ဥစားကြက်မွေးမြူသူများ သိထားသင့်သည့်အချက်များနှင့် ဥစားကြက်အစာစပ်နည်း

ဥစားကြက်မွေးမြူတဲ့အခါမှာ “ဥ” ဥ နှုန်းကောင်းမွန်စေဖို့ဟာ အလွန်အရေးကြီးလှပါတယ်။ ဥကြက်မဒန်း တွေဟာ  (၅) လ ဝန်းကျင်မှာ ဥစမ်းလေ့ရှိပြီး ဥတွေသေးနေပါလိမ့်မယ်။ တဖြည်းဖြည်းနဲ့ ဥနှုန်းတိုးလာပြီး ဥအရွယ်အစား ပိုကြီးလာပါမယ်။ ဥချိန်ပုံမှန်ရောက်ဖို့နဲ့ အရွယ်အစားကြီးဖို့ ကြက်မဒန်း (၅) လသားကို  ကြက်လတ်စာကနေ ဥကြက်စာအဖြစ် ပြောင်းပြီးကျွေးရပါမယ်။

 အစာအချိုးအစားကတော့ နည်းနည်းပဲ ကွာပါတယ်။ စတင်‘ဥ’ဥတဲ့အရွယ်၊ ဥအရွယ်အစား၊ အရောင် အသွေးစတာတွေက ကြက်ကြီးမျိုးရိုးဗီဇ၊  ကျွေးတဲ့အစာ၊ ပြုစုထိန်းသိမ်းတဲ့ အပေါ်မူတည်ပါတယ်။ ရောဂါ ကျရောက်မှုမရှိဖို့လည်း အရေးကြီးလှပါတယ်။

ဥစားကြက်မွေးမြူသူတွေ သိထားသင့်တဲ့ တခြားအချက်တွေကတော့ 

၁။ အခင်းစနစ်နှင့် အကျယ်အဝန်း 

ဥကြက်တွေကို အခင်းထူစနစ်၊ ဝါးကြမ်းစနစ်တို့နဲ့ မွေးမြူကြပါတယ်။ ဥကြက်မတွေအတွက် ကြမ်းခင်း နေရာလုံလောက်ဖို့အရေးကြီးပါတယ်။ ဥကြက်မတစ်ကောင်အတွက် (၄) စတုရန်းပေအပြည့်ပေးဖို့ လိုပါလိမ့်မယ်။

၂။ ဥကျင်းနေရာနှင့် အကျယ်အဝန်း

ကြက်တွေမအုမီ မှောင်တဲ့အခန်းထောင့်ဘက်မှာ ဥကျင်းများထားပေးသင့်ပါတယ်။ ဥကျင်းမထားရင် ကြမ်းခင်းပေါ်မှာပဲ ဥကြပါလိမ့်မယ်။ ဥကျင်းတွေက ဥချင်စဖွယ်ဖြစ်ဖို့နဲ့ ဥမကွဲစေဖို့ အရေးကြီးပါတယ်။

ဥကျင်းတွေက အရှေ့အကျယ် ၁၂ သို့မဟုတ် ၁၄ လက်မ၊ ဘေးအရှည် ၁၄ သို့မဟုတ် ၁၆ လက်မ၊  ဒေါင်လိုက်အမြင့် ၁၄ လက်မဝန်းကျင် ရှိမယ်ဆိုရင် ကြက်မ ၅ ကောင်၊ ၆ ကောင် ဥနိုင်ပါတယ်။ ဥ ကြက်မ အကောင် (၁၀၀) အတွက် ဥကျင်း (၁၅) ကျင်း၊ ကျင်း (၂၀) လိုအပ်ပါတယ်။ 

ဥကျင်းတွေ  သန့်ရှင်းစေဖို့ ကောက်ရိုးလဲပေးတာ၊ ညဘက်ကြက်မတွေ ဝင်မအိပ်အောင် အပိတ်တွေလုပ် ပေးထားပါ။ 

၃။ အစာခွက်နှင့် အစာကျွေးနည်း

အစာခွက်တွေက ကြက်တွေလိုအပ်တဲ့ အစာပမာဏ အလုံအလောက် ထည့်နိုင်ဖို့၊ တစ်ပြိုင်တည်း အစာ ဝင်စားနိုင်ဖို့ လုံလောက်တဲ့ အကျယ်အဝန်းရှိရပါမယ်။ ဥကြက်တွေကအစာများပြီး  အဆီပိတ်ရင် ‘ဥ’ မဥ နိုင်ပါဘူး။ အစာကို တစ်နေ့တာတွက်ချက်ပြီး နှစ်ကြိမ်ခွဲကျွေးပါ။ 

အစာပုံးအရွယ်အစားပေါ်မူတည်ပြီး ကြက်တွေတပြိုင်နက်တည်း  စားနိုင်ဖို့ စီမံထားပေးရပါမယ်။ ဝါးစား ခွက်အသုံးပြုတဲ့အခါ အစာဖိတ်စင်မှု နည်းစေဖို့အတွက် အပြည့်မထည့်ဘဲတစ်ဝက်ပဲထည့်ပါ။ အစာခွက်၊ အစာပုံးတွေ ချိတ်ဆွဲရာမှာလည်း ကြက်ကျောကုန်းထက် မမြင့်ပါစေနဲ့။

၄။ ရေလုံလောက်စွာထားပေးခြင်း 

ခြံအပြင်မှာလည်း ဝါးသယောက် ရေခွက်တွေ နေရာဆံ့သလောက် ထားပေးသင့်ပါတယ်။ ရေမပြတ်ရှိဖို့၊ သန့်ရှင်းနေဖို့ လိုအပ်ပြီး ခြံထဲမှာ သတ္တုရေခွက်ကြီးတွေ ချထားဖို့လည်း လိုအပ်ပါတယ်။  ဒီလိုထားပေး ခြင်းက ခြံအတွင်း  ရေငွေ့ပျံစေပြီး အပူချိန်ကျစေမှာပါ။ 

နွေရာသီမှာ ရေခွက်တွေပိုချပေးထားတာက ကြက်တွေ အပူရှပ်ခြင်းက  ကာကွယ်ရာ ရောက်ပါတယ်။ ကြက်တွေမစင်စွန့်ရာမှာ ဆီးပါဝင်ခြင်း ကိုယ်ခန္ဓာအပူငွေ့ ထွက်ပြီး ရေငွေ့ပါပါ သွားတဲ့အတွက် ရေဓာတ် ဆုံးရှုံးရပါတယ်။အသက်ရှူထုတ်ရာမှာလည်း  ရေငွေ့ပါသွားတတ်ပါတယ်။ အဲ့ဒီအတွက်ရေလုံလောက် အောင်ထားပေးပါ။

ဥကြက်ခြံက ဥအစဉ်အမြဲထွက်နေဖို့ စီစဉ်ရမှာဖြစ်ပြီး ဥသက် (၆) လမှာ နောက်တစ်သုတ်ထပ်တင်မှ ဥတုံး ကြက်မတွေ  ထုတ်ပစ်ချိန်မှာ ဥဆက်တိုက်ရနေမှာဖြစ်ပါတယ်။ ဥတုံးကြက်မ ထုတ်ပြီးမှ ပြန်စရင် ဥပြတ် ပြီး လုပ်ငန်းနှောင့်နှေးစေပါတယ်။

တဆက်တည်းမှာပဲ ဥစားကြက်တွေကိုကျွေးဖို့ အစာစပ်နည်း လေးပါဖော်ပြပေးပါမယ်။

ရက်သားကြက်ငယ်အတွက်

ပြောင်းဖူး                - ၄၀%

ဆန်ကွဲ                    - ၂၀%

ဖွဲနု                          - ၁၁%

ပဲဖတ်                      - ၉ %

နှမ်းဖတ်                   - ၅ %

ငါးပေါင်း                 - ၁၅ %

ပရိုတိန်း                 - ၂၁%

စွမ်းအင်                 - ၂၉၀၀ kcal

၈ ပတ်သားမှ ၁၂ပတ်သားအတွက်

ပြောင်းဖူး          - ၄၅%

ဆန်ကွဲ              -၂၀%

ဖွဲနု                   - ၁၃%

ပဲဖတ်               - ၇%

နှမ်းဖတ်            -၅%

ငါး(ရိုးရိုး)           - ၈%

ခရု                    -၂%

ပရိုတိန်း            - ၁၇%

စွမ်းအင်            - ၂၈၇၆ kcal

၁၃ပတ်မှ ၁၆ပတ်သားအတွက်

ပြောင်းဖူး             - ၄၅%

ဆန်ကွဲ                 - ၁၈%

ဖွဲနု                       - ၉%

ပဲဖတ်                   - ၈%

နှမ်းဖတ်                - ၅%

ငါး(ရိုးရိုး)               - ၁၀%

ခရု                       - ၅%

ပရိုတိန်း                - ၁၇.၉%

စွမ်းအင်                 -၂၈၀၆ kcal တို့ကို ကျွေးရမှာဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်