မြန်မာပဲမျိုးစုံကို ရူပီးငွေကြေးနဲ့ ဝယ်ယူခွင့်ရဖို့ အိန္ဒိယတောင်းဆို

အိန္ဒိယ-မြန်မာ နှစ်နိုင်ငံကုန်သွယ်ရေး မြှင့်တင်ဖို့လို့ဆိုပြီး မတ်ပဲ၊ ပဲစင်းငုံစတဲ့ ပဲမျိုးစုံ အဓိကရောင်းချ ပေးနေတဲ့ မြန်မာနဲ့ ကုန်သွယ်တဲ့အခါ ရူပီးငွေကြေးနဲ့ တိုက်ရိုက်ကုန်သွယ်ခွင့် ရရှိဖို့ အိန္ဒိယနိုင်ငံ ပဲမျိုးစုံနဲ့ ကောက်ပဲသီးနှံအသင်း (IPGA) က တောင်းဆိုလိုက်ပါတယ်။

အိန္ဒိယ-မြန်မာကုန်သွယ်ရေးကို နှစ်ဖက်နိုင်ငံက လုပ်ငန်းတွေကြား တိုက်ရိုက်ဆောင်ရွက်ဖို့ IPGA က တိုက်တွန်းခဲ့တာပါ။

လက်ရှိမှာ အိန္ဒိယနဲ့ မြန်မာကြား ပဲမျိုးစုံကုန်သွယ်မှုကို စင်္ကာပူလုပ်ငန်းတွေကတစ်ဆင့် အများစု ပြုလုပ်ပြီး အမေရိကန်ဒေါ်လာနဲ့ ရောင်းဝယ်တာ ဖြစ်ပါတယ်။

"ကျွန်တော်တို့ဟာ မြန်မာဆီက ပဲမျိုးစုံကို တင်သွင်းပြီး မြန်မာလယ်သမားတွေကို ထောက်ပံ့ကူညီ နေတာ ဖြစ်ပါတယ်။ ကျွန်တော်တို့အနေနဲ့ ကုန်သွယ်ရေးကို ရူပီးငွေကြေးနဲ့ ပြုလုပ်ခွင့်ရဖို့ တိုက်တွန်း လိုပါတယ်" လို့ IPGA ဥက္ကဋ္ဌ Bimal Kothari က Business Line သတင်းဌာနကို ပြောပါတယ်။

IPGA ဟာ မကြာသေးခင်တုန်းက မြန်မာအဖွဲ့ကို လက်ခံတွေ့ဆုံခဲ့ပြီး IPGA နဲ့ မြန်မာနိုင်ငံကြား ပူးပေါင်းဆောင်ရွက်နိုင်မယ့် အခွင့်အလမ်းတွေကို ဆွေးနွေးခဲ့တယ်လို့ သိရပါတယ်။

"နှစ်နိုင်ငံကြား ကုန်သွယ်ရေးဟာ အလျင်အမြန် ကြီးထွားလာမယ့် အလားအလာ ရှိနေပါတယ်။ နှစ်နိုင်ငံ ကုန်သွယ်ရေး ပိုကောင်းလာဖို့နဲ့ ကုန်သွယ်ပမာဏ တိုးလာစေဖို့အတွက် သွင်းကုန်ပို့ကုန်တွေကို အိန္ဒိယ နဲ့ မြန်မာမှာရှိတဲ့ လုပ်ငန်းတွေကြား တိုက်ရိုက်ဆောင်ရွက်ပြီး အိန္ဒိယရူပီးငွေကြေးနဲ့ အရောင်းအဝယ် လုပ်ဖို့ တိုက်တွန်းပါတယ်" လို့ Kothari က မြန်မာအဖွဲ့ကို ပြောပါတယ်။

အိန္ဒိယဟာ မြန်မာဆီက မတ်ပဲနဲ့ ပဲတီစိမ်း တင်သွင်းလာတာ ဆယ်စုနှစ် လေးစုကျော် ရှိနေပြီ ဖြစ်ပါ တယ်။ စင်္ကာပူအခြေစိုက်လုပ်ငန်းတွေကတစ်ဆင့် အရောင်းအဝယ် ပြုလုပ်တဲ့အခါ စရိတ်စကတွေ ပိုကုန်ကျတယ်လို့ Kothari က ပြောပါတယ်။

နှစ်နိုင်ငံကြား  ပဲမျိုးစုံကုန်သွယ်မှုဟာ အိန္ဒိယရဲ့ သွင်းကုန်မူဝါဒအပေါ် မူတည်နေပါတယ်။ လက်ရှိမှာ အိန္ဒိယက မတ်ပဲနဲ့ ပဲစင်းငုံစတဲ့ ပဲမျိုးစုံကို အခွန်ကင်းလွတ်ခွင့်ရကုန်စည်အဖြစ် ၂၀၂၃ မတ်လ ၃၁ ရက် နေ့အထိ သတ်မှတ်ထားပါတယ်။

လက်ရှိ ဘဏ္ဏာရေးနှစ်အတွင်း မြန်မာဆီက ပဲမျိုးစုံတင်သွင်းမှု တန်ဖိုးဟာ ဒေါ်လာ သန်း ၆၀၀ ဝန်းကျင် ရှိနိုင်ပြီး အဲဒီထဲမှာ မတ်ပဲ ဒေါ်လာ သန်း ၄၀၀-၄၅၀ ဖိုးနဲ့ ပဲစင်းငုံ ဒေါ်လာ သန်း ၁၅၀ ကျော်ဖိုး ပါဝင်တယ်လို့ Kothari က ပြောပါတယ်။

ဝေယံဟိန်း (B.Ag)

Ref: Pulses trade body IPGA makes a pitch for rupee-based trade with Myanmar -  - BusinessLine

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more