အစိမ်းရောင်လမ်း (Green Way) မှာ သိချင်တာတွေ ဘယ်လိုရှာဖွေကြမလဲ

အစိမ်းရောင်လမ်း(Green Way App) မှာ ကိုယ်သိချင်တာတွေရှိပေမဲ့ တစ်ခုချင်းစီ လိုက်ရှာဝင်ဖို့အခက်အခဲရှိတယ် ဆိုရင် ညာဘက်အပေါ်ထောင့်လေးမှာရှိတဲ့ မှန်ဘီလူးပုံစံလေးကိုနှိပ်ပြီး ကိုယ်သိချင်တာတွေကို တိုက်ရိုက်စာရိုက် ပြီး ရှာဖွေလို့ရပါတယ်။

ဒီထဲကို ဝင်ရှာတဲ့နေရာမှာ မှားယွင်းမှုတချို့ကြောင့် ရှာမရတာမျိုးတွေ ဖြစ်နေကြတာလည်းတွေ့ရပါတယ်။ ဒါကြောင့် ရှာဖွေလိုသူတွေအနေနဲ့ အောက်ပါလမ်းညွှန်ချက်လေးတွေအတိုင်း ရှာဖွေပေးကြဖို့ အကြံပြုလို ပါတယ်။

Key words ဖြင့် ရှာဖွေရာတွင် အမှားအယွင်းဖြစ်တတ်ခြင်းအချို့

1. စာလုံးပေါင်းသတ်ပုံမှားခြင်း (ဥပမာ - ကဏန်းကို ‘ဂဏန်းဟုမှားခြင်း၊ ငရုတ်သီးကို ‘ငရုပ်သီး’ ‘ငြုပ်သီး’ ဟု မှားခြင်း စသည်...)
2. စာရိုက်ရှာရာတွင် ၃ ချက်မပြည့်ခြင်း ( ဥပမာ - ‘ဘဲ’ ဟုရိုက်ရှာရာတွင် ‘ဘကုန်း’ နှင့် ‘နောက်ပစ်’ အတွက် စာရိုက်ချက် ၂ ချက်သာရှိသဖြင့် Space bar တစ်ချက်ပုတ်ပေးရန်လိုပါသည်)
3. ဖောင့်မမှန်ခြင်း (Unicode font ဖြစ်ရမည်ဖြစ်ပြီး Zawgyi font ဖြင့် ရိုက်ရှာမည်ဆိုပါက မရနိုင်ပါ)
4. စာရေးဆရာနာမည်ဖြင့်ရှာပါက တချို့က အင်္ဂလိပ်လိုဖြစ်ပြီး တချို့က မြန်မာနာမည်ဖြင့်ဖြစ်ပါသည်။ (တစ်ခုမရပါက နောက်တစ်မျိုးပြောင်းရှာပေးပါရန် အကြံပြုလိုပါသည်)
5. မေးခွန်းများမေးခြင်း (မည်သည့်မေးခွန်းမဆို အမေးအဖြေကဏ္ဍတွင်သာ မေးပေးပါရန်)
6. ဈေးနှုန်းများမေးခြင်း (နေ့စဉ်ဈေးနှုန်းများကဏ္ဍတွင် ဝင်ရောက်ကြည့်ရှုနိုင်ပါသည်)

ရှာလိုသည့်ကဏ္ဍများအတွက် အကြံပြုလိုသည့် key word များ

1. စပါးနှင့်ပတ်သက်သည်များသိလိုပါက ( စပါး၊ စပါးပိုး၊ စပါးရောဂါ၊ စပါးပေါင်း၊ ပိုးနှင့်ရောဂါနာမည်အတိအကျ၊ ပေါင်းမြက်နာမည်အတိအကျ၊ စပါးဈေးကွက် စသဖြင့်...)
2. မတ်ပဲနှင့်ပတ်သက်သည်များသိလိုပါက ( ‘မတ်ပဲ’ နာမည်တစ်လုံးရှာရုံဖြင့် အတော်များများ ရှာနိုင်ပါလိမ့်မည်။  ပိုးနာမည်၊ ရောဂါနာမည် အတိအကျများ... စသဖြင့်...)
3. (အခြားပဲမျိုးစုံ၊ ငရုတ်ကဲ့သို့ အခြားသီးနှံများအတွက် ရှာဖွေလိုပါကလည်း အထက်ပါ မတ်ပဲအတွက် ရှာဖွေနည်းလမ်းညွှန်ချက်များအတိုင်း ရှာဖွေနိုင်ပါသည်)
4. မွေးမြူရေးအတွက်ရှာဖွေလိုပါက ( သက်ဆိုင်ရာတိရစ္ဆာန်နာမည်များဖြစ်သည့် ငါး၊ ပုစွန်၊ နွား၊ ဆိတ်၊ ဝက် ၊ ကြက် အစရှိသဖြင့် ရှာဖွေနိုင်ပါသည်။ ဘဲ အတွက်ဆိုပါကတော့ Space bar တစ်ချက်ထပ်ပုတ်ပေးရန် လိုအပ်ပါမည်။ ရောဂါနာမည်များအတိအကျဖြင့်လည်း ရှာဖွေနိုင်ပါသည်)
5. အာဟာရနှင့်ကျန်းမာရေး၊ အခြားအထွေထွေ ဗဟုသုတများအတွက်ဆိုပါကလည်း သိလိုသည်များကို စာလုံးပေါင်းသတ်ပုံမှန်မှန်ဖြင့်ရှာဖွေပါက ရနိုင်ပါသည်။

ကဏ္ဍအလိုက် key word တန်းရိုက်ပြီး ရှာဖွေလိုပါက...

• မြေဆီလွှာ
• အပင်အာဟာရ
• စိုက်ပျိုးနည်း
• ပိုးမွှားရောဂါ
• စိုက်ပျိုးစီးပွား
• ခေတ်သစ်စိုက်ပျိုးရေး
• ရိတ်သိမ်းချိန်လွန်နည်းပညာ
• တန်ဖိုးမြှင့်ထုတ်ကုန်
• စိုက်ပျိုးရေ
• စိုက်ပျိုးဗဟုသုတ

စသဖြင့် တိုက်ရိုက်ရှာဖွေနိုင်ပါသည်။ ယင်းသို့မဟုတ်ပါကလည်း Home page ထဲဝင်၍ အဆိုပါကဏ္ဍများကို တိုက်ရိုက်နှိပ်ပြီးလည်း ဝင်ရောက်နိုင်ပါသည်။ အလားတူ မွေးမြူနည်းပညာ၊ ရေလုပ်ငန်းနည်းပညာ၊ အထွေထွေ ဗဟုသုတများကိုလည်း တိုက်ရိုက်ဝင်ရောက်၍ဖြစ်စေ၊ key word ဖြင့်ရိုက်ရှာပြီးဖြစ်စေ ဝင်ရောက်နိုင်ပါသည်။

(တချို့ကတော့ မရှိသေးတာတွေဖြစ်နေလို့ မကျတာမျိုးဖြစ်နိုင်ပါတယ်။ ဒါဆိုရင်တော့ သိလိုတာ၊ တင်ပေးစေချင်တာတွေ ကို အမေးအဖြေကဏ္ဍ သို့မဟုတ် အစိမ်းရောင်လမ်းကို တိုက်ရိုက်ဆက်သွယ်ပြီး တောင်းဆို အကြံပြုနိုင်ပါတယ်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်