ယခုနှစ်အတွင်း ဝဥစျေးနှုန်းများကျဆင်းနေ

18/11/2019 10:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ယခုလပိုင်းအတွင်း ဝဥစျေးနှုန်းများမှာကျဆင်းနေကြောင်း ချင်းပြည်နယ် ဝဥစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

ဝဥစျေးနှုန်းများမှာ အရင်နှစ်ကထက် ပြည်တွင်းဝယ်လိုအား ကျဆင်းနေတာကြောင့် စျေးနှုန်းများ ကျဆင်းနေတာဖြစ်တယ်လို့ ချင်းပြည်နယ် ဝဥစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ဝဥက အရင်နှစ်ကထက် စျေးနှုန်းလည်းမရဘူး။ အဓိကကတော့ ပြည်တွင်းဝယ်လိုအားကျဆင်းနေတာရယ်၊ စျေးကစားတာတွေကြောင့် ပြည်ပကလည်း ဝယ်လိုအားမရှိသေးတော့ စျေးကကျဆင်းလာတယ်။ ရေးတို့ ထားဝယ်တို့ကလည်း မလာသေးဘူး

ယခင်နှစ်က ဝဥတစ်ပိဿာကို ၁၂၀၀၀ ကျပ် ဝန်းကျင်ရရှိခဲ့သော်လည်း အခုနှစ်ပိုင်းအတွင်း ဝဥတစ်ပိဿာကို ၈၀၀၀ ကျပ်ဝန်းကျင်ရရှိပြီး စျေးနှုန်းကျဆင်းလာတာဖြစ်ကြောင်း အဆိုပါအသင်းမှ သိရပါတယ်။

ဝဥကို ချင်းပြည်နယ်မှာ အများဆုံးစိုက်ပျိုးတာဖြစ်ပြီး အခြားပြည်နယ်များမှာလည်း စိုက်ပျိုးတာဖြစ်ကြောင်း ချင်းပြည်နယ် ဝဥစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။ 

တိုးတိုးခိုင်(ABM)