ဧရာဝတီမြစ်ဝကျွန်းပေါ်ဒေသ စပါးမျိုးစေ့ရပ်ဝန်းနှင့် ချိတ်ဆက်လုပ်ဆောင်ခြင်း အခမ်းအနားကျင်းပ

17/06/2019 15:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

 တတိယအကြိမ် ဧရာဝတီမြစ်ဝကျွန်းပေါ်ဒေသ စပါးမျိုးစေ့ရပ်ဝန်းနှင့် ချိတ်ဆက်လုပ်ဆောင်ခြင်း အခမ်းအနားကို မနေ့က ပုသိမ်မြို့ ၊ ပုသိမ်ဟိုတယ်မှာ ကျင်းပခဲ့ကြောင်း သိရပါတယ်။

စပါးမျိုးစေ့ထုတ်လုပ်ဖွံ့ဖြိုးမှုတိုးတက်ရေးအတွက်အထောက်အကူပြုစေရန် ရည်ရွယ်ပြုလုပ်တာဖြစ်တယ်လို့ မြန်မာနိုင် ငံ ဆန်စပါးအသင်းချုပ်မှ ဒုတိယဥက္ကဌ ဦးသောင်းဝင်းကပြောပါတယ်။ 

“ဧရာဝတီတိုင်းမှာ မျိုးစေ့ထုတ်လုပ်မှု ဖွံ့ဖြိုးတိုးတက်ရေးကို အဓိကထားတာပေါ့နော်။ မြို့နယ် ငါးခု ရဲ့ မျိုးထုတ်တောင် သူ (၅၀) လောက်ကို ဖွံ့ဖြိုးတိုးတက်ဖို့လုပ်ပေးတယ်။ မျိုးစေ့ ဈေးကွက်ပေါ်ပေါက်လာစေဖို့လည်း ဆွေးနွေးတယ်။ ထပ်ပြီးတော့ မျိုးစေ့ဖွံ့ဖြိုးတိုးတက်ဖို့အတွက် ဆက်လက် လုပ်ဆောင်သွားမှာပါ”

အဆိုပါအခမ်းအနားမှာ မျိုးစေ့ထုတ်ကဏ္ဍ ၊ ကန်ထရိုက်လယ်ယာကဏ္ဍ ၊ အရည်အသွေးမြင့် အထွက်ကောင်းမျိုးစပါးများ စိုက်ပျိုးထုတ်လုပ်ခြင်း ကဏ္ဍတို့ကို ဆွေးနွေးခဲ့ကြောင်း သိရပါတယ်။

ဧရာဝတီမြစ်ဝကျွန်းပေါ်ဒေသ မျိုးစေ့ရပ်ဝန်း ချိတ်ဆက်လုပ်ဆောင်ခြင်းကို ၂၀၁၇ ခုနှစ်မှစ တင်ကာ ၂၀၁၉ ခုနှစ်ထိ လုပ်ဆောင်နေပြီး ဆက်လက်လုပ်ဆောင်သွားမှာဖြစ်ကြောင်း အဆိုပါအသင်းချုပ်မှ သိရပါတယ်။

အဆိုပါအခမ်းအနားကို စိုက်ပျိုးရေးဦးစီးဌာန ၊ မြန်မာနိုင်ငံဆန်စပါးအသင်းချုပ်နဲ့ ဂျာမနီနိုင်ငံ WHH အဖွဲ့တို့မှ ပူးပေါင်းကျင်းပခဲ့တာဖြစ်ကြောင်းလည်းသိရပါတယ်။

တိုးတိုးခိုင်(ABM)

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်