ထင်းရှူးရွက်ရေနွေးကြမ်းရဲ့ ကျန်းမာရေးအာနိသင်

ထင်းရှူးပင်က တစ်ပင်လုံးနီးပါး ဆေးဖက်ဝင်ပြီး ကျန်းမာရေးအတွက်လည်း အထောက်အကူပြုပါတယ်။

ထင်းရှူးရွက်ရေနွေးကြမ်း

လတ်ဆတ်တဲ့ ထင်းရှူးရွက်လေးတွေကို ရေသေချာစင်အောင် ဆေးပြီး ရေစစ်ထားပါ။ ပြီးရင် ရေနွေးဆူဆူကို ခွက်တစ်လုံးထဲ ထည့်လိုက်ပါ။ ပြီးရင် ထင်းရှူးရွက်ကို သင့်တော်သလောက် ထည့်ပြီး ခဏ သိမ်ထားပါ။

ပြီးရင်တော့ ရေနွေးကြမ်းလေးလို သောက်လို့ ရပါပြီ။

ထင်းရှူးရွက် ရေနွေးကြမ်း သောက်တဲ့အခါ

ထင်းရှူးရွက်ရေနွေးကြမ်း သောက်တဲ့အခါ အခုလို အကျိုးကျေးဇူးတွေ ရရှိနိုင်ပါတယ်။

ဗီတာမင် C ကြွယ်ဝတယ်

ထင်းရှူးရွက် ရေနွေးကြမ်းမှာ လိမ္မော်သီး ဖျော်ရည်ထက် ဗီတာမင် ၄ ဆ ကနေ ၅ ဆကျော်လောက် ပိုများများ ပါဝင်နေပါတယ်။ ဗီတာမင် C ချို့တဲ့မှုကို ကာကွယ်ပေးပြီး ကိုယ်ခံအားကောင်းစေဖို့လည်း ထောက်ကူပေးပါတယ်။

ဓာတ်တိုးဆန့်ကျင် အာနိသင်ကြွယ်ဝတာကြောင့် ဓာတ်တိုးပစ္စည်းတွေကြောင့် ထိခိုက်မှုမဖြစ်စေဖို့ ကာကွယ်ပေးပါတယ်။

အမြင်အာရုံ ကျန်းမာစေနိုင်တယ်

ထင်းရှူးရွက်ရေနွေးကြမ်းမှာ ဗီတာမင် A ပါဝင်နေပါတယ်။ ဗီတာမင် A ရော ဗီတာမင် C ပါ ပါဝင်နေတာကြောင့် အမြင်အာရုံ ကျန်းမာစေဖို့ အကောင်းဆုံး ထောက်ကူပေးနိုင်ပါတယ်။

အသက်အရွယ်ကြောင့် အမြင်အာရုံထိခိုက်တာမျိုး မဖြစ်စေဖို့လည်း ကာကွယ်ပေးပါတယ်။ အမြင်လွှာ ကျန်းမာစေဖို့လည်း ထောက်ကူပေးနိုင်ပါတယ်။

အသက်ရှုလမ်းကြောင်း ကျန်းမာစေတယ်

အသက်ရှူ လမ်းကြောင်း ကျန်းမာပြီး ချောင်းဆိုး၊ ရင်ကြပ်တာနဲ့ လေပြွန်ရောင်တာတွေ သက်သာစေဖို့ ဆိုရင် ထင်းရှူးရွက် ရေနွေးကြမ်း ကို သောက်သုံးပေးလို့ ရပါတယ်။ နှာစေးနှာပိတ်တာ သက်သာစေဖို့အတွက်လည်း အသုံးပြုပေးလို့ ရပါတယ်။

ကိုယ်အလေးချိန် ထိန်းပေးတယ်

ထင်းရှူးရွက်ရေနွေးကြမ်းက အဝလွန်တာမျိုး ရှိသင့်တဲ့ကိုယ်အလေးချိန်ထက်များတာမျိုး မဖြစ်စေဖို့ ကာကွယ်ပေးသလို ဝိတ်ကျစေဖို့လည်း ကူညီပေးနိုင်ပါတယ်။

ဓာတ်တိုးဆန့်ကျင်အာနိသင် ကြွယ်ဝတာက ကိုယ်အလေးချိန်ကျစေဖို့ ကူညီပေးနိုင်ပါတယ်။

ဓာတ်တိုးဆန့်ကျင်ပစ္စည်း ကြွယ်ဝတယ်

ထင်းရှူးရွက်ရေနွေးကြမ်းမှာ ဓာတ်တိုးဆန့်ကျင်ပစ္စည်းတွေ ကြွယ်ဝစွာပါဝင်နေတာကြောင့် ဓာတ်တိုးပစ္စည်းတွေကြောင့် နာတာရှည်ရောဂါတွေ မဖြစ်စေဖို့ ကာကွယ်ပေးနိုင်ပါတယ်။ ကင်ဆာမဖြစ်စေဖို့လည်း ကာကွယ်ပေးနိုင်ပါတယ်။

နှလုံး ကျန်းမာစေနိုင်တယ်

ထင်းရှူးရွက်ရေနွေးကြမ်းရဲ့ နောက်ထပ် ကျန်းမာရေးအကျိုးကျေးဇူးတစ်ရပ်က သွေးတွင်းကိုလက်စထရောကိုကျစေပြီး နှလုံးကျန်းမာစေဖို့ ထောက်ကူပေးနိုင်တာပါ။ နှလုံးသွေးကြောရောဂါတွေ မဖြစ်စေဖို့ ကာကွယ်ပေးနိုင်ပါတယ်။

သိမြင်မှု စွမ်းရည် ကောင်းစေနိုင်တယ်

ထင်းရှူးရွက်ရေနွေးကြမ်းမှာ ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်နေတာကြောင့် အာရုံကြောတွေကို ကျန်းမာစေပြီး သိမြင်မှု စွမ်းရည် ကျဆင်းတာမျိုးမဖြစ်စေဖို့ ကာကွယ်ပေးနိုင်ပါတယ်။ မှတ်ဉာဏ်ကောင်းစေဖို့လည်း ထောက်ကူပေးနိုင်ပါတယ်။

ကဲ …….ထင်းရှူးရွက်ရေနွေးကြမ်း က သောက်လည်း သောက်လို့ရသလို အခုလိုလည်း ကျန်းမာရေး အကျိုးကျေးဇူးတွေလည်း ရရှိစေနိုင်ပါတယ်။

Hello ဆရာဝန် ဝက်ဆိုဒ်မှ ကူးယူဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်