အစာစိမ်းရရှိမှု မလုံလောက်ချိန်မှာ ရရှိနိုင်သောပမာဏကို စနစ်တကျစီမံကျွေးမွေးခြင်း

နို့စားနွားမွေးမြူသူများအနေဖြင့် အစာစိမ်းလုံလောက်စွာ စိုက်ပျိုးပြီး အစာစိမ်းကို အခြေခံကျွေးမွေးမှသာ ထုတ်လုပ်မှုကုန်ကျစရိတ်သက်သာပြီး အကျိုးအမြတ်ပိုမို ရရှိမှာဖြစ်ပါတယ်။

သို့သော် နွားမွေးတောင်သူအများစုရဲ့ လက်ရှိအနေအထားအရ တစ်နှစ်ပတ်လုံး အစာစိမ်းရရှိဖို့က ကြိုးစားနေဆဲကာလဖြစ်ပါတယ်။

ဒါ့ကြောင့် အစာစိမ်းမလုံလောက်တဲ့အချိန်မှာ ခြံမှာ အစာစိမ်းကို ဘယ်လိုစီမံကျွေးကြမလဲ စဉ်းစားကြည့်ကြပါစို့။ ? ? ?

***ပထမဆုံးအနေဖြင့် တစ်ခြံလုံးအတွက် အစာစိမ်းမလုံလောက်သောအချိန်မှာ မိမိနွားများအတွက် ဘယ်လိုစီမံကျွေးမွေးလေ့ရှိပါသလဲ..?

မွေးမြူသူအများစု ပြုလုပ်လေ့ရှိသောပုံစံ

*** ရနိုင်သောအစာစိမ်းအားလုံးနှင့် လိုအပ်သော ကောက်ရိုး (သို့) ပဲရိုးရော၍ နွားအားလုံးကို ကျွေးလေ့ရှိပါတယ်။

ထိုသို့ကျွေးခြင်းဖြင့်.....

- နို့ပေးနွားမများတွင် အာဟာရလိုအပ်ချက်မပြည့်မီခြင်း

- နွားကလေးများတွင် အစာကြမ်း/ အစာစိမ်းစားသုံးမှုပမာဏ လျော့ကျခြင်းများ အဓိကတွေ့ရပါမယ်။

အကျိုးဆက်အနေဖြင့်

(၁)နို့ထွက်နှုန်းကျလာခြင်း

(၂)နွားကလေးများပိန်လာခြင်း

(၃)မျိုးမရသေးသော နို့ပေးနွားမများတွင် သားပြန်ရဖို့ နောက်ကျခြင်းများကို ကြုံရပါမယ်။

ထိုကဲ့သို့မဟုတ်ဘဲ..ရရှိနိုင်သောအစာစိမ်းကို ခြံတွင် ဦးစားပေးအလိုက် ကျွေးသင့်ပါတယ်

?✏ ဘယ်လိုစီမံကျွေးမွေးကြမလဲ ..?

ဦးစားပေး

(၁)လက်ရှိနို့ပေးနေသောနွားမ

(၂) နွားကလေးများ

(၃) နွားမတမ်းများ

(၄) မွေးကာနီးနွားမများ

(၅) နို့ခမ်းနွားမများ စသဖြင့်

ဦးစားပေး (၁)နှင့် (၂)အတွက် အစာစိမ်းလုံလောက်အောင် ခွဲတမ်းချပြီးမှသာ ကျန်အုပ်စုများကို အစာများ ရောကျွေးသင့်ပါတယ်။

?ရရှိနိုင်သောအကျိုးများ

- နို့ပေးနွားများ အစာအာဟာရ လုံလောက်စွာရရှိခြင်းကြောင့် နွားနို့ထုတ်လုပ်မှု ပမာဏလျော့မသွားခြင်းနှင့် သားမရသေးသော နို့ပေးကာလအစောပိုင်းရှိ နွားမများတွင် သားအောင်ခြင်း

- နွားကလေးများ အစာစိမ်းလုံလောက်စွာ စားရသောကြောင့် ကြီးထွားမှုကောင်းခြင်း စသည့်အကျိုးများရရှိလာပါမယ်။

ဒါကြောင့် တောင်သူများအနေဖြင့် ထိုကဲ့သို့ အစာစိမ်းမလုံလောက်ချိန်မှာ အစာစိမ်းကို စနစ်တကျစီမံကျွေးခြင်းဖြင့် ထုတ်လုပ်မှုကို မထိခိုက်အောင် ဆောင်ရွက်ရင်း ထိုကာလများကို ဖြတ်သန်းကြဖို့ အကြံပြုအပ်တယ်ခင်ဗျာ။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ