ကိုယ်ခံစွမ်းအားမြင့်စေသည့် မိုက်ခရိုဂရင်းများ

မြေညံ့ကိုပြောင်းပေးပြီး သီးနှံဖြစ်ထွန်းစေမယ့် ဇီဝမြေသြဇာ (သို့) အာဘာစကူလာ မိုက်ကိုရိုက်ဇာမှို အပိုင်း (၉၃)

စားမှိုစိုက်ပြီးပွားစာဆွေးများကို မိုက်ခရိုဂရင်းရွက်မှန်စုံ ပျိုးပင်ပေါက်ခင်း များတွင် သုံးစွဲခြင်း (၁၂)

စူပါအစားအစာဖြစ်ပြီး ကပ်ရောဂါ ကင်းလွတ်စနစ်ကောင်းစေသော ကိုယ်ခံစွမ်းအားမြင့်စေသည့် မိုက်ခရိုဂရင်းများ

ဆေးပညာရှင်များစွာ၏ လေ့လာတွေ့ရှိချက်အရ အန်တီအောက်ဆီးဒန့် ဖလေဗိုနွိုက်သည် ခန္ဓာကိုယ်တွင်း ကိုဗစ် ၁၉ ရောဂါ ပျံ့နှံ့မှုကို ဟန့်တားသည်။ ကပ်ရောဂါကင်းလွတ်စနစ် ကောင်းစေခြင်းသည် ဗိုက်တာမင် စီ၊ ဒီ၊ အီး၊ ဇင့်နှင့် ဖလေဗိုနွိုက်အချင်းချင်း ဆက်နွယ်နေသည်။ စားသုံးသူတစ်ဦးတည်းအတွက်ဖြစ်စေ၊ အစုအဝေးတွင်းမှာဖြစ်စေ ကိုဗစ် ၁၉ ရောဂါ ဖြစ်စဥ် ကူးစက်ကျရောက်မှု ဆန့်ကျင်သော ကွင်းဆက် ဖြစ်သည်။ အင်္ဂလန်နိုင်ငံမှ ပညာရှင် အာမက်နှင့် အဖွဲ့(၂ဝ၂၁) ၏ တွေ့ရှိချက်များသည် ကပ်ရောဂါ ကျရောက်သော ကာလ တစ်လျှောက်လုံး ထောက်ခံထားသော ဗိုက်တာမင်များချို့တဲ့မှု လျော့ကျရန်အတွက် စားသုံးသူများသည် ထောက်ခံထားသော ဓာတ်စာများကို ပုံမှန်စားသုံးသင့်သည်ဟု လမ်းပြထားသည်။ ရာနီနှင့် အဖွဲ့ (၂ဝ၂ဝ) က တင်ပြခဲ့သော ဖြည့်စွက်ဓာတ်စာ တမျိုးဖြစ်သော မိုက်ခရိုဂရင်းကို ဓာတ်စာအဖြစ် ပုံမှန်စားနေခြင်းသည် ကိုဗစ် ၁၉ ကပ်ရောဂါကင်းလွတ်ကာ ကိုယ်ခံစွမ်းအား မြင့်စေသည် ဟူသော တင်ပြချက်ကို ခိုင်မာစေသည်။ ကိုဗစ် ၁၉ ကပ်ရောဂါဖြစ်ပေါ်လာပြီးနောက် စားသုံးသူများသည် ကိုယ်ခံစွမ်းအား မြင့်စေသော အန်တီအောက်ဆီးဒန့်ကြွယ်ဝသော အစားအစာများ၊ ကျန်းမာရေးအထောက်အကူပြု ဖြည့်စွက်စာများ ပိုမိုစားသုံးမှု မြင့်တက်လာသည်။ ရာနီနှင့် အဖွဲ့ (၂ဝ၂ဝ) က တင်ပြခဲ့ သော တွေ့ရှိချက်များသည် (၁) မိုက်ခရိုဂရင်းသည် ဖြည့်စွက် ဓာတ်စာတစ်မျိုးဖြစ်သည်။ (၂) ဓာတ်စာ အန်တီအောက်ဆီးဒန့် ပါဝင်သည်။ ကိုဗစ် ၁၉ ကပ်ရောဂါကို ကိုယ်ခံအားကောင်းပြီး ကပ်ရောဂါကင်းလွတ်စနစ် ကောင်းစေ သော အာဟာရများပါဝင်သည်။ အဆီပါဝင်မှုနည်းသည်။ ကိုလက်စထရော မပါဝင်ပါ။ အူလမ်းကြောင်း ကောင်းစေသည်။ အကြောင်းရင်းကတော့ မိုက်ခရိုဂရင်းအများစုတွင် ကိုယ်ခံစွမ်းအား မြင့်စေသော ဓာတ်စာ အန်တီအောက်ဆီးဒန့်၊ ဗိုက်တာမင် ပါဝင်မှုနှုန်းသည် အရွယ်ရောက်အပင်များထက် အဆများစွာ မြင့်သောကြောင့်ဖြစ်သည်။

စူပါအစားအစာအဖြစ် လက်ခံထားသော အချို့မိုက်ခရိုဂရင်းများသည် ကပ်ရောဂါများကို ခံနိုင်သော ကိုယ်ခံစွမ်းအား မြင့်စေသည်။ ဘာကြောင့်လဲ..? ဘယ်လိုအာဟာရတွေပါလို့လဲ..?

မိုက်ခရိုဂရင်းစားခြင်းသည် အူလမ်းကြောင်းကျန်းမာရေးကို ကောင်းစေသည်။

၁။ မိုက်ခရိုဂရင်းတွင် ဓာတ်စာ အန်တီအောက်ဆီးဒန့်ပါသောကြောင့် ကပ်ရောဂါများကို တွန်းလှန်နိုင်သော ကိုယ်ခံစွမ်းအားမြင့်စေသည်။

၂။ မုံညင်းမုံလာမျိုးရင်းဝင် အပင်များအနက် အချို့သည် ဗိုက်တာမင်စီ၊ ဗိုက်တာမင် အီး၊ ဘီတာကယ်ရိုတင်း၊ ပိုလီဖီနောနှင့် အခြား ဇီဝဆိုင်ရာ ရောဂါဆန့်ကျင်ဓာတု ပစ္စည်းများပါဝင်သည်။

၃။ အူလမ်းကြောင်းကျန်းမာရေးကို ကောင်းစေသည်။

၃။ အခြား မိုက်ခရိုဂရင်းများတွင်လည်း ၎င်းကဲ့သို့ ကျန်းမာရေးအထောက်အကူပြု ပစ္စည်းများပါဝင်ပါသည်။ စူပါအစားအစာဟု ဖော်ပြထားသော မိုက်ခရိုဂရင်းများအနက် အောက်ပါ မိုက်ခရိုဂရင်းများတွင် ပါဝင်မှုမြင့်သဖြင့် ကပ်ရောဂါ ခံနိုင်သော (သို့မဟုတ်) ပြန်လည် ကျန်းမာသည့်ကိုယ်ခံစွမ်းအား မြင့်စေသော သုတေသနကို ကိုဗစ်ကပ်ရောဂါအပြီး ဆောင်ရွက်ပြီး အဖြေများထုတ်ခဲ့သည်။ ခေတ်နှင့်အညီ ဟင်းသီးဟင်းရွက် အပါအဝင် အစားအစာကို အစာလည်းဆေး ပုံစံဖြင့် စားလာကြသည်။

မိုက်ခရိုဂရင်းတွင် မည်သည့် ဓာတ်စာ အန်တီအောက်ဆီးဒန့်များစွာပါဝင်ပါလဲ? ဘယ်အတွက်ကောင်းတာလဲ?

ဘီတာ ကယ်ရိုတင်းပါခြင်း

စိုင်လန်ထရို /နံနံတွင်ပါသော ဘီတာ ကယ်ရိုတင်းသည် ဗိုက်တာမင် အေ သို့ ပြောင်းလဲပြီး ကပ်ရောဂါများကို တွန်းလှန်နိုင်သောကိုယ်ခံစွမ်းအား မြင့်စေသည်။ ဘီတာ ကယ်ရိုတင်း ပါဝင်မှုသည် ကယ်ရိုတီနွိုကပါဝင်မှုများစေပြီး လူတိန်း ပြင်းအား မြင့်စေသည်။ ကပ်ရောဂါများကို တွန်းလှန်နိုင်သောကိုယ်ခံစွမ်းအား မြင့်စေသည်။

ဗိုက်တာမင် စီ များစွာပါခြင်း

ဗိုက်တာမင် စီသည် ပန်းမုံလာအစိမ်း၊ ပဲနံ့သာ၊ မုံလာဥများတွင် ပါဝင်သည်။ ထို့အပြင် ရာသီအလိုက်ဖြစ်သာ အင်ဖလူရန်ဇာ ကပ်ရောဂါကို တွန်းလှန်နိုင်ပြီး ကိုယ်ခံစွမ်းအား မြင့်စေသည်။ မုံလာဥသည် အက်စကောဘစ်အက်ဆစ်၊ ဘီတာကယ်ရိုတင်း ပါဝင်မှုသည် အရွယ်ရောက် မုံလာထုတ်များထက် ပို မြင့်သည်။ ကယ်ရိုတီနွိုက်၊ အက်စကောဘစ်အက်ဆစ်၊ အမိုင်နိုအက်ဆစ် ၊ ဖီနောလစ်ကွန်ပေါင်း၊ ဖလေဗိုနွိုက်၊ အန်သိုစိုင်ရာနင် ပါဝင်မှုမြင့်သည်။ ဗိုက်တာမင် အေ၊ စီ၊ အီး၊ ကာဖိုဟိုက်ထရိတ်၊ ပရိုတင်ပါဝင်မှုမြင့်သည်။ အာဟာရဓာတ်ကေပါဝင်မှုသည် အရွယ်ရောက်ပင်များထက် အဆ ၄ဝ ပိုမြင့်သည်။ မုံလာဥတွင် ဗိုက်တာမင် အေ၊ စီ ၊ အမျှင်ဓာတ်ကြွယ်ဝစွာပါနေခြင်းသည် အစာခြေစနစ်ကို ကောင်းစွာ လုပ်ဆောင်ပေးနိုင်သည်။ ရောဂါဖြစ်ပြီး ပြန်လည်ထူထောင်မှု မြန်စေသည်။

ဗိုက်တာမင် ဘီ ၆ ပါခြင်း

ပဲနံ့သာတွင် ဗိုက်တာမင် ဘီ၉/ဖိုလိတ် ပါဝင်မှု မြင့်သည်။ အစာခြေအားကောင်းသည်? အူလမ်းကြောင်းကောင်းသည်။ ခန္ဓာကိုယ်တွင်းယောင်ရမ်းမှု သက်သာစေသည်။ အင်နာဂျီ ထုတ်သည်။ ပိုတက်စီယံ၊ မင်နရယ်၊ ဖီနောလစ်နှင့် ဖလေဗိုနွိုက် ထုတ်သည်။

ဇင့်ပါခြင်း

မိုက်ခရိုဂရင်း (ဘရိုကိုလီ/ပန်းမုံလာအစိမ်း) တွင် ဇင့်ပါဝင်မှုသည် မြင့်သည်။ ဖီနောလစ်ကွန်ပေါင်း (ဖလေဗိုနွိုက်) (အစိုချိန် ၁ဝဝ ဂရမ်တွင်ပါသော ဖီနော ၁၂.၆ မှ ၁၉.၃ မီလီဂရမ် ) သည် အရွယ်ရောက်အပင်များထက် ၁ဝ ဆပိုမိုပါဝင်သည်။ အူလမ်းကြောင်းနှင့် ပတ်သက်သော ရောဂါများ သက်သာသည်။ ကပ်ရောဂါများကို ခံနိုင်သောကိုယ်ခံစွမ်းအားမြင့်စေသည်။ ဘရိုကိုလီ မိုက်ခရိုဂရင်းများသည် ဘီတာ ကယ်ရိုတင်းနှင့် ကယ်ရိုတီနွိုက် ကြွယ်ဝသည်။ ပိုလီဖီနောဘီတာကယ်ရိုတီနွိုက် အန်တီအောက်ဆီးဒန့် ပါဝင်မှုမြင့်သည်။ ဘရိုကိုလီ မိုက်ခရိုဂရင်း အသက်ငယ်လေ စူပါအစားအစာ အရည်အသွေး ပြည့်ဝလေဖြစ်သည်။ ရောဂါဆန့်ကျင်ဓာတု ပစ္စည်းတမျိုးဖြစ်သော ဆာဖိုရာဖိန်း အများဆုံးပါသည်။ ဆဲလ်ပျက်စီးခြင်း၊ အဖုအကြိတ် ကြီးထွားမှုနှေးခြင်းနှင့် ရောင်ရမ်းမှုကို နှေးစေသည်။ သွေးတွင်းအချိုဓာတ် ကျစေသည်။

သုံးသပ်ချက်

မည်သို့ဆိုစေ ပိုမိုတိုးတက်ပြီး၊ အစားအစာ လုံခြုံ စိတ်ချရသော ဓာတုပစ္စည်း ယုံကြည်စွာစားသုံးနိုင်ကြောင်း၊ အလွှာအသီးသီးမှ စားသုံးသူများ စိတ်ဝင်စားဖို့လိုအပ်သည်။ စျေးနှုန်းသက်သာလွယ်ကူစွာ ဝယ်ယူနိုင်သော၊ ကိုယ်တိုင်စိုက်ပျိုးပြီး လတ်လတ် ဆတ်ဆတ် စားနိုင်ကြောင်း အသိပညာပေးခြင်း၊ သုတေသနတွေ့ရှိချက်များ ဖြန့်ဝေခြင်းများ ဆက်လက် လိုအပ်နေသေးသည်။ ကပ်ရောဂါ ဖြစ်ပေါ်ကာလတွင် စိတ်ငြိမ်စေသော စိုက်ရလွယ်သော မိုက်ခရို ဂရင်းများကို စိုက်ရန် အကြံပြု နှိုးဆော်ထားသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ကိုယ်ခံစွမ်းအားမြင့်စေသည့် မိုက်ခရိုဂရင်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကိုယ်ခံစွမ်းအားမြင့်စေသည့် မိုက်ခရိုဂရင်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

2014 အတွက်လိုက်နာရမယ့် အစားအသောက် စည်းမျဉ်းအသစ်တွေ

ကျန်းမာသန်စွမ်း အာဟာရဖွံ့ဖြိုးရန်အတွက် အိမ်ခြံဝန်း ဟင်းသီးဟင်းရွက် စိုက်ပျိုးခြင်း

{{ post.title }}