အလွယ်ကူဆုံး ပေါင်မုန့်ဖုတ်နည်း

    ခုလိုကာလကြီးမှာ အများစုက အိမ်မှာပဲနေပြီး အလုပ်လုပ်နေကြရတာပါ။ အာဟာရရှိတာတွေ ကိုယ်တိုင်ချက်ပြုတ်စားကြရသလို အိမ်တွင်း မုန့်လုပ်နည်း၊ ဝိုင်လုပ်နည်း၊ ယိုလုပ်နည်း စသဖြင့် လက်တည့်စမ်းနေကြတဲ့သူတွေလည်း ရှိပါတယ်။ ဒါ့ကြောင့် ကိုယ်တိုင် အရသာကောင်းတဲ့ ပေါင်မုန့်ကို လုပ်စားလို့အောင် နည်းလမ်းလေးမျှဝေပေးချင်ပါတယ်။ 

လိုအပ်သောပါဝင်ပစ္စည်းများ

- နွားနို့တစ်ခွက် (နို့မုန့်လည်းရ)

- ဆား (ထမင်းစားဇွန်းတစ်ဝက်)

- သကြား (ထမင်စားဇွန်း ၂ ဇွန်း)

- တစေး(Yeast) (ထမင်းစားဇွန်း ၁ ဇွန်း)

- ကြက်ဥ (၂ လုံး)

- ဂျုံ (၁၅ ဇွန်း)

- ဆီ သို့မဟုတ် ထောပတ် (၂ဇွန်း)

    ပထမဦးစွာ စတီးဇလုံတစ်လုံးထဲကို နွားနို့နွေးနွေးလေးတစ်ခွက်ထည့်ပါ။ အဲ့နောက်မှာတော့ ဆားဇွန်းဝက်နဲ့ သကြား (၂) ဇွန်းကိုထည့်ပြီး သမအောင်မွှေပေးပါ။ သကြားတွေနွားနို့ထဲမှာ အရည်ပျော်သွားပြီးဆိုရင် တစေး (၁) ဇွန်းထည့်ပြီး (၂) မိနစ်လောက် သေချာမွှေပေးပါ။ ထို့နောက်မှာတော့ ကြက်ဥတစ်လုံးဖောက်ထည့်ပြီး မွှေပေးပါ။ ပြီးရင်တော့ ဂျုံ (၁၅ ဇွန်း) မောက်မောက်ထည့်၊ ဆီ (၂ ဇွန်း) ထည့်ပီး လက်နဲ့နယ်ရပါမယ်။ စဉ်းနီတုံးဖြစ်ဖြစ် အဆင်‌ပြေတဲ့ပေါ်မှာတင်ပြီး ဂျုံလုံးလေး အိစက်ပြောင်လက်သွားတဲ့အထိ လှိမ့်နှယ်ပေးပါ။

    ထို့နောက် ဂျုံလုံးလေးကို အစောကအသုံးပြုခဲ့သော စတီးဇလုံထဲထည့်ပြီး ပလတ်စတစ်အကြည် (သို့) ပိတ်စလေးဖြင့် (၁) နာရီခန့် လုံအောင်ပိတ်ပြီးနှပ်ထားပါ။ တစ်နာရီကြာပြီးတဲ့နောက် အပြင်ကိုထုတ်ပြီး တဖန်လှိမ့်နယ်ပေးပါ။ ဂျုံလုံးလေးပြောင်ချောသွားရင်တော့ နှစ်ပိုင်း၊ လေးပိုင်း စသဖြင့် မိမိစိတ်ကြိုက်ပုံစံ ပိုင်းဖြတ်ပြီး လက်ဖြင့် ချောအောင်လုံးပေးပါ။ ထို့နောက် မိမိအသုံးပြုမည့် ပေါင်မုန့်ဖုတ်ဗန်းထဲမှာ ဂျုံလုံးအပိုင်းများကိုထည့်ပြီး နာရီဝက်ခန့် ပိတ်ဆဖုံး၍နှပ်ထားပါ။ ပြီးနောက် ကြက်ဥတစ်လုံးဖောက် ခေါက်၍ ဂျုံလုံးများအပေါ်တွင် သုတ်ပေးပါ။

    နောက်ဆုံးအဆင့်အနေဖြင့် အာဗန်ရှိသူများက အာဗန်ထဲထည့်ဖုတ်နိုင်ပါတယ်။ ဒါပေမယ့်မရှိတဲ့သူကများတာမို့ သာမန်ဟင်းချက်ဒယ်ကို အနှိမ့်ဆုံးအပူချိန်ထိထားပြီး အထဲမှာ သံဇကာခံ၊ ပြီးရင် ဂျုံလုံးတွေထည့်ထားတဲ့ဗန်းကို သံဇကာပေါ်တင်၊ အဖုံးပိတ်ပြီး မိနစ်(၃၀ )လောက်ထားလိုက်ရင် အရသာရှိတဲ့ ပေါင်မုန့်လေးတွေ ရရှိလာမှာဖြစ်ပါတယ်။ မီးသွေးမီးဖိုနဲ့လည်း ထိုနည်းအတိုင်းလုပ်နိုင်ပြီး အောက်မီးသွေးကိုလျော့ပြီး ဒယ်အိုးအဖုံးပေါ်မှာလည်း မီးသွေးများတင်ပေးရပါမယ်။ ကဲဒီလောက်ဆိုရင်တော့ အိမ်မှာ ကိုယ်တိုင်ပေါင်မုန့်ဖုတ်စားလို့ရပါပြီ အဆင်ပြေကြပါစေဗျာ။  

Ref: SS&P YouTube Video 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်