ပေါင်းပင်တဖြစ်လည်း ထိကရုန်း

ထိကရုန်းပင်ကို နေရာတိုင်းမှာ တွေ့မြင်ရတတ်ပါသည်။ ငယ်စဉ်က "ပြာတာလာပြီ။ အိပ်အိပ်" ဟုဆိုကာ ထိုအပင်ကလေးများဖြင့် ကစားခဲ့ကြသည်များလည်းရှိခဲ့ကြသည်။ ထိကရုန်းသည် မျိုးရင်းအားဖြင့် (MIMOSACEAE) ဆူးဖြူမျိုးရင်းဖြစ်သည်။ ရုက္ခဗေဒအမည်မှာ (Minosa Pudica L.,) ဟုခေါ်ကြသည်။ အင်္ဂလိပ်တို့ကမူ (Sensitive plant, Touch-Me-Not) ဟုအမည်နှစ်မျိုးဖြင့် ခေါ်ကြသေးသည်။

မြန်မာနိုင်ငံအနှံ့အပြားတွင် သဘာဝအလျောက် ပေါက်ရောက်ကြသည်။ အရွက်၊ အမြစ်၊ ပဉ္စငါးပါးကို သုံးကြသည်။

မြန်မာ့ဆေးကျမ်းများ၌ ထိကရုန်းသည် ခါးဖန်သောအရသာရှိသည်။ အေးသော သတ္တိရှိသည်။ သလိပ်သည်းခြေကို ငြိမ်းစေသည်။ သွေးအန်သွေးကျရောဂါ၊ ဆီးရောဂါ၊ ဝမ်းသပ်ရောဂါ တို့ကို ပျောက်ကင်းစေ၏။ အိပ်မပျော်သောရောဂါကိုလည်း ပျောက်စေ၏။ ဝမ်းချုပ်ရောဂါ၊ ပိတ်ဝမ်းရောဂါ၊ သွေးမြင်းသရိုက်ရောဂါတို့ကို ပျောက်စေနိုင်၏။ ထိခိုက်မိခြင်းကြောင့်ဖြစ်သော ရောဂါများ၊ ဖောရောင်သောရောဂါတို့ကို ချမ်းသာစေနိုင်၏။

အစေ့သည် သုတ်အားနည်းရောဂါ၊ မီးယပ်ရောဂါတို့၌ ကောင်း၏။ သွေးကို တိတ်စေတတ်၏။ ထိခိုက်ဒဏ်ရာများ၊ အနားများတွင် လိမ်းပေးပါက အသားနုတက်၍ အမြန်ပျောက်ကင်း၏။ ဂရင်ဂျီနာနှင့် သင့်၏။

ကုန်းထိကရုန်း၊ ရေထိကရုန်း ဟူ၍ နှစ်မျိုးရှိ၏။ ကုန်းထိကရုန်းကို ဆေးဝါးအဖြစ်သုံးကြ၏။ ရေထိကရုန်းကို အာဟာရအဖြစ် စားကြ၏။

ရေထိကရုန်းသည် ဆီးအလွန်ကောင်းသည်။ ရေငတ်ရောဂါကို ပျောက်ကင်းစေသည်။ ကြက်သွန်ဖြူဖြင့် ကြော်စားပါက ပိတ်ဝမ်းရောဂါ၊ ဝမ်းသပ်ရောဂါတို့ကို သက်သာပျောက်ကင်းစေ၏ဟု ဖွင့်ဆိုကြသည်။

အသုံးပြုပုံ

- ဆီးရောဂါများအတွက် အရွက်ကို ကြိတ်၍ ဆီးခုံတွင် အုံပေးပါက ပျောက်ကင်းစေ၏။

- ဆီးကျောက်တည်ရောဂါအတွက် ထိကရုန်းအဖြစ်ကို ပြုတ်သောက်ခြင်းဖြင့် ဆီးကျောက်ပျော်၍ ကွဲကျစေသည်။

- အနာအမြစ်ကျွတ်စေရန် ထိကရုန်းမြစ် သွေးလိမ်းရသည်။ လိပ်ခေါင်းရောဂါအတွက် ပဥ္ဂငါးပါးကို ပြာချပြီးအုန်းဆီဖြင့် လိမ်းပေးပါက ပျောက်ကင်းစေသည်။ ပဥ္စငါးပါးပြုတ်၍ မှိုင်းခံခြင်းဖြင့် သက်သာစေသည်။

- နှင်းခူရောဂါအတွက် ပဉ္စငါးပါး အကျွမ်းလျှော်ပြီး အမှုန့်လုပ်ပါ။ အုန်းဆီဖြင့် ဖျော်လိမ်းပေးရ၏။

- ရောင်ရမ်းခြင်း၊ ဖောရောင်ခြင်းများအတွက် ပဉ္စငါးပါးကြိတ်ရည်ကို ပြစ်ပြစ်လိမ်းပေးပါက သက်သာစေသည်။

- အလင်းရောင် မကြည်နိုင်သော မျက်စိနာများအတွက် ထိကရုန်း ပဉ္စငါးပါးကို ရေစင်အောင် ဆေးပါ။ ရေစိမ်ထားပါ။ ၎င်းစိမ်ထားသောရေဖြင့် မျက်စိ စိမ်ပေးလျှင် သက်သာပျောက်ကင်းစေသည်။

- အသားဝါရောဂါအတွက် ထိကရုန်းပဉ္စငါးပါး ငါးကျပ်သားနှင့် ဝက်သဲ နှစ်ကျပ်သားကို ပြုတ်တိုက်ပါက သက်သာပျောက်ကင်းစေနိုင်သည်။

- ညောင်းကျရောဂါအတွက် ထိကရုန်းပြုတ်ရည် ကော်ဖီပန်းကန်တစ်လုံး၊ သကြားတစ်ဇွန်း၊ ဒိန်ချဉ်လက်ဖက်ရည် တစ်ဇွန်းကို မှန်မှန်သောက်ပေးပါက သက်သာပျောက်ကင်းစေ၏။

- မြင်းသရိုက်၊ လိပ်ခေါင်းရောဂါအတွက် အရွက်ကို အမှုန့်ပြုပြီး နို့ဖြင့် သောက်လျှင် ပျောက်ကင်းသက်သာစေသည်။

- သွေးအံ၊ သွေးကျ၊ ပန်းနာ ကာကွယ်ဆေး၊ ဝမ်းရောဂါပျောက်ဆေး၊ အားတိုးဆေးအဖြစ် ဖော်စပ်အသုံးပြု၏။

- ကြပ်ပတီးနာ၌ အရည်ကို လိမ်းကြသည်။

- နှာစေးရောဂါ၌ အမြစ်ကို သွေးပြီး ရှူစေရ၏။

- ကလေးများ တက်သောရောဂါ၌ ပဉ္စငါးပါး အရည်ကိုတိုက်ခြင်း၊ လိမ်းခြင်းဖြင့် သက်သာစေ၏။

- အနာဝ ကျယ်များကို ပဉ္စငါးပါး ပြာချ၍ အုန်းဆီဖြင့် လိမ်းပေးရ၏။

ကိုယ့်ရဲ့စိုက်ခင်းတွေမှာ ပေါက်နေတဲ့ ပေါင်းပင်တဖြစ် ဆေးဖက်ဝင်တဲ့ ထိကရုန်းပင် များကိုရှင်းလင်းပြီး အသုံးတည့်စွာသုံးနိုင်ကြပါစေရှင်။

ရှေးရိုးစဉ်လာမြန်မာ့တိုင်းရင်းဆေးပညာ နှင့် ဆေးဖက်ဝင်အပင်များ

ရဲသိဒ္ဓ စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...