ဝဥ၊ ကော်ဖီနှင့် ထောပတ် ဈေးကွက်ချိတ်ဆက်နိုင်ရေး ဆောင်ရွက်သွားမည်

AMIA     07/06/2019 13:00 PM     Content Provider - Greenovator
Photo - Photo _ Shutter stock

ချင်းပြည်နယ်မှာ ဝဥ၊ ကော်ဖီနှင့် ထောပတ်တို့ကို ဈေးကွက်ချိတ်ဆက်နိုင်ရေးအတွက် စီစဉ်ဆောင်ရွက်သွားမှာဖြစ် ကြောင်း မြန်မာနိုင်ငံ သစ်သီးဝလံ၊ ပန်းမာန်နှင့် ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ချင်းပြည်နယ်ရှိတောင်သူများ ဝဥ၊ ထောပတ်နဲ့ အခြားသီးနှံများကို စီးပွားဖြစ်စိုက်ပျိုးရေးနဲ့ ဈေး ကွက်ချိတ်ဆက်နိုင်ရေးတို့အတွက် စီစဉ်ဆောင်ရွက်သွားမှာဖြစ်တယ်လို့ မြန်မာနိုင်ငံသစ်သီးဝလံ ၊ ပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချသူများအသင်းမှ အတွင်းရေးမှူး ဦးကျော်သူက ပြောပါတယ်။ 

“ဝဥ၊ ထောပတ်နဲ့ အခြားသီးနှံတွေ စီးပွားဖြစ်စိုက်ပျိုးနည်းနဲ့ တောင်သူတွေတွက်ခြေကိုက်ဖို့ဆွေးနွေးခဲ့တာပေါ့။ စိုက် ပျိုးရေးဦးစီးဌာနနဲ့ ပူးပေါင်းလုပ်သွားဖို့ရှိတယ်။ ဝဥ၊ ထောပတ်၊ ကော်ဖီတို့နဲ့ ပတ်သက်ပြီး ဆွေးနွေးညှိနှိုင်းပွဲတွေကတော့ ဆက်တိုက်ဆက်လုပ်သွားမှာပါ”

ချင်းပြည်နယ်ရှိ ကန်ပက်လက်၊ မင်းတပ် နဲ့မတူပီမြို့နယ်များမှာ ထောပတ်၊ ကော်ဖီနဲ့ ဝဥသီးနှံများ တန်ဖိုးမြှင့်ကွင်းဆက် အဆင့်မြှင့်တင်ခြင်းစီမံကိန်းများကို ဆောင်ရွက်သွားမှာဖြစ်ပြီး ဖလမ်း ၊ တီးတိန် နဲ့ပလက်ဝမြို့များမှာလည်း စီစဉ်ဆောင်ရွက်သွားမှာဖြစ်ကြောင်း သိရပါတယ်။

အဆိုပါစီမံကိန်းကို UKaid ၊ DaNa Facility  ကူညီထောက်ပံ့မှုနဲ့ ပူးပေါင်းဆောင်ရွက် လုပ်ကိုင်သွားမှာဖြစ်ကြောင်း မြန်မာနိုင်ငံသစ်သီးဝလံ၊ ပန်းမာန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ ရောင်းချသူများအသင်းမှ သိရပါတယ်။ 

တိုးတိုးခိုင်(ABM)

 



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ဖွဲထောင်းလို့ ဆန်ကောင်းမရ"