ကြောင်လျှာပင် ဘယ်လိုပျိုးမလဲ

ကြောင်လျှာပင်က ပင်ပျော့ဖြစ်လို့ လိင်မဲ့မျိုးပွားခြင်းနည်းနဲ့ အမြဲတမ်းလုပ်လို့ အဆင်မပြေလှပါဘူး။ အကောင်းဆုံးနည်းကတော့ အစေ့ကနေ အပင်ဖောက်ပြီးစိုက်ခြင်းပဲ ဖြစ်ပါတယ်။ စိုက်ဖို့အတွက်ဆိုရင်တော့ ရင့်နေတဲ့အသီးကနေ အစေ့ကိုယူရပါမယ်။ အဲ့အစေ့ကို ၂ လမှ ၃ လကြာ သိမ်းထားရပါမယ်။ ဘာလို့သိမ်းထားရတာလည်းဆိုတော့ ကြောင်လျှာသီးတွေက ရင့်ပြီးတဲ့နောက်မှာ အချိန်ခဏလောက် dormancy (မျိုးစေ့အောင်း/ မျိုးစေ့ငုပ်လျှိုးကာလ) ဝင်တတ်လို့ပါ။ အသီးရင့်ပြီးပြီးချင်းမှာသာ မျိုးစေ့ယူပြီး ချက်ချင်းစိုက်ခဲ့မယ်ဆိုရင် မျိုးစေ့အောင်နှုန်း နိမ့်ကျသွားမှာ ဖြစ်ပါတယ်။

၂ လ ၃ လ ကြာပြီးတဲ့နောက်မှာတော့ မျိုးယူထားတဲ့အစေ့ကို ပျိုးအိတ်ထဲမှာ ထည့်စိုက်ရမှာဖြစ်ပါတယ်။ ဘာလို့ဆို အပင်ပေါက်လာတဲ့အခါ စိုက်မယ့်နေရာဆီသို့ အလွယ်တကူ ပြောင်းစိုက်နိုင်စေဖို့ပဲ ဖြစ်ပါတယ်။ မျိုးစေ့ထည့်ထားတဲ့ပျိုးအိတ်ကို နေပူထဲမထားသင့်ပါဘူး။ နေပူထဲမှာသာ ၂ ရက် ၃ ရက်လောက် ထားခဲ့မယ်ဆိုရင် အစေ့ကခြောက်ပြီး အပင်ပေါက်လာနိုင်မှာ မဟုတ်တော့ပါဘူး။ ပျိုးအိတ်ပြင်ဆင်ဖို့အတွက် မြေကို သဘာဝမြေဩဇာတွေ မြေဆွေးတွေ တိရိစ္ဆာန်ချေးတွေ အစရှိတာတွေနဲ့ရောပြီး သေချာပြင်ဆင်ထားပေးရပါမယ်။ တကယ်လို့ အဲ့လိုသေချာပြင်ဖို့မရှိခဲ့ရင်တော့ မြေကြီးတစ်ဆ မြေဆွေး ၃ ဆနဲ့ရောပြီး ပျိုးအိတ်ထဲထည့်ရပါမယ်။ ပြီးရင်တော့ မျိုးစေ့ကိုသေချာထည့်ပြီး ပြန်ဖုံးပေးရပါမယ်။ ရေကိုတော့ အညှောင့်မထွက်မချင်း နေ့တိုင်းလောင်းပေးရပါမယ်။ အညှောင့်ပေါက်ပြီး အပင်သေချာကြီးထွားနေပြီဆိုရင်တော့ ကိုယ်စိုက်ချင်တဲ့နေရာ ဒါမှမဟုတ် စိုက်ခင်းကို ပြောင်းရွှေ့စိုက်ပျိုးနိုင်ပါပြီ။

ပြောင်းရွှေ့စိုက်ပျိုးခြင်းကိုတော့ မိုးရာသီအစောပိုင်းကာလတွေမှာ ပြုလုပ်တတ်ကြပါတယ်။ ပင်ကြားတန်းကြားကိုတော့ ၄ မီတာပတ်လည်ထားပြီး စိုက်ပျိုးနိုင်ပါတယ်။ စိုက်ကျင်းကိုတော့ ၃၀ စင်တီမီတာအကျယ်၊ ၃၀ စင်တီမီတာအနက်ရှိတဲ့ ကျင်းတူးပေးရမှာ ဖြစ်ပါတယ်။ အဲ့ဒီ စိုက်ကျင်းထဲကို လက် ၃ ဆုပ်ကနေ ၅ ဆုပ်စာ နွားချေးဆွေးနဲ့ ၁၅ပတ်လည် လက်တစ်ဆုပ်စာတို့ကို ထည့်ပေးရပါမယ်။ ပြီးရင်တော့ မြေကြီးနဲ့ ရောပစ်ရမှာဖြစ်ပါတယ်။ ရောပြီးသွားရင်တော့ ပျိုးပင်ကို ကျင်းထဲထည့်ပြီး စိုက်ပေးရမှာ ဖြစ်ပါတယ်။

မိုးရာသီမှာ ပြောင်းစိုက်ထားတာမလို့ ကြောင်လျှာပင်ပေါက်ဟာ အများကြီး ပြုစုစရာမလိုဘဲ ကောင်းကောင်းကြီးထွားနိုင်ပါတယ်။ တကယ်လို့ ခြောက်သွေ့တဲ့ရာသီတွေ ဖြစ်နေရင်တောင်မှ ရှင်သန်နိုင်စွမ်းရှိပါတယ်။ စီးပွားဖြစ်စိုက်မယ်ဆိုရင်တော့ နွားချေးထည့်တာတွေကို ပေါင်းရှင်းရင်းနဲ့ လုပ်ပေးနိုင်ပါတယ်။ ဓာတုမြေဩဇာတွေ ကျွေးချင်ရင်လည်း ကျွေးနိုင်ပါတယ်။ ပြောင်းမစိုက်ခင်ကတည်းက မြေခံမှာ ၁၅ ပတ်လည် ထည့်ပြီးသားမို့ အထွေအထူး ထပ်မထည့်လည်းရပါတယ်။ ။

Reference: https://plantforherb.com/oroxylum-indicum/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ