြံအမြစ်မထွက်သော် ဖန်ခါးသီးအစေ့ကို ဆန်ဆေးရည်နှင့်သွေးလိမ်းပေးပါ။ အရေပြားရောဂါများကိုလည်း သက်သာပျောက်ကင်းစေနိုင်ပါတယ်။ ဖန်ခါးသီးကိုပြုလုပ်၍ ခေါင်းလိမ်းဆီအဖြစ်အသုံးပြုနိုင်ပါတယ်။ ဖန်ခါးသီးအခြောက်မှုန့်ကိုပျားရည်ဖြင့် ရောသောက်ပါက အဆုတ်ရောဂါကိုကာကွယ်ပေးနိုင်ပါတယ်။ မီးယပ်ဆေး၊ ဒူလာဆေး၊ လိပ်ခေါင်းဆေးများဖော်စပ်ရာတွင် ဖန်ခါးရွက်ကိုထည့်သွင်းအသုံးပြုနိုင်ပါတယ်။

ဖန်ခါးသီးကိုတို့စရာအဖြစ်သာစားသုံးနေကြပါတယ်။ ကျန်းမာရေးကိုများစွာအထောက်အကူပြုပေးတဲ့ ဖန်ခါးသီးရဲ့အကျိုးအာနိသင်များကို သိရှိစေရန်ရည်ရွယ်၍ ရေးသားလိုက်ပါတယ်။

လင်းလင်းထွန်း

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်