အချိုတည်းစရာ ချဉ်ပေါင်ရွက်ယို

ချဉ်ပေါင်ရွက်ကို ဟင်းအဖြစ်သာမက ကျန်းမာရေးဓာတ်စာအဖြစ်လည်း အသုံးပြုနိုင်သည်။ ကျန်းမာရေး အခြေအနေကြောင့် ခံတွင်းပျက်နေလို့ဖြစ်စေ၊ ရာသီဥတုကြောင့် အစားမချိုလျှင် ခံတွင်းမြိန်အောင် ချဉ်ပေါင်ရွက်ကို မျှစ်နှင့်ကြော်စားကြမလား ဒါမှမဟုတ် အချဉ်ဟင်းပဲချက်စားမလား၊ ချဉ်ပေါင်ယိုထိုးပြီး သရေစာလိုပဲစားမလား ပုံစံအမျိုးမျိုးဖြင့် စားသုံးနိုင်ပါတယ်။

ချဉ်ပေါင်ရွက်ရဲ့ အကျိုးကျေးဇူးတွေကတော့ အအေးမိဖျားနာခြင်းကို သက်သာစေသလို၊ သံဓာတ်ပါဝင်တဲ့အတွက် အားနည်းခြင်းရောဂါအတွက် အထူးသင့်လျော်သော ဓာတ်စာတစ်ခု ဖြစ်ပါတယ်။

ချဉ်ပေါင်ယို ပြုလုပ်တဲ့အခါမှာတော့ ချဉ်ပေါင်အသီးကိုဖြစ်စေ၊ ချဉ်ပေါင်ရွက်ကိုဖြစ်စေ အသုံးပြုနိုင်ပါတယ်။ 

ချဉ်ပေါင်ရွက် ပေါများတဲ့အချိန်မျိုးမှာဖြစ်စေ ချဉ်ပေါင်သီးများပေါ်ချိန်တွင်ဖြစ်စေ ချဉ်ပေါင်ယိုများပြုလုပ်ပြီး သိမ်း ဆည်းထားနိုင်ပါသည်။ သိမ်းဆည်းထားသော ယိုများကို ထမင်းစားပြီး အချိုတည်းရာတွင်လည်း စားသုံးနိုင်ပါတယ်။ 

ချဉ်ပေါင်ရွက်ဟာ သံဓာတ်ကြွယ်ဝတဲ့ အစားအစာဖြစ်တဲ့အတွက် သွေးအားနည်းသူများအတွက် ဓာတ်စာတစ်ခု အနေနဲ့လည်း အသုံးပြုနိုင်တယ်နော်။ ဗီတာမင်စီ ပါဝင်တဲ့အတွက် ကိုယ်ခံစွမ်းအားကို ကောင်းမွန်စေပါတယ်။ 

ပါဝင်ပစ္စည်းတွေကတော့ 

ချဉ်ပေါင်ရွက်/ ချဉ်ပေါင်သီး  (၁) ပိဿာ

ထန်းလျက် (၅၀) ကျပ်သား

ဆား (၅) ကျပ်သား

ရေ (၁.၅) လီတာ

ငရုတ်သီးခြောက် (၅) ကျပ်သား

ပထမအဆင့်အနေနဲ့

ချဉ်ပေါင်ရွက်/ အသီးများကို ရေစင်အောင်ဆေးကြောပြီး နေလှန်း အခြောက်ခံထားပါ။

အရမ်းမစိုမခြောက် အနေအထားရောက်လျှင် သိမ်းထားနိုင်ပါသည်။ 

ဒုတိယအဆင့်အနေနဲ့

ထန်းလျက် (၅၀) ကျပ်သားကို ရေ (၁.၅) လီတာနှင့် ရောပြီးကြိုပါ။ ထို့နောက် ထန်းလျက်ရည် အနည်းငယ် ပျစ်လာလျှင် မီးဖိုမှချ၍ ထန်းလျက်ရည်ကို စစ်ယူထားပါ။ အချို့က သကြားအသုံးပြုပြီး ယိုထိုးကြတယ်နော်။ သကြားဆိုရင်တော့ (၂၅ - ၃၀) ကျပ်သားလောက် ထည့်ကြပါတယ်။ 

ပြီးနောက် စစ်ထားတဲ့ ထန်းလျက်ရေထဲကို အခြောက်ခံထားတဲ့ ချဉ်ပေါင်ရွက်များကို ထည့်ကြိုပါ။

တတိယအဆင့်အနေနဲ့

ဆား (၅) ကျပ်သားထည့်၍ မွှေပါ။ မီးအေးအေးနှင့် အဆက်မပြတ်မွှေပေးရန် လိုအပ်ပါတယ်။

အစပ်ကြိုက်တတ်သူများအတွက် ချဉ်စပ်အနေအထားလည်း ပြုလုပ်နိုင်ပါတယ်။ အစပ်ကြိုက်သူများ အတွက် ငရုတ်သီးအခြောက်များကို ကြိတ်ထားပြီး ဆားထည့်တဲ့အချိန်မှာ ငရုတ်သီးပါ ထည့်ပေးနိုင်ပါတယ်။

ခပ်ပျစ်ပျစ် အနေအထားရောက်ပြီဆိုရင်တော့ အအေးခံပြီး ဗူးထဲကိုထည့် စားသုံးနိုင်ပါပြီ။

ဇွန်ပွင့်ဖြူ

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်